08-May-2023

ବିନିକା(ହିମାଂଶୁ ଶେଖର ପୁଟେଲ) ବିନିକା ସ୍ପୋର୍ଟସ କ୍ଲବ ତରଫରୁ ସ୍ଥାନୀୟ ବିଜୁ ପଟ୍ଟନାୟକ ଷ୍ଟାଡିୟମ ଠାରେ ଆଇପିଏଲ ଢାଞ୍ଚାରେ ଚାଲିଥିବା ବିପିଏଲ ସିଜନ-୩ କ୍ରିକେଟ ଟୁର୍ଣ୍ଣାମେଣ୍ଟର ରବିବାର ଅନୁଷ୍ଟିତ ଚତୁର୍ଥ ରାଉଣ୍ଡର ଚତୁର୍ଥ ମ୍ୟାଚରେ କମ୍ରେଡକୁ ହରାଇ ବାଦୀ ବ୍ରଦରସ ବିଜୟୀ ହୋଇଛି । ଟଚ ଜିଣି ବାଦୀ ପ୍ରଥମେ ବ୍ୟାଟିଂ କରି ୧୦ଓଭରରେ ୭ୱିକେଟ ହରାଇ ୮୨ରନ କରିଥିଲା ତାର ଜବାବରେ କମ୍ରେଡ ଦଳ  ନିର୍ଦ୍ଧାରିତ ଓଭରରେ ୮ୱିକେଟ ହରାଇ ମାତ୍ର ୬୧ରନ କରିବାକୁ ସକ୍ଷମ ହୋଇଥିଲା ମ୍ୟାଚକୁ ବିନୋଦ ପାତ୍ର ଓ ପ୍ରଦୀପ ମହାଳୀଙ୍ଗ ପରିଚାଳନା କରିଥିବା ବେଳେ ସ୍କୋରର ଭାବେ ହାଡୁ ବଢେଇ, ଆଲୋକ ସେଠୀ ଏବଂ ମ୍ୟାଚର ଧରାବିବରଣୀ ଶଶାଙ୍କ ଶେଖର ଦାସ ପ୍ରଦାନ କରିଥିଲେ ।ସ୍ପୋର୍ଟସ କ୍ଲବ ଉପ ସଭାପତି ବୁଲୁ ଦଣ୍ଡିଆଙ୍କ ଅଧ୍ୟକ୍ଷତାରେ ଅନୁଷ୍ଠିତ ପୁରସ୍କାର ବିତରଣୀ ଉତ୍ସବରେ ମୁଖ୍ୟଅତିଥି ଭାବେ ଭାରତୀୟ ଷ୍ଟେଟ ବ୍ୟାଙ୍କ ଗଡପଳାସୁନୀ ଶାଖା ପରିଚାଳକ ଘନଶ୍ୟାମ ମେହେର,ସ୍ଵତନ୍ତ୍ର ଅତିଥି ଭାବେ ବିନିକା ସରକାରୀ ବାଳକ ଉଚ୍ଚ ବିଦ୍ୟାଳୟ ପ୍ରଧାନ ଶିକ୍ଷକ ନୀଳାଚଳ ମେହେର,ସମ୍ମାନିତ ଅତିଥି ଭାବେ ବିନିକା ବିଜୁ ଜନତା ଦଳ ସଂଗଠକ ତଥା ଚାଷୀ ନେତା ଭୀମସେନ ସାହୁ ଯୋଗଦେଇ

ବିଜୟୀ/ରନରସଅପ ଦଳ ଓ ବାଦୀ ବ୍ରଦରସ ଟୀମର ଲୋକେଶ ଶିକା ମ୍ୟାନ ଅଫ ଦି ମ୍ୟାଚ ପୁରସ୍କାର ପ୍ରଦାନ କରାଯାଇଥିଲା ସୋମବାର ଅପରାହ୍ନରେ ପିସିସି ବନାମ ସିଦ୍ଧିକ୍ଷା ରେବେଲସ ମଧ୍ୟରେ ମ୍ୟାଚ ଅନୁଷ୍ଟିତ ହେବ । ଉଭୟ ଦଳର ଖେଳାଳୀ ମାନଙ୍କୁ ଉତ୍ସାହିତ କରିବା ସହିତ ପୁରସ୍କାର ପ୍ରଦାନ ନିମନ୍ତେ ମୁଖ୍ୟ ଅତିଥି ଭାବେ ବିନିକା ଥାନା ରାଇଟର ସରୋଜ ପ୍ରଧାନ,ହାବିଲଦାର ମହେନ୍ଦ୍ର ବହିଦାର,ଯୁବ ସଂଗଠକ ଆଲୋକ ହୋତା,କନେଷ୍ଟବଳ ସୁଧାଂଶୁ ପୁଝାରୀ ପ୍ରମୁଖ ଯୋଗଦେବେ ବୋଲି ଆୟୋଜକଙ୍କ ସୂତ୍ରରୁ ପ୍ରକାଶ ।