24-Mar-2023

ସୋନପୁର (ମନୋରଞ୍ଜନ ତ୍ରିପାଠୀ ): ପବିତ୍ର ହିନ୍ଦୁ ନବ ବର୍ଷ ର ପାବନ ତିଥିରେ ନବ ନିର୍ମିତ ଗୋପାଳଜୀ ତଡିତ ଶ୍ୱାସ ଯୋଗାଳୟ ର ନୂତନ ଯୋଗାଶ୍ରମ ମହାନଦୀ ଯୋଗ ବିହାର ଠାରେ ଲୋକାର୍ପିତ ହୋଇ ଯାଇଛି l ଏହି ଉତ୍ସବ ରେ ଯୋଗାଳୟ ର ପ୍ରତିଷ୍ଠାତା ଯୋଗାଚାର୍ଯ୍ୟ ଜୟ ଦେବ ଦଣ୍ଡସେନା ସ ପତ୍ନୀକ ଉପସ୍ଥିତ ରହି ଶୁଭେଚ୍ଛା ଜଣାଇଥିଲେ l ଶ୍ରୀ ବାସୁଦେବ ମିଶ୍ର ସପତ୍ନୀକ ବୈଦିକ ରୀତିରେ ଯଜ୍ଞ କରି ଭବନ ର ପ୍ରତିଷ୍ଠା ଯଜ୍ଞ ଘୃତାହୁତି ହେବା ପରେ ସମସ୍ତ କର୍ମକର୍ତ୍ତା ଓ ଆମନ୍ତ୍ରିତ ଜ୍ଞାନୀ ଗୁଣୀ ପୁଷ୍ପାଞ୍ଜଳୀ ନେବା ପରେ ଏକ ସଭା କାର୍ଯ୍ୟ ଅନୁଷ୍ଠିତ ହୋଇଥିଲା l ଅନୁଷ୍ଠାନର ସମ୍ପାଦକ ଶ୍ରୀ ଆର୍ତ୍ତ ତ୍ରାଣ ବାବୁ ବିବରଣୀ ପଠନ ପରେ ନିମନ୍ତ୍ରିତ ଅତିଥି ମାନଙ୍କୁ ଉପଢୌକନ ପ୍ରଦାନ ପୂର୍ବକ ସମ୍ବର୍ଦ୍ଧିତ କରାଯାଇଥିଲା l ଗବେଷକ ସୁଦାମ ନାଏକ ସୁବର୍ଣ୍ଣପୁରର ଐତିହାସିକ ଯୋଗତତ୍ତ୍ୱ ଉପରେ ସାରଗର୍ଭକ ଆଲୋଚନା ପରେ, ଗୋରେଖ ସାହୁ, ସନ୍ୟାସୀ ଦାସ,  ଯୋଗାଚାର୍ଯ୍ୟ ଜୟଦେବ ଦଣ୍ଡସେନା ଯୋଗ ବିଷୟରେ ବିଭିନ୍ନ ମତ ରଖିଥିଲେ l  ସୋନପୁର କଲେଜର ପ୍ରାକ୍ତନ ପ୍ରାଧ୍ୟାପକ ତଥା 
ଶିକ୍ଷାବିଦ ଡ଼ଃ ସୁଧାକର ଦାସ ଯୋଗ ଦେଇ ଅଭିନଵ ପ୍ରସ୍ତାବ ରଖି ଏଭଳି ଅନୁଷ୍ଠାନ ଓଡିଶାରେ ବିରଳ ବୋଲି ଭୁୟସୀ ପ୍ରଶଂସା କରିଥିଲେ l ଶ୍ରୀ ପ୍ରଦୀପ ପୁରୋହିତ ନୂତନ ଭବନ ନିର୍ମାଣ ର ସଂଘର୍ଷ କାହାଣୀ ସହିତ ଏହା ସମାଜ ପାଇଁ ସମର୍ପିତ ବୋଲି କହିଥିଲେ l ଜ୍ୟୋତି ରଞ୍ଜନ ପଟ୍ଟନାୟକଙ୍କ ସଂଯୋଜନାରେ ସଭା ପରିଚାଳନା ହୋଇଥିବା ବେଳେ ନିରଞ୍ଜନ ତ୍ରିପାଠୀ ଧନ୍ୟବାଦ ଅର୍ପଣ କରିଥିଲେ l ଉକ୍ତ କାର୍ଯ୍ୟକ୍ରମରେ ସୁବର୍ଣ୍ଣପୁର ଏସପି ଶ୍ରୀ ଅମରେଶ ପଣ୍ଡା, ଏଡିଏମ ସୂର୍ଯ୍ୟ ନାରାୟଣ ଦାଶ,  ସମାଜସେବୀ ଶ୍ରୀବତ୍ସ ମଲ୍ଲିକ, ଶିଳ୍ପ ଦ୍ୟୋଗୀ ଆନନ୍ଦ ବାବୁ ଆଭାସ ବାବୁ, ଡ଼ଃ କେଦାର ମିଶ୍ର, ଡ଼ଃ ଜ୍ୟୋତି ବହିଦାର, ଶିକ୍ଷାବିଦ ବ୍ରଜ ମୋହନ ଦାନୀ, ଯୋଗ ଗୁରୁ ମନୋଜ ପଣ୍ଡା, ଡ଼ଃ ସନ୍ତୋଷ ପାଢ଼ୀ, ହରିହର ଶତପଥୀ, ନରେଶ ଅଗ୍ରୱାଲା, ଗାୟତ୍ରୀ ପରିବାର, ରାଷ୍ଟ୍ରୀୟ ସ୍ୱୟଂ ସେବକ ସଂଘ, ବେଦ ପ୍ରଚାର ସମିତି,ଆଦି ଯୋଗ ସାଧକ ମାନେ ସହଯୋଗ କରିଥିଲେ l ଏହାର ସର୍ବବିଧ ଉନ୍ନତି ଓ ସମୃଦ୍ଧି ପାଇଁ ଶୁଭ କାମନା ପୂର୍ବକ ଜ଼ିଲ୍ଲା ପ୍ରଶାସନ କୁ ମଧ୍ୟ ସାଧୁବାଦ ଜଣାଇ ସମସ୍ତ ଙ୍କୁ ସ୍ୱାଦିଷ୍ଟ ଭୋଜନ ରେ ଆପ୍ୟାୟିତ କରାଯାଇଥିଲା l