23-Apr-2023

ବିନିକା(ହିମାଂଶୁ ଶେଖର ପୁଟେଲ) ପର୍ଯ୍ୟଟନ ସ୍ଥଳୀ ପାପକ୍ଷୟ ନିକଟ ଐତିହାସିକ ତାରାପୁର ଗଡରେ ଦୀର୍ଘ ୩ବର୍ଷ ତଳେ ପ୍ରତିଷ୍ଠା ହୋଇ ଅଞ୍ଚଳର ଛାତ୍ରଛାତ୍ରୀଙ୍କୁ ଗୁଣାତ୍ମକ ଶିକ୍ଷା ପ୍ରଦାନ କରି ଆସୁଥିବା ଆଦର୍ଶ ବିଦ୍ୟାଳୟର ପ୍ରଥମ ବାର୍ଷିକ ଉତ୍ସବ ଅର୍ଥାତ ତାରାପୁର ଉତ୍ସବ ଧୂମଧାମରେ ପାଳିତ ହୋଇଯାଇଛି। ବିଦ୍ୟାଳୟର ଅଧ୍ୟକ୍ଷ ସୌମ୍ୟ ରଞ୍ଜନ ଖେତି ଅଧ୍ୟକ୍ଷତା କରି ବାର୍ଷିକ ବିବରଣୀ ପଠନ କରିଥିଲେ ।ଏଥିରେ ମୁଖ୍ୟଅତିଥି ଭାବେ ସୁବର୍ଣ୍ଣପୁର ଜିଲ୍ଲା ଆରକ୍ଷୀ ଅଧିକ୍ଷକ ଅମରେଶ ପଣ୍ଡା,ମୁଖ୍ୟବକ୍ତା ଅବସରପ୍ରାପ୍ତ ଶିକ୍ଷକ ବିନୋଦ ବିହାରୀ ନାଏକ,ସମ୍ମାନିତ ଅତିଥି ସିଦ୍ଧାର୍ଥ ଜୁନିଅର କଲେଜ ଅଧ୍ୟକ୍ଷା ରେଖା ପ୍ରଧାନ,ବିନିକା ହାଇସ୍କୁଲ ପ୍ରଧାନ ଶିକ୍ଷକ ନୀଳାଚଳ

