26-Mar-2023

ସୁବର୍ଣ୍ଣପୁର(ମନୋରଞ୍ଜନ ତ୍ରିପାଠୀ )- ସ୍ବଚ୍ଛ ଭାରତ ସଙ୍ଗଠନ ର ସଭାପତି ତଥା ପୂର୍ବତନ ଉପ ନଗରପାଳ √ଲକ୍ଷ୍ମୀ ନାରାୟଣ ମେହେରଙ୍କ ଙ୍କ ବିୟୋଗରେ ବିଭିନ୍ନ ସ୍ଥାନରେ ଶୋକ ସଭା ଅନଷ୍ଠିତ ହୋଇ ଯାଇଛି। ସୋନପୁର ପ୍ରଭାସ ଲଜ ସଭା ଗୃହ ଠାରେ ସ୍ୱଚ୍ଛ ଭାରତ ସଂଗଠନର ସଭାପତିଙ୍କ ଉଦ୍ଦେଶ୍ୟ ରେ ଏକ  ଶୋକ ସଭା, ସ୍ମୃତି ସଭା ଆୟୋଜନ  କରାଯାଇଥିଲା l ଶ୍ରୀ ମେହେର ଙ୍କ ଓ ନିକଟରେ ଶରଧାପାଲି ଠାରେ ଦୁର୍ଘଟଣାର ଶିକାର ହୋଇ ପ୍ରାଣ ହରାଇଥିବା ୩ଜଣ ସ୍କୁଲ ଛାତ୍ର ଙ୍କ ଆତ୍ମା ଶାନ୍ତି ସଦଗତି ପାଇଁ ନିରବ ପ୍ରାର୍ଥନା କରାଯାଇଥିବା ବେଳେ ଏଥିରେ  ସୋନପୁର ଓ ବୌଦ୍ଧ ଅଞ୍ଚଳ ର ବହୁ ବୁଦ୍ଧିଜୀବୀ , ମାନ୍ୟ ଗଣ୍ୟ ବ୍ୟକ୍ତି ଯୋଗ ଦେଇ ଶ୍ରୀ ମେହେର ଙ୍କ ଫଟୋ ଚିତ୍ର ରେ ଧୂପ ଦୀପ ଦେଇ ଶ୍ରଦ୍ଧାଞ୍ଜଳି ଅର୍ପଣ କରି ସ୍ମୃତି ଚାରଣ କରି ଥିଲେ l ଏଥିରେ ଜିଲ୍ଲା ଓକିଲ ସଂଘ ସଭପତି ବିଧାନ ଚନ୍ଦ୍ର ପାଣିଗ୍ରାହୀ, ଜିଲ୍ଲା ସାମ୍ୱାଦିକ ସଂଘ ସଭାପତି ଗୋରେଖ ନାଥ ସାହୁ, ସମ୍ପାଦକ ବ୍ୟୋମକେଶ ଦାସ, ଯୋଗାଚାର୍ଯ୍ୟ ଆର୍ତ୍ତତ୍ରାଣ ବାବୁ,  ପ୍ରାଧ୍ୟାପକ ଡ.ଜ୍ୟୋତି ରଞ୍ଜନ ବହିଦାର, ଜ଼ିଲ୍ଲା ସୂଚନା ଓ ଲୋକ ସମ୍ପର୍କ ଅଧିକାରୀ ଅଶ୍ଵିନୀ ଭୋଇ, ସମାଜସେବୀ ଶ୍ରୀବତ୍ସ ମଲ୍ଲିକ, ଇନ୍ଦୁମତି ପୁରୋହିତ, ସ୍ୱଚ୍ଛ ଭାରତ ଉଦ୍ୟୋକ୍ତl ସୟଦ ଅଲିମୁଲ ଇସଲାମ, ଅତିଥି ଭାବେ ଯୋଗ ଦେଇ ମଣିଷ କୁ ଓ ମଣିଷ ର ତ୍ୟାଗ ଓ ସମର୍ପିତ ଭାବ ହିଁ ଗୋଟାଏ ଅନୁଷ୍ଠାନ ବଞ୍ଚାଇ ରଖେ  ବୋଲି ମତ ରଖି ନିଜର ଉତ୍ତମ କୃତି ହିଁ ମଣିଷକୁ ଅମର ରଖେ , ଯାହାକି ଆଜିର ଶ୍ରୀ ମେହେର ଙ୍କ ଏଇ ଶୋକ ସଭା ହିଁ ଅନନ୍ୟ ଉଦାହରଣ ବୋଲି କହିଥିଲେ l  ସୋନପୁର ଓ ବୌଦ୍ଧ ଅଞ୍ଚଳ ର ବହୁ ବୁଦ୍ଧିଜୀବୀ , ମାନ୍ୟ ଗଣ୍ୟ ବ୍ୟକ୍ତି , ଅନୁଷ୍ଠାନ ଯୋଗ  ଦେଇ ଶ୍ରୀ ମେହେର ଙ୍କ ଫଟୋ ଚିତ୍ର ରେ ଧୂପ ଦୀପ ପୁଷ୍ପ ଦେଇ ଶ୍ରଦ୍ଧାଞ୍ଜଳି ଅର୍ପଣ କରି ସ୍ମୃତି ଚାରଣ କରି ଥିଲେ l  ଜ୍ୟୋତି ରଞ୍ଜନ ପଟ୍ଟନାୟକ, ଶିବରାମ ସାହୁ, କଈରୁ ସ୍ୱାଇଁ, ବ୍ରଜ ମୋହନ ଦାନୀ, ସୌରଭ ଖମାରି, ଘନ ଶ୍ୟାମ  ପାଣିଗ୍ରାହୀ, ମୀନା ମହାରଣା, ଶ୍ୟାମl ଓମ ପ୍ରସାଦ ମିଶ୍ର, ବୃନ୍ଦାବନ ରଥ, ମନୋଜ ପଣ୍ଡା ପ୍ରମୁଖ ଯୋଗ ଦେଇ ସ୍ବର୍ଗତ ମେହେରଙ୍କ ସଂଗଠନ ପ୍ରତି ସମାଜ ପ୍ରତି ଥିବା  ଉତ୍ସର୍ଗୀକୃତ ଅବଦାନ ଉପରେ ସମସ୍ତେ ସ୍ମୃତି ଚାରଣ କରିଥିଲେ l ସେହିପରି  ସକାଳେ ସ୍ୱଚ୍ଛ ଭାରତ ସଂଗଠନ ସୋନପୁର ମନମୁଣ୍ଡା  ପକ୍ଷରୁ ମନମୁଣ୍ଡା ଶୈବ ପୀଠ ଠାରେ ସଫେଇ ଓ ପଲିଥିନ ମୁକ୍ତ ଅଭିଯାନ କରାଯାଇଥିଲା l ପରେ ପରେ ସଂଗଠନ ର ଉଦ୍ୟୋକ୍ତl ସୟଦ ଅଲିମୁଲ ଇସଲାମ ଙ୍କ ତତ୍ୱାବଧାନରେ ଏକ ଶୋକସଭା ଅନୁଷ୍ଠିତ ହୋଇ ଶ୍ରୀ ମେହେର ଙ୍କ ଆତ୍ମା ଶାନ୍ତି ସଦଗତି ପାଇଁ ନିରବ ପ୍ରାର୍ଥନା କରା ଯାଇ ଥିଲା   ଏବଂ  ଶ୍ରୀ ମେହେରଙ୍କ ଆଦର୍ଶ ରେ ଅନୁପ୍ରାଣିତ ହୋଇ ଏ ସଂଗଠନକୁ  ଆହୁରି ଶୃଙ୍ଖଳିତ ଓ ମଜଭୂତ କରିବା ପାଇଁ ସମସ୍ତେ ସଂକଳ୍ପ ନେଇଥିଲେ l ଉଭୟ ଶୋକ ସଭା କୁ ମନୋରଞ୍ଜନ ତ୍ରିପାଠୀ ସଂଯୋଜନା କରିଥିବା ବେଳେ ଶିକ୍ଷାବିଦ ପ୍ରଦୀପ ପୁରୋହିତ ଧନ୍ୟବାଦ ଅର୍ପଣ କରିଥିଲେ l ସଂଗଠନ ର ସମସ୍ତ ସଭ୍ୟ ସହଯୋଗ କରିଥିଲେ l