27-Mar-2023

ବଲାଙ୍ଗିର (ଧିରେନ୍ଦ୍ର ନାରାୟଣ ସିଂହଦେଓଙ୍କ ରିପୋର୍ଟ୍): "ବିଶ୍ଵ ନାଟକ ଦିବସ" ଉପଲକ୍ଷେ ଆଜି ସନ୍ଧ୍ୟା ୮ଟା ସମୟରେ ପଶ୍ଚିମ ଓଡ଼ିଶାର ଅଗ୍ରଣୀ ନାଟକ ସଂସ୍ଥା "ନାଟ୍ୟକ୍ରାନ୍ତି" ବିଶ୍ୱର ସମସ୍ତ କଳାକାର ବୃନ୍ଦଙ୍କୁ ଶୁଭେଚ୍ଛା ଜଣାଇ ସଭାପତି ରାଜେନ୍ଦ୍ର ଶର୍ମାଙ୍କ ସଭାପତିତ୍ବରେ ଏକ ଆଲୋଚନାଚକ୍ର ଆୟୋଜିତ କରିଛି । ନାଟ୍ୟକ୍ରାନ୍ତି ଏକ ପ୍ରସ୍ତାବ ଜରିଆରେ ସମସ୍ତଙ୍କୁ ଜନେଇଛି ଯେ, ନାଟକକୁ ଗ୍ରାମାଞ୍ଚଳ ମାନଙ୍କୁ ପହଞ୍ଚେଇ ପାରିଲେ ଗ୍ରାମାଞ୍ଚଳର ଲୋକେ ମଧ୍ୟ ନାଟକ ପ୍ରତି ଆକୃଷ୍ଟ ହୋଇ ଆହୁରି କଳାକାର ସୃଷ୍ଟି କରିପାରିବେ ।
             ଏହି ଆଲୋଚନାଚକ୍ରରେ ନାଟ୍ୟକ୍ରାନ୍ତିର ପ୍ରତିଷ୍ଠାତା ଓ ନିର୍ଦ୍ଦେଶକ ଜନାବ୍ ଅବଦୁଲ ଜମାଲ୍ ଖାଁ, ସମ୍ପାଦକ ସୁରେନ୍ଦ୍ର ତ୍ରିପାଠୀ, ଧିରେନ୍ଦ୍ର ନାରାୟଣ ସିଂହଦେଓ, ସଞ୍ଜୟ ଭୋଇ, ଶରତ ଚନ୍ଦ୍ର ହୋତା, ବିମଳ ଚକ୍ରବର୍ତ୍ତୀ, ନୀଳାଚଳ ଚିର୍ଗୁନ୍, ଅକ୍ରମ୍ ଦୂର୍ରାନି, ରାହୁଲ ପାଣିଗ୍ରାହୀ, ଗୁରୁଦାସ୍ ସିଂହ ଓ ସାହିଲ୍ ତାଣ୍ଡି ଉପସ୍ଥିତ ରହି ନିଜ ନିଜର ସୁଚିନ୍ତିତ ମତାମତ ଦେଇଥିଲେ ।