30-Apr-2023

ବଲାଙ୍ଗିର(ଦେବାଶିଷ ବହିଦାର)- ୬୦ ଘର ଡୁମାଲ ସମାଜ ବଲାଙ୍ଗିର ଜିଲ୍ଲାର ର ଏକ ସାଙ୍ଗଠାନିକ ବୈଠକ ଯାଦବ ଭବନ ଠାରେ ଜିଲ୍ଲା ସଭାପତି ଲମ୍ବୋଧର ମହାକୁର ଙ୍କ ସଭାପତିତ୍ୱରେ ଅନୁଷ୍ଠିତ ହୋଇଯାଇଛି । ସଭାପତିଙ୍କ ସ୍ୱାଗତ ଭାଷଣ ପରେ ସଭା କାର୍ଯ୍ୟ ଆରମ୍ଭ ହୋଇଥିଲା । ରାଜ୍ୟ ପରିଷଦକୁ ପ୍ରତିନିଧିତ୍ୱ କରୁଥିବା ୬ ଜଣ ସଭ୍ୟ ଦୟାନିଧି ଖମାରୀ, ଚକାନନ୍ଦ କମ୍ପ, ପ୍ରଫୁଲ୍ଲ ବଘାର, ନାରାୟଣ କମ୍ପ, ସୁବଳ ଖମାରୀ, ବୃଷୁବ ଦନ୍ତା ଙ୍କୁ ବୈଠକରେ ଉପଢୈାକନ ଦେଇ ସମ୍ମାନିତ କରାଯାଇଥିଲା । ୧୪.୦୫.୨୦୨୩ ତାରିଖରେ ବଲାଙ୍ଗିର ରେ ରାଜ୍ୟ ପରିଷଦ ଗଠନ କରାଯିବାକୁ ସ୍ଥିର କରାଯାଇଥିବାରୁ ଏହା ଆମ ପାଇଁ ସମ୍ମାନର ପ୍ରଶ୍ନ ଭାବରେ ଗ୍ରହଣ କରିବାକୁ ସଭାପତି ମତପ୍ରକାଶ କରିଥିଲେ ଏବଂ ସମସ୍ତ ସକ୍ରିୟ ସଭ୍ୟ ଏଥିରେ ସହଯୋଗ କରିବାକୁ ଅନୁରୋଧ କରିଥିଲେ । ୬୦ ଘର ଡୁମାଲ ସମାଜର ଏକ ଭବନ ବଲାଙ୍ଗିର ସହରାଞ୍ଚଳରେ ନିର୍ମାଣ କରାଯିବାକୁ ପ୍ରସ୍ତାବ ଆଗତ ହୋଇଥିଲା । ବଲାଙ୍ଗିର ସହରାଞ୍ଚଳ ସଭାପତି ସଂଜୟ କୁମାର ମହାକୁର ଡୁମାଲ ଭବନ ପାଇଁ ଜମି ଓ ସମନ୍ୱୟ କମିଟି ଗଠନ ଉପରେ ସୂଚନା ଦେଇଥିଲେ । ଭବନ ନିର୍ମାଣ ନିମନ୍ତେ ୨୭ଟି ଚକର ସଭାପତି, ଜିଲ୍ଲା କାର୍ଯ୍ୟକାରିଣୀ ସଭ୍ୟ, ସହରାଞ୍ଚଳ କମିଟି ଓ ଉପଦେଷ୍ଟା ମଣ୍ଡଳିର ସଭ୍ୟଙ୍କୁ ନେଇ ଏକ ପୂର୍ଣ୍ଣାଙ୍ଗ କମିଟି ଗଠନ କରାଯାଇଥିଲା । ପରିଶେଷରେ ବିଭିନ୍ନ କେନ୍ଦ୍ରମାନଙ୍କରେ ଥିବା ଛୋଟ ବଡ ସମସ୍ୟା ଉପରେ ଉପସ୍ଥିତ ସଭ୍ୟ ନିଜ ନିଜର ମତ ଉପସ୍ଥାପନ କରିଥିଲେ ଏବଂ ଆଗାମୀ ଦିନରେ ଜିଲ୍ଲା କାର୍ଯ୍ୟକାରିଣୀ କମିଟି ର ତତ୍ତ୍ୱାବଧାନରେ ସେ ସବୁ ସମସ୍ୟାର ସମାଧାନ ପାଇଁ ସର୍ବସମ୍ମତି କ୍ରମେ ସିଦ୍ଧାନ୍ତ ଗ୍ରହଣ କରାଯାଇଥିଲା । ଜାତି ସମାଜର ଉନ୍ନତି ପାଇଁ ମିଳିତ ପ୍ରୟାସ କରିବାକୁ ସମସ୍ତେ ଏକ ହୋଇ କାମ କରିବା ପାଇଁ ଉପସ୍ଥିତ ସମସ୍ତ ସଭ୍ୟ ଶପଥ ନେଇଥିଲେ । ଶେଷରେ ଜିଲ୍ଲା କାର୍ଯ୍ୟକାରିଣି ସଭ୍ୟ ଚକାନନ୍ଦ କମ୍ପ ଧନ୍ୟବାଦ ଅର୍ପଣ କରିଥିଲେ ।