13-May-2023

ବିନିକା(ହିମାଂଶୁ ଶେଖର ପୁଟେଲ)ବିନିକା ସ୍ପୋର୍ଟସ କ୍ଲବ ତରଫରୁ ସ୍ଥାନୀୟ ବିଜୁ ପଟ୍ଟନାୟକ ଷ୍ଟାଡିୟମ ଠାରେ ଆଇପିଏଲ ଢାଞ୍ଚାରେ ଚାଲିଥିବା ବିପିଏଲ ସିଜନ-୩ କ୍ରିକେଟ ଟୁର୍ଣ୍ଣାମେଣ୍ଟର ଶୁକ୍ରବାର ଅନୁଷ୍ଟିତ ଷଷ୍ଠ ରାଉଣ୍ଡର ପ୍ରଥମ ମ୍ୟାଚରେ ପିସିସିକୁ ହରାଇ ବାଦୀ ବ୍ରଦରସ ସହଜ ବିଜୟ ହାସଲ କରିବା ସହିତ ପ୍ରଥମ ଦଳ ଭାବେ କାଲିଫାୟାରକୁ ପ୍ରବେଶ କରିଛି।ଟଚ ଜିଣି ପିସିସି ପ୍ରଥମେ ବ୍ୟାଟିଂ କରି ୧୦ଓଭରରେ ୮ୱିକେଟ ହରାଇ ୫୭ରନ କରିଥିଲା ତାର ଜବାବରେ ବାଦୀ ବ୍ରଦରସ ମାତ୍ର ୧ୱିକେଟ ହରାଇ ୮.୪ଓଭରରେ  ୫୮ରନ କରି ବିଜୟୀ ହୋଇଥିଲା । ମ୍ୟାଚକୁ ବାବୁଲାଲ ସାହୁ ଓ ସବ୍ୟସାଚୀ ମିଶ୍ର ପରିଚାଳନା କରିଥିବା ବେଳେ ସ୍କୋରର ଭାବେ ହାଡୁ ବଢେଇ,ଆଲୋକ ସେଠୀ ଏବଂ ମ୍ୟାଚର ଧାରାବିବରଣୀ ଶଶାଙ୍କ ଶେଖର ଦାସ ପ୍ରଦାନ କରିଥିଲେ ।ସ୍ପୋର୍ଟସ କ୍ଲବ ଉପ ସଭାପତି ବୁଲୁ ଦଣ୍ଡିଆଙ୍କ ଅଧ୍ୟକ୍ଷତାରେ ଅନୁଷ୍ଠିତ ପୁରସ୍କାର ବିତରଣୀ ଉତ୍ସବରେ ମୁଖ୍ୟଅତିଥି ଭାବରେ ପ୍ରମେୟ ସାମ୍ବାଦିକ ମୁକେଶ ବଗର୍ତ୍ତି,ସ୍ଵତନ୍ତ୍ର ଅତିଥି ଏ-୧ ରିପୋର୍ଟର ଶାନ୍ତନୁ ପଣ୍ଡା,ସମ୍ମାନିତ ଅତିଥି ନ୍ୟୁଜ-୭ ରିପୋର୍ଟର ଦଧିବାମନ ନାୟକ  ଯୋଗଦେଇ ବିଜେତା/ଉପ ବିଜେତା ଦଳ,ମ୍ୟାନ ଅଫ ଦି ମ୍ୟାଚ ଜୟରାମ କୁମ୍ଭାରଙ୍କୁ ପୁରସ୍କାର ଦେଇ ସମ୍ମାନିତ କରାଯାଇଥିଲା ଶନିବାର ଅପରାହ୍ନରେ ଅତୁଳ-୧୧ ବନାମ କମ୍ରେଡ ମଧ୍ୟରେ ମ୍ୟାଚ ଅନୁଷ୍ଠିତ ହେବ ।ଉଭୟ ଦଳର ଖେଳାଳୀ ମାନଙ୍କୁ ଉତ୍ସାହିତ କରିବା ସହିତ ପୁରସ୍କାର ପ୍ରଦାନ ପାଇଁ ମୁଖ୍ୟଅତିଥି ଭାବରେ

ବିଜୁ ଜନତା ଦଳ ରାଜ୍ୟ କାର୍ଯ୍ୟକାରିଣୀ ସଦସ୍ୟା ତଥା ଉଲୁଣ୍ଡା ବ୍ଲକ ବିଜେଡ଼ି ମହିଳା ସଭାନେତ୍ରୀ ସଙ୍ଗୀତାରାଣୀ ଭୁକ୍ତା,ସ୍ଵତନ୍ତ୍ର ଅତିଥି ଭାବେ ବିନିକା ବ୍ଲକ ବିଜୁ ଜନତା ଦଳ ମହିଳା ମୋର୍ଚ୍ଚା ସଭାନେତ୍ରୀ ତଥା ଚରଦା ପଞ୍ଚାୟତ ସରପଞ୍ଚ ବୃନ୍ଦାବତୀ ନାୟକ,ସମ୍ମାନିତ ଅତିଥି ଭାବେ ବିନିକା ନଗର ବିଜୁ ଜନତା ଦଳ ସଭାନେତ୍ରୀ ଲକ୍ଷ୍ମୀ ମେହେର,ସମ୍ପାଦିକା ପଙ୍କଜିନି ବାଘ ଯୋଗଦେବେ ବୋଲି ଆୟୋଜକ ବିନିକା ସ୍ପୋର୍ଟସ କ୍ଲବ ତରଫରୁ ପ୍ରକାଶ ।