19-Apr-2023

ବଲାଙ୍ଗୀର, (ପ୍ରେରଣା ଖବର) ନାବାର୍ଡ ସହାୟତାରେ, ନାବ ଫାଉଣ୍ଡେସନ , ମୁମ୍ବାଇର ତତ୍ତ୍ଵାବଧାନରେ, ବର୍ତ୍ତମାନ ଓଡ଼ିଶାର ତିନିଟି ଜିଲ୍ଲାରେ ପରିଚାଳିତ ହୋଇଥିବା ମୋ-ପେଡ-ମୋ-ଅଧିକାର ପ୍ରକଳ୍ପର ଅନ୍ୟତମ ପ୍ରକଳ୍ପ, ଯାହାକି ସ୍ବେଚ୍ଛାସେବୀ ସଂଗଠନ ରିହାଈ, ତୁଷୁରା ଓ ସଇନ୍ତଲା ବ୍ଲକ, ବୁଢାବାହାଲ ପଞ୍ଚାୟତ ଅନ୍ତର୍ଗତ ରେମଣ୍ଡା ଗ୍ରାମର  ବିଣାପାଣି ସ୍ବୟଂ ସହାୟକ ଦଳର ମିଳିତ ସହଯୋଗରେ ପଞ୍ଚାୟତ ଅଞ୍ଚଳର ୧୩ ଗୋଟି ସ୍ବୟଂସହାୟକ ଦଳ ମଧ୍ୟରୁ ୩୦ ଜଣ ମ‌ହିଳା ଙ୍କୁ ସରଳ ଡିଜାଇନ, ମୁମ୍ବାଇରୁ ଆସିଥିବା ପ୍ରଶିକ୍ଷକ ଶ୍ରୀଯୁକ୍ତ ଅନୁଜ ପ୍ରଜାପତି ଗତ ୨ଦିନ ଧରି ମେସିନ୍ ଦ୍ଵାରା ପେଡ ଉତ୍ପାଦନର ତାଲିମ ପ୍ରଦାନ କରିଥିଲେ। ବର୍ତ୍ତମାନ ଉକ୍ତ ମହିଳାମାନଙ୍କ ଦ୍ବାରା ବଜାର ତଥା ବ୍ୟବହାରକାରୀଙ୍କୁ ସୁହାଇଲା ଭଳି ଉନ୍ନତମାନର ପେଡ ତିଆରି କରାଯାଉଛି । ଉକ୍ତ ପ୍ରକଳ୍ପର ମୂଳ ଲକ୍ଷ୍ୟ ହେଲା ସ୍ବୟଂ ସହାୟକ ଦଳର ମହିଳାଙ୍କୁ କାମରେ ନିୟୋଜିତ କରି ଆର୍ଥିକ ସ୍ଥିତି ମଜଭୁତ କରିବା ସଙ୍ଗେ ସଙ୍ଗେ ମହିଳାଙ୍କ ମାସିକ ଋତୁସ୍ରାବ ଜନିତ ସ୍ବାସ୍ଥ୍ୟକୁ ଗୁରୁତ୍ବ ଦେଇ ବିଭିନ୍ନ ରୋଗରୁ ରକ୍ଷା କରିବା । ଆଗାମୀ ଦିନରେ ହିତାଧିକାରୀମାନେ ଗାଁ ଗାଁ ବୁଲି ମହିଳାମାନଙ୍କୁ ପେଡ ବ୍ୟବହାର ସମ୍ପର୍କରେ ସଚେତନ କରିବା ସହିତ ବିକ୍ରି ଉପରେ ଧ୍ୟାନ ଦେବେ । ଉକ୍ତ ପ୍ରକଳ୍ପ ସ୍ବେଚ୍ଛାସେବୀ ସଂଗଠନ ରିହାଈର, ନିର୍ଦ୍ଦେଶକ ରୁନୁ ଗୋପାଳ ସାହୁଙ୍କ ପ୍ରତକ୍ଷ୍ୟ ତତ୍ତ୍ଵାବଧାନରେ ପରିଚାଳିତ ହେଉଛି।