16-May-2023

ବିନିକା(ହିମାଂଶୁ ଶେଖର ପୁଟେଲ)ବିନିକା ସ୍ପୋର୍ଟସ କ୍ଲବ ତରଫରୁ ସ୍ଥାନୀୟ ବିଜୁ ପଟ୍ଟନାୟକ ଷ୍ଟାଡିୟମ ଠାରେ ଆଇପିଏଲ ଢାଞ୍ଚାରେ ଚାଲିଥିବା ବିପିଏଲ ସିଜନ-୩ କ୍ରିକେଟ ଟୁର୍ଣ୍ଣାମେଣ୍ଟର ସୋମବାର ଅନୁଷ୍ଟିତ ସପ୍ତମ ରାଉଣ୍ଡର ପ୍ରଥମ ମ୍ୟାଚରେ ଅନ୍ୟା ସ୍ପୋର୍ଟିଙ୍ଗକୁ ହରାଇ ସିଦ୍ଧିକ୍ଷା ରେବେଲସ ଦ୍ଵିତୀୟ ଦଳ ଭାବେ କ୍ୱାଲିଫାୟାରକୁ ପ୍ରବେଶ କରିଛି।ଟଚ ଜିଣି ସିଦ୍ଧିକ୍ଷା ପ୍ରଥମେ ବ୍ୟାଟିଂ କରି ୧୦ଓଭରରେ ସମସ୍ତ ୱିକେଟ ହରାଇ ୬୯ରନ କରିଥିଲା ତାର ଜବାବରେ ଆନ୍ୟା ସ୍ପୋର୍ଟିଙ୍ଗ ମାତ୍ର ୫୮ରନ କରି ପରାଜିତ ହୋଇଥିଲା । ମ୍ୟାଚକୁ ମଣ୍ଟୁ ମୁଦୁଲି ଓ ସବ୍ୟସାଚୀ ମିଶ୍ର ପରିଚାଳନା କରିଥିବା ବେଳେ ସ୍କୋରର ଭାବେ ରୀନ୍ତୁ ବଢେଇ,ଆଲୋକ ସେଠୀ ଏବଂ ମ୍ୟାଚର ଧାରାବିବରଣୀ ମାନସ ରଞ୍ଜନ ଦାଶ,ଶଶାଙ୍କ ଶେଖର ପ୍ରଦାନ କରିଥିଲେ ।ସ୍ପୋର୍ଟସ କ୍ଲବ ସମ୍ପାଦକ ମନୋଜ ଦାସଙ୍କ ଅଧ୍ୟକ୍ଷତାରେ ଅନୁଷ୍ଠିତ ପୁରସ୍କାର ବିତରଣୀ ଉତ୍ସବରେ ମୁଖ୍ୟଅତିଥି ଭାବରେ ସୁବର୍ଣ୍ଣପୁର ଜିଲ୍ଲା ଓକିଲ ସଂଘ ସଭାପତି ବିଧାନ ଚନ୍ଦ୍ର ପାଣିଗ୍ରାହୀ,ସ୍ଵତନ୍ତ୍ର ଅତିଥି ଆଇନଜୀବୀ ତଥା ବିନିକା ପୁରୁଣା ବସଷ୍ଟାଣ୍ଡ ଦୁର୍ଗାପୂଜା କମିଟି ସଭାପତି ସନ୍ତୋଷ ପଣ୍ଡା,ଆଇନଜୀବୀ ତଥା ସମାଜସେବୀ ସୁଜିତ କୁମାର ମିଶ୍ର,ସମ୍ମାନିତ ଅତିଥି ଭାରତୀୟ ସ୍ଥଳ ବାହିନୀ ଆସାମ ରାଇଫଲ ଜବାନ ସତ୍ୟ ନାରାୟଣ ଥାଟି,ସାମ୍ବାଦିକ ଅଶୋକ କୁମାର ପଣ୍ଡା ପ୍ରମୁଖ ଯୋଗଦେଇ ବିଜେତା/ଉପ ବିଜେତା ଦଳ,ମ୍ୟାନ ଅଫ ଦି ମ୍ୟାଚ ଅଭି ମେହେର,ବେଷ୍ଟ ବ୍ୟାଟ୍ସମ୍ୟାନ

ସୁଧାଂଶୁ ନାୟକ,ବେଷ୍ଟ ବୋଲର ଅନିଲଙ୍କୁ ପୁରସ୍କାର ଦେଇ ସମ୍ମାନିତ କରାଯାଇଥିଲା ମଙ୍ଗଳବାର ଅପରାହ୍ନରେ ଅତୁଳ-୧୧ ବନାମ ପିସିସି ମଧ୍ୟରେ ମ୍ୟାଚ ଅନୁଷ୍ଠିତ ହେବ । ଉଭୟ ଦଳର ଖେଳାଳୀ ମାନଙ୍କୁ ଉତ୍ସାହିତ କରିବା ସହିତ ସେମାନଙ୍କୁ ପୁରସ୍କାର ପ୍ରଦାନ ନିମନ୍ତେ ମୁଖ୍ୟଅତିଥି ଭାବରେ ବିନିକା ସିଦ୍ଧାର୍ଥ ଜୁନିଅର କଲେଜ ଅଧ୍ୟକ୍ଷା ରେଖା ପ୍ରଧାନ,ସମ୍ମାନିତ ଅତିଥି ଭାବେ ବିନିକା-ଫୁଲମୁଠୀ ମହିଳା ଜୁନିଅର କଲେଜ ଗୃହ ବିଜ୍ଞାନ ଅଧ୍ୟାପିକା ବୈଜୟନ୍ତୀ ସାହୁ,ଖେଳ ଶିକ୍ଷୟତ୍ରୀ ବିନ୍ଦୁଲତା କର,ବିଶିଷ୍ଟ କବିୟତ୍ରୀ ଗୀତାଞ୍ଜଳି ମିଶ୍ର,ବିନିକା ଗୋଷ୍ଟି ସ୍ବାସ୍ଥ୍ୟ କେନ୍ଦ୍ରର ଜନସ୍ବାସ୍ଥ୍ୟ ସମ୍ପ୍ରସାରଣ ଅଧିକାରୀ ବିନ୍ଦୁ ଲୋହାର ପ୍ରମୁଖ ଯୋଗଦେବେ   ବୋଲି ଆୟୋଜକଙ୍କ ସୁତ୍ରରୁ ପ୍ରକାଶ ।