22-Apr-2023

ଧର୍ମଗଡ଼ (ଜ୍ୟୋତିରଞ୍ଜନ ବେମାଲ )                କୋକସରା ଥାନା ନୁନପାଣି ଗ୍ରାମ ରିମା ନାଗ  ମୃତ୍ୟୁ ଘଟଣାରେ ଅଭିଯୁକ୍ତ ସମୀର ପୁଝାରୀ କୁ ଗୁରୁବାର ଦିନ ପୋଲିସ କୋର୍ଟ ଚାଲାଣ କରିଛି  । ସୂଚନା ଯେ ମୃତ ନାବାଳିକା ରୀମା ନାଗ (୧୭)  ଓ ଉକ୍ତ ଗ୍ରାମର ସମୀର ପୁଝାରୀ ଙ୍କ ମଧ୍ୟରେ ଦୀର୍ଘ ଦୁଇ ବର୍ଷ ଧରି ପ୍ରେମ ସମ୍ପର୍କ ରହିଥିଲା । ତେବେ ଉଭୟ ପୁଅ ଝିଅ ଭିନ୍ନ ଜାତିର ହୋଇ ଥିବାରୁ ପ୍ରେମ ସମ୍ପର୍କ ରେ ଫାଟ ଦେଖା ଦେଇଥିଲା । ଶେଷରେ ନାବାଳିକା ଜଣକ ବିବାହ ପାଇଁ ଅଡି ବସିବାରୁ  ସମୀର ରିମା କୁ ବିଷ ଦେଇ ଥିବା ଥାନାରେ ଅଭିଯୋଗ ହୋଇଥିଲା।ଶେଷ ରେ ଗତ ୧୯ତାରିଖ ଦିନ ସମୀର ଙ୍କ ଘର ସାମ୍ନା ରେ ରିମା ବିଷ ପିଇ ଆତ୍ମହତ୍ୟା କରିବା ଉଦ୍ୟମ କରିଥିଲା।ତାକୁ ଗୁରୁତର ଅବସ୍ଥାରେ ଉଦ୍ଧାର କରି ସମୀର ପୁଝାରି ଙ୍କ ବାପା ମାଆ ଧର୍ମଗଡ ଡାକ୍ତର ଖାନା କୁ ନେଇ ଥିଲେ।ସେଠାରେ ସ୍ୱାସ୍ଥ୍ୟ ଅବସ୍ଥା ସଙ୍କଟ ହେବା ପରେ ଭବାନୀପାଟଣା ଡାକ୍ତର ଖାନା ପରେ ବୁର୍ଲା ଡାକ୍ତରଖାନାରେ ଚିକିତ୍ସିତ ହେଉଥିଲେ।ହେଲେ ଗତ ରବିବାର ଦିନ ଚିକିତ୍ସା ଅବସ୍ଥାରେ ତାଙ୍କର ମୃତ୍ୟୁ ଘଟିଛି। ଏନେଇ ରିମା ର ବାପା କୋକସରା ଥାନାରେ ଅଭିଯୋଗ କରିଥିଲେ।କୋକସରା ପୋଲିସ କେଶ ନମ୍ବର ୧୨୧/୨୩ କେଶ ରୁଜୁ କରି ଅଭିଯୁକ୍ତ ସମୀର ପୁଝାରି କୁ ଥାନାରେ ଅଟକ ରଖି ତଦନ୍ତ ଆରମ୍ଭ କରିଥିଲା। ଗୁରୁବାର ଦିନ ଅଭିଯୁକ୍ତ ଙ୍କ ବିରୋଧରେ ଭାରତୀୟ ଦଣ୍ଡବିଧାନ ଧାରା ୪୯୮,୩୦୨ଓ ୩୪ରେ ଗିରଫ କରି କୋର୍ଟ ଚାଲାଣ କରିଥିବା କୋକସରା ଥାନା ଅଧିକାରୀ ପ୍ରସନ୍ନ କୁମାର ବେହେରା ସୂଚନା ଦେଇଛନ୍ତି।