23-Apr-2023

ବେଲପଡା (ପୁର୍ଣ୍ଣ ଶଶୀ ଶେଖର ରାଓ)ବଲାଙ୍ଗିର ଜିଲ୍ଲା ସବୁବେଳେ ଦାଦନ ଦୁଃଖ ଦେଖିବାକୁ ମିଳେ। ଏହି ଦାଦନ ରୋକିବାକୁ ପ୍ରଶାସନ ଯେତେ ଚେଷ୍ଟା କରୁଥିଲେ ସୁଦ୍ଧା  ଏଥିରେ ବିଫଳ ରହୁଛି କାହିଁକି ? ଏଥି ପାଇଁ କେନ୍ଦ୍ର ସରକାର ଙ୍କ ମହାତ୍ମାଗାନ୍ଧୀ କର୍ମ ନିଯୁକ୍ତି ଯୋଜନା ପ୍ରଣୟନ କରାଯାଉଥିବା ବେଳେ ତାହା କାଗଜ କଲମ ରେ ସୀମିତ ରହି ଯାଉଛି। ମନରେଗା ଯୋଜନାରେ ଅଧିକାରୀ ମାଲେମାଲ ହେଉଥିବା ବେଳେ ଶ୍ରମିକ ବେହାଲ ହୋଇ ବାହାର ରାଜ୍ୟକୁ ଦାଦନ ଖଟିବାକୁ ଯାଉଛନ୍ତି। କିନ୍ତୁ ସେଠି ଯାଇ କେତେ ଯେ

ଅତ୍ୟାଚାର ର ଶିକାର ହେଉଛନ୍ତି କହିଲେ ନ ସରେ;ସେଠି ଯାଇ ସେମାନେ ତ ଅସୁବିଧା ର ସମ୍ମୁଖୀନ ହେଉଛନ୍ତି ହେଉଛନ୍ତି ହେଲେ ଏଠି ଥିବା ତାଙ୍କ ପରିବାର ଲୋକେ ମଧ୍ୟ ଅସୁବିଧା ଭୋଗୁଛନ୍ତି।ଯାହା ଫଳରେ କି ଏଠାକାର ଲୋକ ମୃତ୍ୟୁ ହେଲେ ସେଠାକାର ଲୋକ ଦେଖିପାରୁନାହାନ୍ତି ତ ସେଠାକାର ଲୋକ ମୃତ୍ୟୁ ହେଲେ ଏଠାକାର ଲୋକ ଦେଖି ପାରୁନାହାନ୍ତି। ଏମିତି ଏକ ହୃଦୟ ବିଦାରକ ଘଟଣା ଦେଖିବାକୁ ମିଳିଛି ବଲାଙ୍ଗିର ଜିଲ୍ଲା ବେଲପଡା ବ୍ଲକ ଅନ୍ତର୍ଗତ ଡୁଙ୍ଗୁରିପାଲି ଗାଁ ରେ। ସୂଚନା ଅନୁସାରେ ବେଲପଡା ବ୍ଳକ ନୁନହାଡ ପଞ୍ଚାୟତ ଡୁଙ୍ଗୁରିପାଲି ଗାଁ କଲୋନୀ ପଡ଼ା ର ବୃଦ୍ଧ କୁମର ମଣି ଛତ୍ରିଆ ଏକାକୀ ଘରେ ରହୁଥିବା ବେଳେ ତାଙ୍କ ଦୁଇ ପୁଅ ଲାଲ୍ ସାହେବ ଛତ୍ରିଆ ଓ ଗଣପତି ଛତ୍ରିଆ ବାହାର ରାଜ୍ୟ କୁ ଦାଦନ ଖଟିବାକୁ ଯାଇଥିଲେ।ହେଲେ ବୃଦ୍ଧ କୁମରମଣି ଙ୍କ ଦେଖାଶୁଣା କରିବା ପାଇଁ କେହି ନଥିବାରୁ ସେ ରୋଗୀଣା ହୋଇପଡ଼ିଥିଲେ। କିନ୍ତୁ ଦୁର୍ଭାଗ୍ୟର ବିଷୟ ଯେ ସେ ସୁକ୍ରବାର ବିଲମ୍ବିତ ରାତିରେ ମୃତ୍ୟୁବରଣ କରିଥିଲେ ସୁଦ୍ଧା ଆଜି ପର୍ଯ୍ୟନ୍ତ ତାଙ୍କ ଶବ ପଡ଼ିରହିଥିଲା। ଗତକାଲି ରାତିରେ ମୃତ୍ୟୁ ଖବର ପାଇ ସକାଳୁ ପ୍ରଶାସନ ଅଧିକାରୀ ମାନେ ଘଟଣାସ୍ଥଳରେ ପହିଞ୍ଚି ଶବ ଉଦ୍ଧାର କରିବା ସହ ତାଙ୍କ ସମ୍ପର୍କୀୟ ମାନଙ୍କ ଦ୍ଵାରା ଶବଦାହ କରାଯାଇଥିଲା।ପୁଅ ଗଣପତି ଲୁଚି ପଲାଇ ଆସି ତାଙ୍କ ବାପା ଙ୍କ ଶବଦାହ କାର୍ଯ୍ୟ ରେ ସାମିଲ ହୋଇପାରିଥିଲେ କିନ୍ତୁ ତାଙ୍କ ବଡ଼ ଭାଇ ଓ ପରିବାରବର୍ଗ ସେଠାରେ ହିଁ ରହିଯାଇଛନ୍ତି ।ମୃତକଙ୍କ ପରିବାରକୁ ସାହାଯ୍ୟ କରିବା ପାଇଁ ନୁନହାଡ ସରପଞ୍ଚ ବିଲାସିନୀ ମେହେର ହରିଶ୍ଚନ୍ଦ୍ର ଯୋଜନାରେ ତିନି ହଜାର ଟଙ୍କା ପ୍ରଦାନ କରିଥିବାବେଳେ ରାଜସ୍ବ ନୀରିକ୍ଷକ ଗୋଲାପ କୁମ୍ଭାର ରେଡକ୍ରସ ତରଫରୁ ମୃତକଙ୍କ ପରିବାରକୁ ଦଶ ହଜାର ଟଙ୍କା ପ୍ରଦାନ କରିବାକୁ କହିଛନ୍ତି। ଗଣପତି ଛତ୍ରିଆ ଙ୍କ କହିବା ଅନୁଯାୟୀ ତାଙ୍କ ବାପା ଏକ ମାସ ରୁ ରୋଗରେ ଆକ୍ରାନ୍ତ ହୋଇଥିବା ବେଳେ ସେ ଛୁଟି ପାଇଁ ହାଇଦ୍ରାବାଦ ର ଇଟାଭାଟି ମାଲିକ ମନୋଜ କୁ ଗୁହାରି କରିଥିଲେ ମଧ୍ୟ ସେ ଶୁଣିନଥିଲେ ଯଦି ଯିବାର ଅଛି ତାହେଲେ ମୁଁ ଦେଇଥିବା ଅଗ୍ରୀମ ଟଙ୍କା ର ଦୁଇଗୁଣ ଫେରସ୍ତ କରି ଯାଅ ବୋଲି କହିଥିଲେ। ନଚେତ୍ ମୁଁ ଛାଡିବି ନାହିଁ ବୋଲି କହିଥିବା ବେଳେ ବାପା ଅତ୍ୟନ୍ତ ଗୁରୁତର ଅବସ୍ଥାରେ ଥିବା ଖବର ପାଇ ଦୁଇ ଦିନ ତଳେ ଲୁଚି ପଲାଇ ଆସିଛନ୍ତି ଓ ଗତକାଲି ବିଜୟନଗରମ ପହଞ୍ଚିବା ବେଳକୁ ବାପା ଙ୍କ ମୃତ୍ୟୁ ଖବର ପାଇଥିଲେ।ହଁ ଆହୁରି କହିଛନ୍ତି ଯେ ତାଙ୍କୁ ସରକାରୀ ଚାଉଳ ମିଳୁଥିଲା ଓ ସେ ଚାଉଳ ବାପାଙ୍କ ପାଖରେ ପହଞ୍ଚାଇବାକୁ କାର୍ଡ କୁ ଯୋଗାଣ ସହାୟକ ବଳଭଦ୍ର ପୁଟେଲ କୁ ଦେଇ ଯାଇଛନ୍ତି। କିନ୍ତୁ ଦୁଃଖର ବିଷୟ ଯେ ଦେଢ଼ ବର୍ଷ ହେବ

