21-Apr-2023

ଡୁଙ୍ଗୁରିପାଲ(ଅରବିନ୍ଦ ମିଶ୍ର)-ସୁବର୍ଣ୍ଣପୁର ଜିଲ୍ଲାର  ପ୍ରମୁଖ ଡାକ୍ତରଖାନା ଭାବରେ ପରିଚିତ ଡୁଙ୍ଗୁରିପାଲି ଡାକ୍ତରଖାନା । ଏଠାକୁ ପ୍ରତ୍ୟେହ ଶହ ଶହ ସଂଖ୍ୟାରେ ରୋଗୀ ଆସିଥାନ୍ତି । ସ୍ଥାନୀୟ ଲୋକଙ୍କ ସହ ଯୋଗୀ ମନୋଭାବ, ଗମନାଗମନର ସୁବିଧା ଦୃଷ୍ଟିରୁ ଲୋକେ ଚିକିତ୍ସା ପାଇଁ ଏଠାକୁ ଦୌଡି ଆସିଥାନ୍ତି । କିନ୍ତୁ କେତେକ ଡାକ୍ତରଙ୍କ ମନମୁଖି, ଘରୋଇ ଚିକତ୍ସା ପ୍ରତିଆକୃଷ୍ଟ ଯୋଗୁଁ ରୋଗୀମାନେ ହଇରାଣ ହେଉଥିବା ଭଳି ଗୁରୁତର ଅଭିଯୋଗ ହୋଇଛି ।  ସର୍ଗୁଲ, କପାସିରା ପ୍ରଭୃତି ଗ୍ରାମର କେତେକ ରୋଗୀ ଏବଂ ତାଙ୍କ ସଂପର୍କୀୟମାନେ ଆଜି  ଜିଲ୍ଲାମୁଖ୍ୟ ଚିକିତ୍ସାଧିକାରୀଙ୍କୁ ଡାକ୍ତର ସଞ୍ଜୟ କୁମାର ପଧାନଙ୍କ ଜରିଆରେ ଏକ ଅଭିଯୋଗ କରିଛନ୍ତି । ଏଠାରେ ଥିବା ସ୍ତ୍ରୀ ଓ ପ୍ରସୂତୀ ବୀଭାଗର ଡାକ୍ତର କିରଣ ପ୍ରଭା ଡୁଙ୍ଗ ଡୁଙ୍ଗ ସେ ଚିକିତ୍ସାରେ ଅବହେଳା କରିବା ସହ କ୍ଲିନିକରେ ଅଧିକ ସମୟ ଦେଉଛନ୍ତି । ପ୍ରସୂତୀ ପାଇଁ ଆସୁଥିବା ରୋଗୀକୁ ଠିକ୍ ଭାବରେ  ଦେଖି ନଥାନ୍ତି । ରୋଗୀର ଅବସ୍ଥା ଗୁରୁତର ହେଲେ ବଡ ଡାକ୍ତରଖାନାକୁ ପଠାଇ ଦେଉଛନ୍ତି । ଯାହାଫଳରେ ପ୍ରସୁତୀ ଅଧବାଟରେ ମଳା ଶିଶୁ ବା ଅନ୍ୟତ୍ର ଗୁରୁତର ଅବସ୍ଥାରେ ପହଞ୍ଚି ହଇରାଣ ହେଉଛନ୍ତି ।  ଏଣୁ ତାଙ୍କୁ ଏଠାରୁ ବଦଳୀ କରାଯାଉ ବୋଲି ସେମାନେ ଦାବୀ କରିଛନ୍ତି । ଆଜି କେତେକ ପ୍ରସୂତି, ତାଙ୍କର ସଂପର୍କୀୟମାନେ ପହଞ୍ଚି ଡାକ୍ତରଖାନା ସମ୍ମୁଖରେ ଧାରଣା ମଧ୍ୟ ଦେଇଥିଲେ ।  ଏହାକୁ ସମର୍ଥନ କରିଥିଲେ  ବିଜେପିର ହେମନ୍ତ ବିଶ୍ୱାଳ, କୋସଲ ସେନାର ପ୍ରଫୁଲ୍ଲ ବାରି, ସରୋଜ ପଧାନ, ପ୍ରବୀର ସାହୁ, ଯଦୁମଣି କୁଦେଇ,  ସୁଭୁବ୍ରତ ବେହେରା, ଦିଲିପ ପଧାନ, ଶୁଭମ ବେହେରା,  ଅଙ୍କିତ ସେଠି, ପ୍ରଫୂଲ୍ଲ ବିଶ୍ୱାଳ ପ୍ରମୁଖ ଉପସ୍ଥିତ ରହି ସ୍ୱସ୍ଥ୍ୟସେବାକୁ ନେଇ ଅସନ୍ତୋଷ ପ୍ରକାଶ କରିବା ସହ ସ୍ୱାସ୍ଥ୍ୟ ମନ୍ତ୍ରୀଙ୍କ ବ୍ଲକରେ ଯଦି ସ୍ୱାସ୍ଥ୍ୟ ବିଭାଗର କର୍ମଚାରୀମାନେ ଏଭଳି କରିବେ ତାହେଲେ ରାଜ୍ୟରେ ଅବସ୍ଥା କଣ  ହେଉନଥିବା ବୋଲି ଅଭିଯୋଗ କରିଥିଲେ ।