27-Mar-2023

ଆଗଲପୁର, (ବିନୋଦ କୁମାର ଦୀପ) ଏଭଳି ଏକ ସୁନ୍ଦର ପ୍ରୟାସ ଦେଖିବାକୁ ମିଳିଛି ଆଗଲପୁର ବ୍ଲକ ଅନ୍ତର୍ଗତ  ନୁନିଆପାଲି ପଞ୍ଚାୟତରେ l ପ୍ରଥମେ ସଚେତନତା ରଥ କୁ ଭବ୍ୟ ସ୍ବାଗତ ସମ୍ବର୍ଦ୍ଧନା ଦିଆ ଯାଇଥିଲା ଓ ପରେ ପରେ ଏକ ସଚେତନତା ସଭା କରା ଯାଇଥିଲା l ଏହି ସଭାରେ ମୁଖ୍ୟ ଅତିଥି ଭାବରେ ଗୋଷ୍ଠୀ ଶିଶୁ ବିକାଶ ପ୍ରକଳ୍ପ ଅଧିକାରୀ ଜ୍ୟୋତିର୍ମୟୀ ନାଏକ ଯୋଗ ଦେଇଥିବା ବେଳେ ସମ୍ମାନିତ ଅତିଥି ଭାବରେ ନୁନିଆପାଲି ସରପଞ୍ଚ ଶ୍ରୀମତୀ ପୁଷ୍ପାଞ୍ଜଳି ସାହୁ ଓ ନୁନିଆ ପାଲି ଉଚ୍ଚ ବିଦ୍ୟାଳୟ ର ପ୍ରଧାନ ଶିକ୍ଷକ ଶ୍ରୀ ଅମୂଲ୍ୟ କୁମାର୍ ବେହେରା l ଏହାସହ ପଲ୍ଲୀ ଆଲୋକ ପାଠାଗାର ନଅଗାଁ (ଖ) ର ଶ୍ରୀ ପ୍ରହଲ୍ଲାଦ ପାଧାନ୍ ଉପସ୍ଥିତ ଥିଲେ।ବାଲ୍ୟ ବିବାହ ଭଳି ଏକ କୁପ୍ରଥା କୁ କେମିତି ରୋକାଯାଇ ପାରିବ ସେ ଉପରେ ଆଲୋଚନା କରିଥିଲେ l ଏହାପରେ ଛାତ୍ରଛାତ୍ରୀଙ୍କ ଦ୍ୱାରା ସାଂସ୍କୃତିକ କାର୍ଯକ୍ରମ ମାଧ୍ୟମରେ ସଚେତନ କରା ଯାଇଥିଲା l ଏହି ସଚେତନତା ଅଭିଯାନ ରେ ଗ୍ରାମବାସୀ, ଅଙ୍ଗନୱାଡ଼ି କର୍ମୀ ଓ ସ୍କୁଲ୍ ଛାତ୍ରଛାତ୍ରୀ ଯୋଗ ଦେଇଥିଲେ l ପରେ ପରେ ଅଙ୍ଗନୱାଡି କର୍ମୀ ମାନେ ପ୍ଲା କାର୍ଡ ଧରି ସ୍ଲୋଗାନ ଦେଇ ଗ୍ରାମ ପରିଭ୍ରମଣ କରିଥିଲେ l ସମସ୍ତେ ମିଶି ଏହି ବାଲ୍ୟ ବିବାହ ପ୍ରଥା କୁ ସମାଜରୁ ଦୂରେଇ ପାରିବା ବୋଲି ଅତିଥି ମାନେ ପ୍ରକାଶ କରିଥିଲେ l ଉକ୍ତ କାର୍ଯ୍ୟକ୍ରମଟି ପଲ୍ଲୀ ଆଲୋକ ପାଠାଗାର ଙ୍କ ଆନୁକୁଲ୍ୟରେ ଆୟୋଜନ କରା ଯାଇଥଲା l