29-Dec-2022

ବିନିକା(ହିମାଂଶୁ ଶେଖର ପୁଟେଲ) ବିନିକା ଚନ୍ଦ୍ରମା ସଭାଗୃହ ଠାରେ ରୁମକୁଝୁମାନା ଆନୁକୂଲ୍ୟରେ ଭଏସ ଅଫ ସୁବର୍ଣ୍ଣପୁର ସିଜନ-୫ ଅନୁଷ୍ଠିତ ହୋଇଯାଇଛି | ସଙ୍ଗୀତ ନିର୍ଦ୍ଧେଶକ ତଥା ଓଡିଶା ସଙ୍ଗୀତ ନାଟକ ଏକାଡେମୀ ସଦସ୍ୟ ଶାଶ୍ୱତ ତ୍ରିପାଠୀଙ୍କ ଆବାହକତ୍ୱରେ ଏବଂ ଅନୁଷ୍ଠାନ ସଭାପତି ଶୁଧାଂଶୁ ଶେଖର ଦାଶଙ୍କ ଅଧ୍ୟକ୍ଷତାରେ ଅନୁଷ୍ଠିତ ଉଦଘାଟନୀ ସମାରୋହରେ ମୁଖ୍ୟଅତିଥି ଭାବେ ବିନିକା ବିଡ଼ିଓ ବ୍ୟାସଦେବ ବେହେରା, 

ସମ୍ମାନିତ ଅତିଥି ଭାବେ ସିଦ୍ଧାର୍ଥ ଡିଗ୍ରୀ କଲେଜ ଅଧ୍ୟକ୍ଷ ତଥା କଣ୍ଠଶିଳ୍ପୀ ଡ.ଧୀରେନ୍ଦ୍ର ନାୟକ, ସିଦ୍ଧାର୍ଥ ଜୁନିଅର କଲେଜ ଅଧ୍ୟକ୍ଷା ତଥା ଅଭିନେତ୍ରୀ ରେଖା ପ୍ରଧାନ, କଳାକାର ଅମିତ ବିକ୍ରମ ମିଶ୍ର,ପାରାୟଣ ଗାୟିକା ସୁଶ୍ରୀ ବନ୍ଦିତା ନାୟକ ଯୋଗଦେଇ କାର୍ଯ୍ୟକ୍ରମକୁ ପ୍ରଦୀପ ପ୍ରଜ୍ବଳନ କରି ଶୁଭାରମ୍ଭ କରିଥିଲେ | ଏଥିରେ ସୁବର୍ଣ୍ଣପୁର ଜିଲ୍ଲାର କୋଣଅନୁକୋଣରୁ ଏବଂ ପଡୋଶୀ ବରଗଡ଼, ବଲାଙ୍ଗିର, ସମ୍ବଲପୁର, ଦେବଗଡ଼, ବୌଦ୍ଧ ପ୍ରମୁଖ ଜିଲ୍ଲାରୁ ଶତାଧିକ କଳାପ୍ରେମୀ ପ୍ରତିଯୋଗୀ ଭାଗନେଇ ପ୍ରତିଭା ପ୍ରଦର୍ଶନ କରିଥିଲେ। ଏଥିରେ ପଦ୍ମପୁର ନିବାସୀ ଆଡଭୋକେଟ ସୁନୀଲ କୁମାର ଦାଶ ଓ ସାଧନା ମିଶ୍ର ଙ୍କ କନିଷ୍ଠା କନ୍ୟା ସୁଶ୍ରୀ ଶ୍ରାବଣୀ ଦାଶ ଭଏସ ଅଫ ସୁବର୍ଣ୍ଣପୁର ବିଜୟ ମୁକୁଟ ପିନ୍ଧି ଥିବାବେଳେ ପ୍ରଥମ ରନର୍ସ ଅଫ ଭାବେ ସୁଶ୍ରୀ ତପସ୍ୱିନୀ ଦାଶ, ଦ୍ଵିତୀୟ ରାମକୃଷ୍ଣ ପଣ୍ଡା, ତୃତୀୟ ସୁଶ୍ରୀ ଅଙ୍କିତ ଷଡ଼ଙ୍ଗୀ ବିଜୟୀ ହୋଇଥିଲେ । ଉଦଯାପନୀ ଉତ୍ସବରେ କଣ୍ଠଶିଳ୍ପୀ ନୁର ବେଗମ, ସମ୍ମାନିତ ଅତିଥି ଭାବେ  ସଂସ୍କୃତ ଗବେଷକ ଡଃ ଅନିରୁଦ୍ଧ କୁରକୁ ରିଆ, ଆର କେ ମିଡ଼ିଆର ନିର୍ଦେଶକ ରାଜକିଶୋର ମଲ୍ଲିକ, ମହାନଦୀ ଧାରାର ଉଦୋକ୍ତା ପ୍ଲାବନ ମହାପାତ୍ର, ଯୁବ ସଂଗଠକ ଭୀମସେନ ସାହୁ, ଯୁବ ଉଦ୍ୟୋଗୀ ପ୍ରଶାନ୍ତ ବାବୁ, ସତ୍ୟମ ମେଗା ସୋ ରୁମର ମୁଖ୍ୟ ଅଜୟ ସୁବୁଦ୍ଧି ଯୋଗଦେଇ କଣ୍ଠଶିଳ୍ପୀ ମାନଙ୍କୁ ଉପଡୋକନ ଦେଇ ସମ୍ମାନିତ କରିଥିଲେ ।ଏହା ବ୍ୟତୀତ ଦଣ୍ଡ ରତ୍ନ ବିପିନ ଜାଲ ଓ ଦିବ୍ୟାଙ୍ଗ ପାରାୟଣ ଗାୟିକା ମନଭଙ୍ଗି ଭୋଇଙ୍କୁ ସମ୍ମାନିତ କରାଯାଇଥିଲା  ସେହିପରି ଯାତ୍ରା ଜଗତର ସୁନାମଧନ୍ୟ କଣ୍ଠଶିଳ୍ପୀ ରୁନୁ ପଣ୍ଡାଙ୍କୁ ଅଭିଜିତ ଶ୍ରୁତି ସମ୍ମାନ ଏବଂ ସାମାଜିକ କ୍ଷେତ୍ରରେ କାର୍ଯ୍ୟ କରୁଥିବା ୮ଗୋଟି ଅନୁଷ୍ଠାନକୁ ସମ୍ମାନିତ କରାଯାଇଥିଲା । କାର୍ଯ୍ୟକ୍ରମରେ ଭାଗିରଥି ମିଶ୍ର, ଦେବାନନ୍ଦ ଦାସ, ସୌଭାଗ୍ୟଲକ୍ଷ୍ମୀ ଦାଶ, କୁନୁ ଖାନ,ପୀତବାସ ଶତପଥୀ ମଞ୍ଚ ପରିଚାଳନା କରିଥିବା ବେଳେ ଏଥିରେ ବିଚାରକ ଭାବେ ଦେବଶୃତି ମହାପାତ୍ର, କମଲେଶ ଚକ୍ରବର୍ତ୍ତୀ,ରେଶ୍ଳାରାଣୀ ଦାଶ ଦାୟିତ୍ଵ ତୁଲାଇଥିବା ବେଳେ ବାଦ୍ୟଯନ୍ତ୍ରଓ ସଙ୍ଗୀତ ସଞ୍ଚାଳନରେ ସମ୍ବିତ ସା, ସୋମନାଥ

