23-Apr-2023

ବଲାଙ୍ଗିର (ସନ୍ତୋଷ କୁମାର ଠାକୁର )ଜିଲ୍ଲା ସଂସ୍କୃତି  ପରିଷଦ, ବଲାଙ୍ଗିର ର ଆୟୋଜନରେ ଆଜି କୋଶଳ କଳାମଣ୍ଡଳ  ସ୍ଥିତ  ସଂସ୍କୃତିଭବନ ଠାରେ  କଵି ଜୟଦେବଙ୍କ ଜିଲ୍ଲା ସ୍ତରୀୟ ଜନ୍ମ ଜୟନ୍ତୀ  ସମାରୋହ ଅନୁଷ୍ଠିତ ହୋଇଯାଇଛି । ବଲାଙ୍ଗିର ଅତିରିକ୍ତ ଜିଲ୍ଲାପାଳ ମହେନ୍ଦ୍ର ମହାପାତ୍ର ଙ୍କ ସଭାପତିତ୍ବ ରେ ଅନୁଷ୍ଠିତ ଏହି କାର୍ଯ୍ୟକ୍ରମ ରେ ସମ୍ମାନିତ ବକ୍ତା ଭାବରେ ଗୁରୁଶ୍ରୀ ଡକ୍ଟର ଘାସିରାମ ମିଶ୍ର, ନାଟ୍ୟଭୂଷଣ ଜଗଦାନନ୍ଦ ଛୁରିଆ, ଶିକ୍ଷାବିଦ ସନାତନ ଠାକୁର ଯୋଗଦେଇ କଵି ଜୟଦେବଙ୍କ ସରଳ ଜୀବନ ତଥା କାଳଜୟୀ ଲେଖା ସମ୍ପର୍କରେ ସୁନ୍ଦର ଆଲୋଚନା କରି ଗୀତ ଗୋବିନ୍ଦ ସମଗ୍ର ବିଶ୍ବ ସାହିତ୍ୟ ପାଇଁ ଏକ ମହାର୍ଘ ଅବଦାନ ବୋଲି କହିଥିଲେ। ପ୍ରାରମ୍ଭରେ ଜୟଦେବ କଳାସଂସଦ ର କଳାକାର ମାନେ  ଜୟଦେବଙ୍କ ଗୀତଗୋବିନ୍ଦ ଓ ଭଜନ ପରିବେଷଣ କରିଥିଲେ l ସଭା ପରିଚାଳନା କରିଥିଲେ ରତ୍ନମୟ ତ୍ରିପାଠୀ l ପ୍ରାରମ୍ଭରେ ସମସ୍ତଙ୍କୁ ସ୍ଵାଗତ  ଜଣାଇବା ସହ ଶେଷରେ ସମସ୍ତଙ୍କୁ  ଧନ୍ୟବାଦ ଅର୍ପଣ କରିଥିଲେ ଜିଲ୍ଲା ସଂସ୍କୃତି ଅଧିକାରୀ ରଶ୍ମିରଞ୍ଜନ ମିଶ୍ର  l