23-Dec-2022

କୁଚିଣ୍ଡା(ସଂଜୀବ ପାଣିଗ୍ରାହୀ)
ଆଦିବାସୀ ଅଧ୍ୟୁଷିତ ତଥା ବିଭିନ୍ନ କମିଟି ଦ୍ଵାରା ଅନୁନ୍ନତ ଅଞ୍ଚଳ ଘୋଷିତ କୁଚିଣ୍ଡା ଉପଖଣ୍ଡକୁ ଏକ ସ୍ବତନ୍ତ୍ର ଜିଲ୍ଲା ଘୋଷଣା ଦାବି କରି ଆଜି ସ୍ଥାନୀୟ ମୁକୁନ୍ଦୀ ଖେଳ ପଡିଆ ସମ୍ମୁଖରୁ ବିଭିନ୍ନ ରାଜନୈତିକ ଦଳ, ସଂଗଠନ ଓ ଲୋକ ପ୍ରତିନିଧିଙ୍କ ଏକ ମିଳିତ ବିଶାଳ ଶୋଭାଯାତ୍ରା ସହର ପରିକ୍ରମା କରି ମହାମହିମ ରାଷ୍ଟ୍ରପତି ,ରାଜ୍ୟପାଳ ଓ ମୁଖ୍ୟମନ୍ତ୍ରୀ ନବୀନ ପଟ୍ଟନାୟକଙ୍କ ଉଦ୍ଦେଶ୍ୟରେ ସ୍ଥାନୀୟ ଉପ ଜିଲ୍ଲାପାଳଙ୍କ ଜରିଆ ରେ ଏକ ଦାବି ପତ୍ର ପ୍ରଦାନ କରାଯାଇଥିଲା I କୁଚିଣ୍ଡା ଓକିଲ ସଂଘର ଆବାହକତ୍ୱ ତଥା ସାମାଜିକ କର୍ମୀଙ୍କ ସକ୍ରିୟ ସହାୟତାରେ ଏହି ଦାବି ପତ୍ର ପ୍ରଦାନ କାର୍ଯ୍ୟକ୍ରମ ଅନୁଷ୍ଠିତ ହୋଇଥିଲା I ଶୋଭାଯାତ୍ରା ପୂର୍ବରୁ ଖେଳ ପଡିଆ ସମ୍ମୁଖରେ ଓକିଲ ସଂଘ ସଭାପତି ପ୍ରମୋଦ କୁମାର ଛୁରିଆଙ୍କ ସଂଯୋଜନାରେ ଆୟୋଜିତ ସଚେତନତା ସଭାରେ ବରିଷ୍ଟ ଓକିଲ ତଥା ସହ ଆବାହକ ହୃଦାନନ୍ଦ ଶର୍ମା ,କୋଶଳ ରାଜ୍ୟ ମୁକ୍ତି ମୋର୍ଚ୍ଚାର କାର୍ଯ୍ୟକାରୀ ସଭାପତି ତଥା ଅବସରପ୍ରାପ୍ତ ଅଧ୍ୟକ୍ଷ ସୁବାସ ଚନ୍ଦ୍ର ନାୟକ,ପୂର୍ବତନ ବିଧାୟକ ରାଜେନ୍ଦ୍ର କୁମାର ଛତ୍ରିଆ ,ରବି ନାରାୟଣ ନାଏକ, ବୃନ୍ଦାବନ ମାଝୀ , ବିଶିଷ୍ଟ ବିଜେଡି ନେତା ବିଜୟ କୁମାର ମହାନ୍ତି ,ଏନଏ ସି ଅଧ୍ୟକ୍ଷ ପ୍ରଦ୍ୟୁତ ମହାନ୍ତି , ଜମନକିରା ବରିଷ୍ଟ ନାଗରିକ ସଂଘ ସଭାପତି ରବୀନ୍ଦ୍ର ଦାନୀ , ପୂର୍ବତନ ଅଧ୍ୟକ୍ଷ ସରୋଜ ପଟ୍ଟ ନାୟକ  , ସାମ୍ବାଦିକ ରବୀନ୍ଦ୍ର ଦାନୀ ,ପ୍ରଭାତ ବେହେରା , ବାମରା ବ୍ଲକ ଅଧ୍ୟକ୍ଷା ପିଙ୍କି ଧୂରୁଆ,ପୂର୍ବତନ ଅଧ୍ୟକ୍ଷ ପ୍ରଦୀପ ମିଶ୍ର, ସାମାଜିକ କର୍ମୀ ଅଲେଖ ପତି ,ନାରୀନେତ୍ରୀ ବିଣା ନାଏକ ପ୍ରମୁଖ ଉଦବୋଧନ ଦେଇ ଜିଲ୍ଲା ଦାବି ପୂରଣ ପର୍ଯ୍ୟନ୍ତ ଆନ୍ଦୋଳନ ଅବ୍ୟାହତ ରହିବ ବୋଲି ଘୋଷଣା କରିଥିଲେ । ଏହା ପରେ ଆଦିବାସୀ ନୃତ୍ୟର ତାଳେ ତାଳେ ବିଶାଳ ଶୋଭାଯାତ୍ରାରେ ବିଭିନ୍ନ ସ୍ଲୋଗାନ ଦେଇ ସହର ପରିକ୍ରମା କରିଥିଲା । ଦାବିପତ୍ର ପ୍ରଦାନ ବେଳେ କୁଚିଣ୍ଡା ବିଧାୟକ  କିଶୋର ଚନ୍ଦ୍ର ନାଏକ ମଧ୍ୟ ସାମିଲ ଥିଲେ I ଓକିଲ ସଂଘ ନେତୃତ୍ବରେ ଏହି ସର୍ବଦଳୀୟ ଆନ୍ଦୋଳନ ପରେ ଖୁବ ଶୀଘ୍ର ଏକ କ୍ରିୟାନୁଷ୍ଠାନ ଗଠନ ହୋଇ ଆନ୍ଦୋଳନକୁ ଆଗେଇ ନିଆ ଯିବା ବୋଲି ଉଦ୍ୟୋକ୍ତା ଗଣଙ୍କ ପକ୍ଷରୁ ଘୋଷଣା କରାଯାଇଛି ।