ଯୋଗାଣ ସହାୟକ ଚାଉଳ ଦେଉନଥିଲେ କି ଚାରି ମାସ ହେଲା ଭତ୍ତା ମଧ୍ୟ ପାଉନଥିଲେ ।ନିଜ ପେଟ ପାଉଣା ପାଇଁ ଲୋକଙ୍କ ଠାରୁ ଭୀକ୍ଷାବୃତ୍ତି କରୁଥିଲେ।କିନ୍ତୁ ଏଠି ପ୍ରଶ୍ନ ଉଠୁଛି ଯେ ଜଣେ ରୋଗୀଣା ବୃଦ୍ଧ ବାପା କୁ ଏକାକୀ ଛାଡି ପୁଅ ମାନେ ନିଜର ପରିବାର ଧରି ବାହାର ରାଜ୍ୟକୁ ଦାଦନ ଖଟିବା ଠିକ୍ କି ?ଯଦି ଗଲେ ତାହେଲେ ବାପା କୁ ଦେଖାଶୁଣା କରିବା ପାଇଁ କାହାକୁ ଦାୟିତ୍ଵ ଦେଲେ ନାହିଁ କାହିଁକି? ଅନ୍ୟପକ୍ଷରେ ଯେଉଁ ଯୋଗାଣ ସହାୟକ କୁ ଚାଉଳ ଦେବା ପାଇଁ କହିଥିଲେ ସେ ଯୋଗାଣ ସହାୟକ କାହିଁକି ସେ ବୃଦ୍ଧ ପାଖକୁ ଚାଉଳ ଦେଇନଥିଲେ ଯାହା ଫଳରେ ଆଜି ସେ ଅନାହାରରେ ମୃତ୍ୟୁବରଣ କରିଛନ୍ତି।ଯଦି ପରିସ୍ଥିତି ଏମିତି ଥିଲା ତାହେଲେ ଇଟାଭାଟି ମାଲିକ ମନୋଜ ଜଣକୁ ଛାଡ଼ିଲା ନାହିଁ କାହିଁକି? ଏହି ଅନାହାର ମୃତ୍ୟୁ ମାମଲା ଉପରେ ବଲାଙ୍ଗିର ଜିଲ୍ଲାପାଳ ଓ ଶ୍ରମ ବିଭାଗ ଅଧିକାରୀ  ଗୁରୁତ୍ବ ଦେଇ ଦୋଷୀଙ୍କ ବିରୁଦ୍ଧରେ ଦୃଢ କାର୍ଯ୍ୟାନୁଷ୍ଠାନ ନେବାକୁ ଅଞ୍ଚଳବାସୀ ଦାବି କରିଛନ୍ତି।