09-May-2023

ବିନିକା(ହିମାଂଶୁ ଶେଖର ପୁଟେଲ)ବିନିକା ସ୍ପୋର୍ଟସ କ୍ଲବ ତରଫରୁ ସ୍ଥାନୀୟ ବିଜୁ ପଟ୍ଟନାୟକ ଷ୍ଟାଡିୟମ ଠାରେ ଆଇପିଏଲ ଢାଞ୍ଚାରେ ଚାଲିଥିବା ବିପିଏଲ ସିଜନ-୩ କ୍ରିକେଟ ଟୁର୍ଣ୍ଣାମେଣ୍ଟର ସୋମବାର ଅନୁଷ୍ଟିତ ପଞ୍ଚମ ରାଉଣ୍ଡର ପ୍ରଥମ ମ୍ୟାଚରେ ପିସିସିକୁ ହରାଇ ସିଦ୍ଧିକ୍ଷା ରେବେଲସ ବିଜୟୀ ହୋଇଛି । ଟଚ ଜିଣି ସିଦ୍ଧିକ୍ଷା ପ୍ରଥମେ ବ୍ୟାଟିଂ କରି ୧୦ଓଭରରେ ୧୦ୱିକେଟ ହରାଇ ୫୫ରନ କରିଥିଲା ତାର ଜବାବରେ ପିସିସି ଦଳ ନିର୍ଦ୍ଧାରିତ ଓଭରରେ ୮ୱିକେଟ ହରାଇ ମାତ୍ର ୪୪ରନ କରିବାକୁ ସକ୍ଷମ ହୋଇଥିଲା ମ୍ୟାଚକୁ ରଞ୍ଜିତ ପଣ୍ଡା ଓ ଜିତେନ ମଣ୍ଡଳ ପରିଚାଳନା କରିଥିବା ବେଳେ ସ୍କୋରର ଭାବେ ହାଡୁ ବଢେଇ,ଆଲୋକ ସେଠୀ ଏବଂ ମ୍ୟାଚର ଧାରାବିବରଣୀ ଶଶାଙ୍କ ଶେଖର ଦାସ,ବୈରାଗୀ ପ୍ରଧାନ ପ୍ରଦାନ କରିଥିଲେ ।ସ୍ପୋର୍ଟସ କ୍ଲବ ସଭାପତି ସୋମନାଥ ମିଶ୍ରଙ୍କ ଅଧ୍ୟକ୍ଷତାରେ ଅନୁଷ୍ଠିତ ପୁରସ୍କାର ବିତରଣୀ ଉତ୍ସବରେ ମୁଖ୍ୟଅତିଥି ଭାବେ ବିନିକା ପୋଲିସ ଷ୍ଟେସନ ରାଇଟର ସରୋଜ ପ୍ରଧାନ,ସ୍ଵତନ୍ତ୍ର ଅତିଥି ଭାବେ ବିନିକା ବ୍ଲକ ଯୁବ ସଂଗଠକ ଆଲୋକ ରଞ୍ଜନ ହୋତା,ସମ୍ମାନିତ ଅତିଥି ଭାବେ

ବିନିକା ଥାନା ହାବିଲଦାର ମହେନ୍ଦ୍ର ବହିଦାର,ଡ୍ରାଇଭର ସୁଧାଂଶୁ ଶେଖର ପୂଜାରୀ ଯୋଗଦେଇ ବିଜୟୀ/ରନରସଅପ ଦଳ ଓ ସିଦ୍ଧିକ୍ଷା  ଟୀମର ଅନ୍ତ ନାଗ ମ୍ୟାନ ଅଫ ଦି ମ୍ୟାଚ,ବେଷ୍ଟ ବ୍ୟାଟ୍ସମ୍ୟାନ ମାନସ ଭୋଇଙ୍କୁ ପୁରସ୍କାର ପ୍ରଦାନ କରାଯାଇଥିଲା ଆଜି ମଙ୍ଗଳବାର ଅପରାହ୍ନରେ ଆନ୍ୟା ସ୍ପୋଟିଙ୍ଗ ବନାମ ସାଗର-୧୧ ମଧ୍ୟରେ ମ୍ୟାଚ ଅନୁଷ୍ଟିତ ହେବ ।ଉଭୟ ଦଳର ଖେଳାଳୀ ମାନଙ୍କୁ ଉତ୍ସାହିତ କରିବା ସହିତ ପୁରସ୍କାର ପ୍ରଦାନ ପାଇଁ ମୁଖ୍ୟଅତିଥି ଭାବରେ ବୀରମହାରାଜପୁର ଗୋଷ୍ଟି ଶିକ୍ଷା ଅଧିକାରୀ ଶାନ୍ତନୁ କୁମ୍ଭକାର,ସ୍ଵତନ୍ତ୍ର ଅତିଥି ଭାବେ ବିନିକା-ଫୁଲମୁଠୀ ମହିଳା ଜୁନିଅର କଲେଜ ଅଧ୍ୟକ୍ଷ ପଞ୍ଚାନନ ସାହୁ,ସମ୍ମାନିତ ଅତିଥି ଭାବେ ବିନିକା ଅତିରିକ୍ତ ଗୋଷ୍ଠୀ ଶିକ୍ଷା ଅଧିକାରୀ ବସନ୍ତ ଭୋଇ,ସିଦ୍ଧାର୍ଥ ଡିଗ୍ରୀ କଲେଜ ଅର୍ଥନୀତି ବିଭାଗର ଅଧ୍ୟାପକ ବିଶ୍ଵନାଥ ମିଶ୍ର ପ୍ରମୁଖ ଯୋଗଦେବେ ବୋଲି ଆୟୋଜକଙ୍କ ସୂତ୍ରରୁ ପ୍ରକାଶ ।