21-Mar-2023

ସମ୍ବଲପୁର, (ସଂଜୀବ ପାଣିଗ୍ରାହୀ)ବିଶ୍ୱ ମୁଖଗହ୍ୱର ଦିବସ ଉପଲକ୍ଷେ ଆଜି ମା ଝାଡେଶ୍ବରୀ ମହାବିଦ୍ୟାଳୟରେ ଏକ ସଚେତନତା ଶିବିର ଆୟୋଜିତ ହୋଇଯାଇଛି। ଜାତୀୟ ତମ୍ବାଖୁ ନିୟନ୍ତ୍ରଣ କାର୍ଯ୍ଯକ୍ରମ ଅନ୍ତର୍ଗତ ଏହି ମହାବିଦ୍ୟାଳୟ ସ୍ତରୀୟ ତମ୍ବାଖୁ ବିରୋଧି ସଚେତନତା କାର୍ଯ୍ୟକ୍ରମ ସମ୍ବଲପୁର ଜିଲା ଅଣ-ସଂକ୍ରାମକ ରୋଗ କେନ୍ଦ୍ର ବା ଏନ୍‌ସିଡି ସେଲ୍‌ ଓ ମହାବିଦ୍ୟାଳୟର ଏନ୍‌ଏସ୍‌ଏସ୍‌ ଏବଂ ରେଡକ୍ରସ ୟୁନିଟର ମିଳିତ ଆନୁକୁଲ୍ୟରେ ଆୟୋଜନ କରାଯାଇଥିଲା। ଏହି ଅବସରରେ ମହାବିଦ୍ୟାଳୟର +୨ ସ୍ରୋତର ଅଧ୍ୟକ୍ଷ ଅଶୋକ କୁମାର ପୁରୋହିତଙ୍କ ସଭାପତିତ୍ୱରେ ଆୟୋଜିତ ସଭାରେ ଏନ୍‌ସିଡି ସେଲ୍‌ ପକ୍ଷରୁ ଡା. ପ୍ରମୋଦ ଚନ୍ଦ୍ର ବିଶ୍ୱାଳ ବିସ୍ତୃତ ଭାବରେ ଉପସ୍ଥିତ ଛାତ୍ରଛାତ୍ରୀଙ୍କୁ ଭାରତରେ ବ୍ୟବହୃତ ବିଭିନ୍ନ ପ୍ରକାର ତମ୍ବାଖୁ ଓ ଏହାର ବ୍ୟବହାରରୁ ଉତ୍ପନ୍ନ ଭୟାବହତା ବିଷୟରେ ଅବଗତ କରାଇବା ସହ ତମ୍ବାଖୁ ବ୍ୟବହାର ଜନିତ କ୍ଷତି ଗୁଡିକ ସମ୍ପର୍କରେ ଆଲୋଚନା କରିଥିଲେ। ଏନସିଡିର ଅଧିକାରୀ ଶ୍ରୀମତୀ ସ୍ୱାଗତିକା ବେହେରା ତାଙ୍କ ବକ୍ତବ୍ୟରେ କହିଥିଲେ ଯେ,ତମ୍ବାଖୁ ସେବନ ଦ୍ୱାରା ଜଣେ ବ୍ୟକ୍ତି କେବଳ ନିଜର ସ୍ୱାସ୍ଥ୍ୟ ନୁହେଁ ବରଂ ପରୋକ୍ଷରେ ସମଗ୍ର ଦେଶର କ୍ଷତି କରିଥାଏ।

ଅଧ୍ୟାପକ ରବିନ୍ଦ୍ରନାରାୟଣ ଠାକୁର,ଡ. ସିଦ୍ଧାର୍ଥ ପଣ୍ଡା ପ୍ରମୁଖ ମଧ୍ୟ ଆଲୋଚନାରେ ଭାଗ ନେଇଥିଲେ।ତମ୍ବାଖୁ ମୁକ୍ତ ଶିକ୍ଷାନୁଷ୍ଠାନର ସଂଯୋଜକ ଅଧ୍ୟାପକ ସଂଜୟ କୁମାର ସାହୁ ପ୍ରାରଂଭିକ ସୂଚନା ପ୍ରଦାନ କରୁଥିବା ବେଳେ ମହାବିଦ୍ୟାଳୟ ଜାତୀୟ ସେବା ଯୋଜନାର କାର୍ଯ୍ୟକ୍ରମ ଅଧିକାରୀ ଅଧ୍ୟାପିକୀ ସ୍ମାରକୀ ମାହାର ଧନ୍ୟବାଦ ଅର୍ପଣ କରିଥିଲେ।ପ୍ରକାଶ ଥାଉକି ପୂର୍ବରୁ ତମ୍ବାଖୁ ବ୍ୟବହାରର ଅପକାରିତା ବିଷୟ ଉପରେ ଛୁଆମାନଙ୍କ  ଏକ ପ୍ରବନ୍ଧ ଲିଖନ ପ୍ରତିଯୋଗିତା ଆୟୋଜିତ ହୋଇଥିଲା। ଏହି ପ୍ରତିଯୋଗିତାରେ ରୋହିତ ସ୍ୱାଇଁ,ସ୍ୱରାଜ ପାଣିଗ୍ରାହୀ,ବିନୟ ଗଡତିଆ ଯଥାକ୍ରମେ ପ୍ରଥମ ଦ୍ୱିତୀୟ ଓ ତୃତୀୟ ସ୍ଥାନ ଅଧିକାର କରି ଏହି ସଭାରେ ଅତିଥି ମାନଙ୍କଠାରୁ ପୁରସ୍କାର ଗ୍ରହଣ କରିଥିଲେ। ମହାବିଦ୍ୟାଳୟର ଶିକ୍ଷାର୍ଥୀ ରୋହିତ ସ୍ୱାଇଁ,ଖୁସବୁ ଦେହେରି ଓ ପ୍ରିତମ ବାରିକଙ୍କୁ ମହାବିଦ୍ୟାଳୟ ତମ୍ବାଖୁ ନିରୀକ୍ଷକ ଭାବରେ ଚୟନ କରାଯାଇଥିଲା। ସଭାରେ ମିନତି ଦାଶ,ସୁଶ୍ରୀ ପାଢୀ,ସ୍ୱାତି ପତି,ଆନନ୍ଦିନି,ପଣ୍ଡା,ଦିପ୍ତୀରେଖା ପଣ୍ଡା,ମୌସୁମୀ ଷଢଙ୍ଗୀ,ସୁଶ୍ରୀତ ଷଢଙ୍ଗୀ,ସୁଶୀଲ କୁମାର ବାଗ,ଅନ୍ତର୍ଯ୍ୟାମୀ ମହାକୁର,ବନୋଜ କୁମାର ସାହୁ,ଚୈତନ୍ଯ ସେନାପତି ପ୍ରମୁଖ ଅଧ୍ୟାପକ ଅଧ୍ୟାପିକା କର୍ମଚାରୀମାନଙ୍କ ସମେତ +୩ ସ୍ରୋତର ଅଧ୍ୟକ୍ଷ ଅନିଲ ପ୍ରଧାନ ମଧ୍ଯ  ଉପସ୍ଥିତ ଥିଲେ।