03-Oct-2020

କଳାହାଣ୍ଡି.03/10( ରୁ ତ୍ରିନାଥ ବେଶ୍ରା)-  ଜାତିର ପିତା ମହାତ୍ମା ଗାନ୍ଧୀ ଓ ପୂର୍ବତନ ପ୍ରଧାନମନ୍ତ୍ରୀ ଲାଲ ବାହାଦୂର ଶାସ୍ତ୍ରୀ ଙ୍କ ଜନ୍ମ ଜୟନ୍ତୀ ଉପଲକ୍ଷେ କଳାହାଣ୍ଡି ଜିଲ୍ଲା କଂଗ୍ରେସ କମିଟି ଠାରୁ ଏକ ପଦଯାତ୍ରା ଅନୁଷ୍ଠିତ ହୋଇ ଯାଇଛି । ଜିଲ୍ଲା ସଭାପତି ଶ୍ରୀ ଭାରତ ଭୂଷଣ ବେମାଲ ଓ ଯୁବନେତା ଶ୍ରୀ ସାଗର ଚରଣ ଦାସ ଙ୍କ ନେତୃତ୍ୱରେ ସଦର ବ୍ଲକ ଅନ୍ତର୍ଗତ ଉଦେପୁର ଠାରୁ ଭବାନୀପାଟଣା ଗାନ୍ଧୀ ପାର୍କ ପର୍ଯ୍ୟନ୍ତ ୧୦ କିମି ବ୍ୟାପି ପଦଯାତ୍ରା ରେ ଶତାଧିକ  କଂଗ୍ରେସ କର୍ମୀ କରୋନା କଟକଣା ନିୟମ ପାଳନ କରି ସମ୍ପନ୍ନ କରିଥିଲେ । ଏହି ଅବସରରେ ଗାନ୍ଧୀ ପାର୍କ ସ୍ଥିତ ଗାନ୍ଧୀଜୀଙ୍କ ପ୍ରତିମୂର୍ତିରେ ପୁଷ୍ପମାଲ୍ୟ ପ୍ରଦାନ କରିଥିଲେ । କେନ୍ଦ୍ରର ବିଜେପି ସରକାରଙ୍କ କୃଷକ ବିରୋଧୀ ତିନିଗୋଟି ବିଲ ଓ ଅଗଣତାନ୍ତ୍ରିକ ଉପାୟ ରେ ଲାଗୁ କରି କୃଷକ ମାନଙ୍କୁ ପୁଞ୍ଜିପତି ମାନଙ୍କ ଦ୍ୱାରା ଶୋଷଣ କରିବାର ଚକ୍ରାନ୍ତ କରିଥିବା ଅଭିଯୋଗ କରିଛନ୍ତି । ଏହି ଅବସରରେ ଆଜିଠାରୁ କୃଷକ ବିଲ ପ୍ରତ୍ୟାହାର ପାଇଁ ଦସ୍ତଖତ ଅଭିଯାନ ଆରମ୍ଭ ହୋଇଛି । ଏବଂ ଏହା ନଭେମ୍ବର ୨ ତାରିଖ ପର୍ଯ୍ୟନ୍ତ ଚାଲିବ ବୋଲି ଜଣାପଡିଛି । ଅନ୍ୟ ମାନଙ୍କ ମଧ୍ୟରେ  ଉପସଭାପତି ଉଛବ ସାହୁ, ମିଡ଼ିଆ ସେଲ ସଂଯୋଜକ ମହମ୍ମଦ ଅଲ୍ଲୀ, ବ୍ରଜ ସାହୁ, ଶ୍ରୀମତୀ ପଦ୍ମିନୀ ଯୋଶୀ , ଶ୍ରୀମତୀସୁକାନ୍ତି ସରାଫ, ପରମାନନ୍ଦ ମାଝୀ,  ଶରତ ନାଏକ, ଯୁବକଂଗ୍ରେସ ସଭାପତି, ସାଉଲ ମଙ୍ଗରାଜ, ନରହରି ବାଗ, ଦେଶରାଜ ଜୁଆଡ଼, ସୁରେଶ ପଟନାୟକ, ମହମ୍ମଦ ସାହେବ, ଅବଦୁଲ ସାଜିଦ, ତ୍ରିଲୋଚନ ପାଣିଗ୍ରାହୀ, ଦୁଖୀଶ୍ୟାମ ପ୍ରଧାନ, ପ୍ରମୁଖ ଙ୍କ ସହ ଶତାଧିକ କଂଗ୍ରେସ ନେତା ଓ କର୍ମୀ ଉପସ୍ଥିତ ଥିଲେ । କଳାହାଣ୍ଡି ଜିଲ୍ଲା ସଭାପତି ଭାରତ ଭୂଷଣ ବେମାଲ, ଯୁବନେତା ସାଗର ଦାସ, ଉଛବ ସାହୁ ଙ୍କ ନେତୃତ୍ୱରେ ଏକ ପ୍ରତିନିଧି ଦଳ ଅତିରିକ୍ତ ଜିଲ୍ଲାପାଳ ଙ୍କ ଜରିଆରେ କୃଷକ ବିଲ ପ୍ରତ୍ୟାହାର ପାଇଁ ଏକ ଦାବିପତ୍ର ଭାରତର ମହାମହିମ ରାଷ୍ଟ୍ରପତି ଙ୍କ ଉଦ୍ଦେଶ୍ୟରେ ପ୍ରଦାନ କରିଥିଲେ ।