16-May-2023

ବିନିକା(ହିମାଂଶୁ ଶେଖର ପୁଟେଲ)ଆଜି ଭୋର ସକାଳୁ ବିନିକାର  ଐତିହାସିକ ପର୍ଯ୍ୟଟନସ୍ଥଳୀ ପାପକ୍ଷୟ ପରିସରର ବିଭିନ୍ନ ସ୍ଥାନରେ ଏବଂ ପରିସର ଭିତରେ ଥିବା ବହୁ ପୁରାତନ ବରଗଛ କୋରଡ ମାନଙ୍କରେ ନିଆଁ ଲାଗି ଧୁ ଧୂ ହୋଇ ଜଳୁଥିବା ସାଧାରଣ ଲୋକେ ଦେଖିବାକୁ ପାଇଥିଲେ  ।ଖବର ପ୍ରଚାରିତ ହେବା ପରେ ପର୍ଯ୍ୟଟନ ସ୍ଥଳୀ ରେ ଲୋକଙ୍କ ନାହିନଥିବା ଭିଡ ଜମି ଥିଲା ନିକଟ ପାପକ୍ଷୟ ଘାଟରୁ ଲୋକେ ପାଣି ସଂଗ୍ରହ କରି ଲିଭାଇବାକୁ ଚେଷ୍ଟା କରିଥିଲେ ।ପରେ ଖବର ପାଇ ବିନିକା ତହସିଲଦାର ମୁକ୍ତେଶ୍ଵର ପାଣିଗ୍ରାହୀ,ଅଗ୍ନିଶମ ବିଭାଗ କର୍ମଚାରୀ ପହଞ୍ଚି ନିଆଁକୁ ଆୟତ୍ତ

କରିବାରେ ସଫଳ ହୋଇଥିଲେ । ଅଞ୍ଚଳବାସୀଙ୍କ ଭାବାବେଗ ସହ ଜଡ଼ିତ ଏବଂ ପର୍ଯ୍ୟଟକଙ୍କ ପାଇଁ ଆକୃଷ୍ଟ ଏହି ଐତିହାସିକ ପୀଠ ଧ୍ଵଂସ ମୁଖରୁ ବର୍ତ୍ତି ଯାଇଛି ।କେଉଁ ଦୁର୍ବୃତ୍ତଙ୍କ ଦ୍ଵାରା ଏହି କାମ ହୋଇଛି ସ୍ଥାନୀୟ ପ୍ରଶାସନ ତା ଉପରେ ଦୃଢ କାର୍ଯ୍ୟାନୁଷ୍ଠାନ ଗ୍ରହଣ କରିବାକୁ ଜନସାଧାରଣରେ ଦାବି ହେଉଛି ।