31-Mar-2023

ଲୋଇସିଂହା, (ବିନୋଦ କୁମାର ଦୀପ) ଲୋଇସିଂହା ବ୍ଲକ ଅଧିନସ୍ଥ ଝାରମୁଣ୍ଡା ପଂଚାୟତରେ ପିଇଓ ଙ୍କ ଅନୁପସ୍ଥିତି କୁ ନେଇ ଆଜି ଲୋଇସିଂହା ଗୋଷ୍ଠୀ ଉନ୍ନୟନ ଅଧିକାରୀ ଙ୍କ ଦ୍ୱାରସ୍ତ ହୋଇଛନ୍ତି l ଲୋକଙ୍କ କହିବା ଏହାଯେ ଦୀର୍ଘଦିନ ହେବ ଝାରମୁଣ୍ଡା ପିଇଓ   ଆନନ୍ଦ ଚନ୍ଦ୍ର ପାତ୍ର ଅନୁପସ୍ଥିତ ରହିଛନ୍ତି ଯାହାଫଳରେ ପଂଚାୟତ ର ସମସ୍ତ କାମ ବନ୍ଦ ରହିବା ସହ ଲୋକେ ହଇରାଣ ହେଉଛନ୍ତି l ଏହାସହ ପିଇଓ ଶ୍ରୀ  ପାତ୍ର ସରପଞ୍ଚ ଙ୍କ କଥାକୁ କର୍ଣପାତ କରୁନାହାନ୍ତି l ଯାହା ଫଳରେ ସରକାରୀ କାର୍ଯ୍ୟ ସବୁ ବାଧାପ୍ରାପ୍ତ ହେବାସହ ଲୋକେ ସରକାରୀ ସୁବିଧାରୁ ବଂଚିତ ହେଉଛନ୍ତି l ହରିଶ୍ଚନ୍ଦ୍ର ଯୋଜନା ରେ ଆସୁଥିବା ପଇସା ଲୋକେ ପାଇପାରୁ ନାହାନ୍ତି l ପିଇଓ ଙ୍କ ଅନୁପସ୍ଥିତି ଯୋଗୁଁ ଝାରମୁଣ୍ଡା ଲୁହୂରାକଟା ବନ୍ଧ ର ମନମୁଖୀ ମାଛମରା ହେତୁ ସରପଞ୍ଚ, ନାଏବ ସରପଞ୍ଚ, ୱାର୍ଡ ମେମ୍ବର ମାନଙ୍କୁ ଅସଭ୍ୟ ଭାଷାରେ ଠିକାଦାର  ଗାଳିଗୁଲଜ ମଧ୍ୟ ସହିବାକୁ ପଡୁଛି l ସରପଞ୍ଚ ୱାର୍ଡସଭ୍ୟ କିଏ ମୁ ମୋ ହିସାବରେ କାର୍ଯ୍ୟ କରିବି ବୋଲି ପିଇଓ କହୁଛନ୍ତି l ଏହା ପୂର୍ବରୁ ପତ୍ର ସଂଖ୍ୟା 105 ତା 19.1.2023 ରେ ଉକ୍ତ ପିଇଓ ଙ୍କ ଅଭିଯୋଗ କରାଯାଇଥିଲେ ସୁଦ୍ଧା ବିଡ଼ିଓ କୌଣସି ପଦକ୍ଷେପ ନେଇନାହାନ୍ତି l ଏଣୁ ଏହାର ସମାଧାନ ପାଇଁ ବିହିତ କାର୍ଯ୍ୟାନୁଷ୍ଠାନ ନିଅନ୍ତୁ ନଚେତ ପଦକ୍ଷେପ ନ ନେଲେ ଜିଲ୍ଲାପାଳଙ୍କ ଦ୍ୱାରସ୍ତ ହେବୁ ବୋଲି ଆଜି ଲିଖିତ ଅଭିଯୋଗ କରିଛନ୍ତି ପଂଚାୟତବାସୀ  l ବିଡ଼ିଓ ଙ୍କ ଅନୁପସ୍ଥିତିରେ ଏବିଡିଓ ବିଜୟ କୁମାର ହୋତା ଅଭିଯୋଗ ପତ୍ର ଗ୍ରହଣ କରିବା ସହ ଆଗାମୀ ଦିନରେ ଝାରମୁଣ୍ଡା ପିଇଓ ପରିବର୍ତନ କରାଯିବ ବୋଲି ପ୍ରତିଶୃତି ଦେଇଛନ୍ତି l ସରପଞ୍ଚ ବନିତା ମେହେର, ଦେବରାଜ କୁଦେଇ, ହରିବୋଲ ମେହେର, ପୁର୍ଣିମା ଭୋଇ,ମମତା ମଲ୍ଲିକ, ମଲ୍ଲିକା ବେହେରା,  ମଲ୍ଲୀଫୁଲ ସାହୁ, ମୁକେଶ ଭୁଏ, ଗୁପ୍ତା ବରିହା, ମଙ୍ଗଳୁ ସାହୁ ସହ ଅନ୍ୟାନ୍ୟ କିଛି ଲୋକ ଉପସ୍ଥିତ ଥିଲେ l