28-Apr-2023

ସାଲେଭଟା(ପ୍ରେରଣା ଖବର) ବଲାଙ୍ଗିର ଜିଲ୍ଲା ଆଗଲପୁର (ଡୁଡୁକା)ବ୍ଳକ  ସାଲେଭଟା ସରସ୍ୱତୀ ଶିଶୁବିଦ୍ୟାମନ୍ଦିିର ବାର୍ଷିକ ପୁରସ୍କାର ବିତରଣୀ ଉତ୍ସବ ଅନୁଷ୍ଠିତ ହୋଇଛି । ଏହାକୁ  ‘ୁଲ ପୁଟେଲ ପ୍ରଦୀପ ପ୍ରଜ୍ୱଳନ କରି ଉକ୍ତ ଉତ୍ସବର ଶୁଭାରମ୍ଭ କରିଥିଲେ । ବିଦ୍ୟାଳୟର ସଭାଗୃହରେ ସଭାପତି ସୁଦୀପ କୁମାର ପଣ୍ଡା ଙ୍କ ସଭାପତିତ୍ୱରେ ଏକ ସଭା ଅନୁଷ୍ଠିତ ହୋଇଥିଲା । ଏଥିରେ ଶ୍ରୀମତୀ ପୁଟେଲ ମୁଖ୍ୟଅତିଥି ଭାବରେ ଯୋଗଦାନ କରିଥିଲେ । କୋଷା୍ମକ୍ଷ ଅରବିନ୍ଦ ସତପଥି ପ୍ରମୁଖ ସମ୍ମାନୀତ ଅତିଥିଭାବରେ ଯୋଗଦାନ କରିଥିଲେ । ବିଦ୍ୟାଳୟର ଭାଇ ଭଉଣୀ ମାନଙ୍କ ଦ୍ୱାରା ପ୍ରାରମ୍ଭିକ ସଙ୍ଗୀତ ଗାନ କରାଯାଇଥିଲା ।  ପ୍ରଧାନ ଆଚାର୍ଯ୍ୟ ହେମନନ୍ତ ମେହେର  ଉତ୍ସବ ର ଉଦେଶ୍ୟ ଜ୍ଞାପନ ସହ ସ୍ୱାଗତ ଓ ଅତିଥିପରିଚୟ ପ୍ରଦାନ କରିଥିଲେ । ଚଳିତ ଶିକ୍ଷାବର୍ଷ ରେ ଅନୁଷ୍ଠିତ ବିଭିନ୍ନ ପ୍ରତିଯୋଗୀତା ରେ କୃତକାର୍ଯ୍ୟ ହୋଇଥିବା କୃତୀ ପ୍ରତିଯୋଗୀଙ୍କୁ ପୁରସ୍କାର ପ୍ରଦାନ କରାଯାଇଥିଲା । ସେହିପରି ୨୦୧୮ ରୁ ୨୦୨୩ ମସିହା ପର୍ଯ୍ୟନ୍ତ ସରକାରୀ ବୃତି ଓ ନବୋଦୟ ରେ ଉତିର୍ଣ୍ଣ ହୋଇଥିବା ୧୭ ଜଣ ବିଦ୍ୟାଳୟର ଭାଇ ଭଉଣୀ ମାନଙ୍କୁ ସ୍ୱତନ୍ତ୍ର ଭାବରେ ପୁରସ୍କୃତ କରାଯାଇଥିଲା ।  ଏହାକୁ  ମନରଞ୍ଜନ ପଧାନ  ପରିଚାଳନା କରିଥିଲେ । ଶେଷରେ ବିଦ୍ୟାଳୟ ପରିଚାଳନା କମିଟୀ ସଂପାଦକ ସୁଦର୍ଶନ ସାହୁ ଧନ୍ୟବାଦ ଅର୍ପଣ କରିଥିଲେ ।