ମେହେର,ଅଷ୍ଟମ ଶ୍ରେଣୀ ଅଧ୍ୟୟନ ଛାତ୍ରଛାତ୍ରୀଙ୍କ ଅଭିଭାବକ ସଂଘ ସଭାପତି ସନ୍ତୋଷ ପଣ୍ଡା,ସପ୍ତମ ଶ୍ରେଣୀ ଶାନ୍ତନୁ ପଣ୍ଡା,ଷଷ୍ଠ ଶ୍ରେଣୀ ଅର୍ଜୁନ ପଳିତା ପ୍ରମୁଖ ଯୋଗଦେଇ ଗୁଣାତ୍ମକ ଆଦର୍ଶ ଶିକ୍ଷାଦାନ ଉପରେ ଅଧ୍ୟୟନରତ ଛାତ୍ରଛାତ୍ରୀ ମାନଙ୍କୁ ସୂଚନା ପ୍ରଦାନ କରିଥିଲେ ।ସଭାକୁ ଶିକ୍ଷକ ଶୁଭମ ଶୁକ୍ଳା ସଂଯୋଜନା କରିଥିବା ବେଳେ ଛାତ୍ରଛାତ୍ରୀ ମାନଙ୍କ ଦ୍ଵାରା ଆବାହନୀ ଓ ଉଦଯାପନୀ ସଙ୍ଗୀତ ପରିବେଷଣ ହୋଇଥିଲା ।ଶେଷରେ ଶିକ୍ଷକ ଅର୍ଜୁନ ଝାଙ୍କର ଧନ୍ୟବାଦ ଅର୍ପଣ କରିଥିଲେ ।ଏହି ଅବସରରେ ବିଭିନ୍ନ କ୍ଷେତ୍ରରେ ପାରଦର୍ଶିତା ଲାଭ କରିଥିବା ଛାତ୍ରଛାତ୍ରୀ ମାନଙ୍କୁ ଅତିଥି ମାନେ ପୁରସ୍କୃତ କରିଥିଲେ ।ପରେ ଛାତ୍ରଛାତ୍ରୀ ମାନଙ୍କ ଦ୍ଵାରା ସାଂସ୍କୃତିକ କାର୍ଯ୍ୟକ୍ରମ ଉପସ୍ଥିତ ଅଭିଭାବକ/ଅଭିଭାବିକା ମାନଙ୍କୁ ବାନ୍ଧି ରଖିଥିଲା ।ଉତ୍ସବ ପରିଚାଳନାରେ ବିଦ୍ୟାଳୟର ସମସ୍ତ ଶିକ୍ଷକ/ଛାତ୍ରଛାତ୍ରୀ ସହଯୋଗ କରିଥିଲେ ।ପ୍ରକାଶ ଥାଉକି ଯେ ଐତିହାସିକ ତାରାପୁର ଗଡ ଏବେ ଧାଂଶସ୍ତୁପ ରେ ପରିଣତ ହୋଇ ହେଇଛି ।ଯେତେବେଳେ ଏହି ଗଡରେ ମିନି ଷ୍ଟାଡିୟମ ନିର୍ମାଣ ହେଲା ସେତେବେଳେ ଏକ ମାଟି କୂଅ, ମାଟି ପାତ୍ର,ଚାଉଳ ଭଳି ଅନେକ ପ୍ରାଚୀନ ସଭ୍ୟତାର ଝଲକ ଦେଖିବାକୁ ମିଳିଥିଲା ।ଯାହାକି ସେହି ସମୟରେ ବିଭିନ୍ନ ଖବର କାଗଜରେ ପ୍ରକାଶ ପାଇବାପରେ ବିଭିନ୍ନ ଅନୁଷ୍ଠାନ ପକ୍ଷରୁ ଐତିହାସିକ ଓ ଗବେଷକ ଆସି ଗବେଷଣା କଲେ ।ହେଲେ ତାହା ଗବେଷଣାରେ ହିଁ ରହିଗଲା ।ସରକାର ଏହି ଐତିହାସିକ ଗଡର ପୁନରୁଦ୍ଧାର ଦିଗରେ ଦୃଷ୍ଟି ଦେବା ପରିବର୍ତେ ଗଡ ପରିସରଟି ଏବେ ଜନକଲ୍ୟାଣକାରୀ ଯୋଜନାରେ ନିର୍ମାଣାଧୀନ ଅନୁଷ୍ଠାନରେ  ଶୋଭାମଣ୍ଡିତ କରୁଛି ।ଲୋକଙ୍କ ମନରୁ ଲିଭି ଯାଇଥିବା ତାରାପୁର ଗଡର ନାମକୁ ତାରାପୁର ଉତ୍ସବ ନାମରେ ପାଳନ କରାଯାଇଛି । ଅନ୍ୟ ପକ୍ଷରେ ଏହି ଉତ୍ସବକୁ ଆହୁରି ଜାକଜମକରେ କରିବା ଉଦ୍ଦେଶ୍ୟ ନେଇ ଶିକ୍ଷା ବିଭାଗର ଜିଲ୍ଲା ଶିକ୍ଷା ଅଧିକାରୀ,ଅତିରିକ୍ତ ଜିଲ୍ଲା ଶିକ୍ଷା ଅଧିକାରୀ,ବିନିକା ଗୋଷ୍ଟି ଶିକ୍ଷା ଅଧିକାରୀଙ୍କୁ ଯୋଗଦେବା

ପାଇଁ ନିମନ୍ତ୍ରଣ କରାଯାଇଥିଲେ ମଧ୍ୟ କୌଣସି ଜଣେ ବି ଅଧିକାରୀ ନ ପହଞ୍ଚିବା ସତରେ କଣ ଏମାନଙ୍କର ଶିକ୍ଷାପ୍ରୀତି ନାହିଁ ବୋଲି ଅଭିଭାବକ ମହଲରେ ଆଲୋଚନା ହେଉଥିଲା ।ସେହିପରି ବିକାଶମୂଳକ କାର୍ଯ୍ୟ ପ୍ରତି ଅଗ୍ରାଧିକାର ଦେଇ ଆସୁଥିବା ବିନିକା ଏନଏସି ଅଧ୍ୟକ୍ଷ ଓ ବ୍ଲକ ଅଧ୍ୟକ୍ଷା ମଧ୍ୟ ଉକ୍ତ ଉତ୍ସବ ପାଳନରେ ଅନୁପସ୍ଥିତ ରହିବା ସାଧାରଣରେ ଅସନ୍ତୋଷ ପ୍ରକାଶ ପାଇଥିଲା ।ତେବେ ସେ ଯାହା ବି ହେଉ ବିଲୁପ୍ତ ତାରାପୁର ଗଡର ଐତିହାସିକ କିମ୍ବଦନ୍ତୀକୁ ମନେ ପକାଇବା ପାଇଁ ଗୁଣାତ୍ମକ ଶିକ୍ଷା ପ୍ରଦାନ କରୁଥିବା ଆଦର୍ଶ ଅନୁଷ୍ଠାନ ତାରାପୁର ଉତ୍ସବ ପାଳନ କରିଥିବାରୁ ସବୁ ମହଲରେ ସ୍ଵାଗତ କରାଯାଇଛି ।