ସାହୁ, ବିଶିକେଶଣ ବେହେରା, ନିରଞ୍ଜନ ପାଣିଗ୍ରାହୀ ସହଯୋଗ କରିଥିଲେ ।ଶିକ୍ଷକ ହିମାଂଶୁ ଭୂଷଣ ପଣ୍ଡା ସଭା ପରିଚାଳନା କରିଥିବା ବେଳେ ଶେଷରେ ସୃଜନ ପଣ୍ଡା ଧନ୍ୟବାଦ ଅର୍ପଣ କରିଥିଲେ | ଏଥିରେ ନବଜୀବନ ପଣ୍ଡା, ସମୀର ପଣ୍ଡା,ସୁଜିତ ଶର୍ମା, ଶେଖର ଶର୍ମା,ଆନନ୍ଦ ହୋତା,ବିକାଶ କଟୁଆଳ, ଅଭିଲାସ ମିଶ୍ର,ଦେବଦତ୍ତ ପଣ୍ଡା, ଗୀତାରାଣୀ ମିଶ୍ର,ଅରବିନ୍ଦ ତ୍ରିପାଠୀ, ଜନାର୍ଦ୍ଦନ ଖମାରୀ,ବିନୋଦ କୁମ୍ଭାର ପ୍ରମୁଖ  କାର୍ଯ୍ୟକ୍ରମ ପରିଚାଳନାରେ ସହଯୋଗ କରିଥିଲେ |