24-Apr-2023

ଚିପିଲିମା (ସଂଜୀବ ପାଣିଗ୍ରାହୀ )
 ସମ୍ବଲପୁର ଜିଲା ଧନକଉଡା ବ୍ଲକ କର୍ଡୋଲା ଗ୍ରାମରେ ୨୪ ପ୍ରହରୀ ନାମଯଜ୍ଞ ହସଉଳ୍ଲାସରେ ଅନୁଷ୍ଠିତ ହୋଇଯାଇଛି I ଏହି ଅବସରରେ ଗତ ରବିବାର ପୂର୍ବାହ୍ନରେ ନିକଟସ୍ଥ ମହାନଦୀରୁ କଳସ ବୁଡାଇ ପୂଜାର୍ଚ୍ଚନାପରେ ଗ୍ରାମର ଶତାଧିକ ମହିଳା କଳଶ ଶୋଭାଯାତ୍ରା ମାଧ୍ୟମରେ କଳସ ଆଣି ନାମଯଜ୍ଞ ମଣ୍ଡପରେ ସ୍ଥାପନ କରାଯାଇଥିଲା I ପରେ ଷଡବୈଷ୍ଣବ ପୂଜା,ରାଧାକୃଷ୍ଣ ପୂଜା ପରେ ହରେ କୃଷ୍ଣ,  ହରେ ରାମ ମହାମନ୍ତ୍ର ନାମ ଶୁଭାରମ୍ଭ କରାଯାଇଥିଲା I ସମଗ୍ର ପୂଜାକାର୍ଯ୍ୟକୁ ପଣ୍ଡିତ ସୁଧାଂଶୁ ପାଣିଗ୍ରାହୀ ପରିଚାଳନା କରିଥିବାବେଳେ, ଗଉଁନ୍ତିଆ ସୁରେନ୍ଦ୍ର ନାୟକ ସପତ୍ନିକ କର୍ତ୍ତାଦାୟିତ୍ବ ସଂପାଦନ କରିଥିଲେ I ଜପକ ଭାବରେ ପ୍ରଫୁଲ୍ଲ କୁମାର ନାୟକ, କିଶୋର ପୁରୋହିତ,ସନ୍ତୋଷ ବିଶି, ସଂଜୟ ନାୟକ, ସୁରେନ୍ଦ୍ର ନାୟକ ଦାୟିତ୍ବ ସଂପାଦନ କରିଥିଲେ I ଚାରିଦିନ ଧରି ଗ୍ରାମରେ ସଂହଶ୍ରାଧିକ ଭକ୍ତଙ୍କ ପାଇଁ ଅନ୍ନକୋଟ ସହ ଜଳଖିଆ ବ୍ୟବସ୍ଥା ହୋଇଥିଲା।ପ୍ରତ୍ୟହ ସଂଧ୍ୟାରେ ଆଖପାଖର ଆଞ୍ଚଳିକ ସଂକୀର୍ତ୍ତନ୍ୟ ମଣ୍ଡଳି ଆସି ନାମଯଜ୍ଞରେ ସହଯୋଗ କରିଥିବାବେଳେ, ପୂର୍ଣ୍ଣାହୂତି ଦିବସରେ ନିମନ୍ତ୍ରୀତ ସମ୍ବଲପୁର ଖୁଲିଆ,କୁଦୋପାଲି,ଚିପିଲିମା,ଓ କଳମୀ ଗ୍ରାମର ଉଦଣ୍ଡ ସଂକୀର୍ତ୍ତନ୍ୟ ମଣ୍ଡଳୀ ଯୋଗଦାନ କରି ନଗର କୀର୍ତ୍ତନ ପ୍ରଦର୍ଶନ କରିଥିଲେ।ସଂହଶ୍ରାଧିକ ସଂକୀର୍ତ୍ତନ ପ୍ରେମୀ ରାତିତମାମ ସଂକୀର୍ତ୍ତନ୍ୟ ଉପଭୋଗ କରିଥିଲେ। ସମଗ୍ର ନାମଯଜ୍ଞ ରେ ସମସ୍ତ ଗ୍ରାମବାସୀ ପୂର୍ଣ୍ଣ ସହଯୋଗ କରିଥିଲେ।