23-Apr-2023

ବଙ୍ଗୋମୁଣ୍ଡା (ଅନୀଲ କୁମାର ତ୍ରିପାଠୀ ): ବଲାଙ୍ଗୀର ଜିଲ୍ଲା ବଙ୍ଗୋମୁଣ୍ଡା ବ୍ଲକ ଅନ୍ତର୍ଗତ ସିନ୍ଧେକେଲା ରେ ଭଗବାନ ବିଷ୍ଣୁଙ୍କ ଶ୍ରୀ ପର୍ଶୁରାମ ଙ୍କ ଜୟନ୍ତୀ ବହୁ ଧୁମଧାମରେ ପାଳିତ ହୋଇଯାଇଛି। ବ୍ରାହ୍ମଣ ଯୁବକ ସଂଘ ତରଫରୁ ଜୟନ୍ତୀ ପାଳନ ପାଇଁ ଏକ ବିରାଟ ରାଲି ର ଆୟୋଜନ କରା ଯାଇଥିଲା। ଏହି ରାଲିରେ ସିନ୍ଧେକେଲା,କୁରସୁଡ, ଚାନ୍ଦୋତରା, ଗନ୍ଧର୍ଲା, ଝଲପ, ଅଲଣ୍ଡା, ଭତାସର, କଁସିଲ ତଥା ଆଖପାଖର ଶହଶହ ବ୍ରାହ୍ମଣ ମାନେ ଯୋଗଦେଇ ରାଲିରେ ସାମିଲ ହୋଇଥିଲେ। ଶ୍ରୀ ଶ୍ରୀ

ପାତାଲେଶ୍ବର ମହାଦେବଙ୍କ ମନ୍ଦିର ପ୍ରାଙ୍ଗଣରେ ପୂଜାପାଠ ସମ୍ପହ୍ନ ହେବାପରେ ସମସ୍ତ ବ୍ରାହ୍ମଣ ପରିବାର ଏକ ବିରାଟ

ପଟୁଆର ରେ ସିନ୍ଧେକେଲା ଗ୍ରାମ ପରିକ୍ରମା କରିଥିଲେ। ଟ୍ରାଫିକ ଓ ରାଲି କୁ ଶାନ୍ତି ଶୃଙ୍ଖଳାର ସହିତ ସମାପନ କରିବା ପାଇଁ ସିନ୍ଧେକେଲା ପୋଲିସ ଓ ଯୁବକ ମାନେ ସହଯୋଗ କରିଥିଲେ। ରାଲି ରେ ପର୍ଶୁରାମ ବେଶରେ ବାହାରିଥିବା ଯୁବକ ଓ ଛୋଟ ଶିଶୁ ମାନେ ଚମତ୍କାର ଅଭିନୟ କରିଥିଲେ। ଡିଜେ, ଘଣ୍ଟ ବାଦ୍ଯର ତାଳେ ତାଳେ ପୁରା ସିନ୍ଧେକେଲା ଭଗବାନ ଶ୍ରୀ ପର୍ଶୁରାମମୟ ହୋଇଯାଇଥିଲା। ରାଲି ଗ୍ରାମ ପରିକ୍ରମା କରି ପୁଣି ପାତାଲେଶ୍ବର ମହାଦେବଙ୍କ ମନ୍ଦିର ନିକଟରେ ପହଞ୍ଚିବା ପରେ ବିଜ୍ଞ ଓ ବୟୋଜ୍ୟେଷ୍ଠ ମାନେ ଭଗବାନ ଶ୍ରୀ ପର୍ଶୁରାମ ଙ୍କ ଅବତାର ବିଷୟରେ ପ୍ରାଞ୍ଜଳ ଭାବେ ବୁଝାଇଥିଲେ।