23-Dec-2022

ଓଡିଶା ରେ ଆୟୋଜିତ ହେବା କୁ ଥିବା ଆଗାମୀ  ହକି ବିଶ୍ୱକପ ପାଇଁ ରାଜ୍ୟ ସରକାରଙ୍କ ନିର୍ଦ୍ଧେଶ କ୍ରମେ ସାରା ରାଜ୍ୟ ରେ ସବୁ ଜ଼ିଲ୍ଲାରେ ଉତ୍ସବର ମାହୋଲ ସୃଷ୍ଟି ହୋଇ ଥିବା ବେଳେ ଗତ କାଲି ସନ୍ଧ୍ୟା ରେ ସୁବର୍ଣ୍ଣପୁର ଜ଼ିଲ୍ଲା ରେ ମଧ୍ୟ ଜ଼ିଲ୍ଲା ପ୍ରଶାସନ ପକ୍ଷରୁ ଜ଼ିଲ୍ଲାପାଳଙ୍କ ଅଧ୍ୟକ୍ଷତା ରେ ଏକ ବର୍ଣ୍ଣlଢ୍ୟ ପରିବେଶ ରେ ସାମ୍ବାଦିକ ସମ୍ମିଳନୀ ର ଆୟୋଜନ କରାଯାଇଥିଲା l  ହକି ଖେଳ ପ୍ରତି ଲୋକଙ୍କ ଆଗ୍ରହ  ବଢାଇବା ପାଇଁ, ଜ଼ିଲ୍ଲା ର ହକି ଖେଳାଳୀଙ୍କୁ ଉତ୍ସାହିତ କରିବା ପାଇଁ ଓ ଏହା କୁ ଲୋକାଭିମୁଖୀ କରିବାକୁ ସହର ର ଇଷ୍ଠ ଦେବ ଙ୍କ ନାଁ ରେ ନାମିତ ଥିବା ଏହି ସୁବର୍ଣ୍ଣପୁର କୁ ବଡ଼ ବଡ଼ ହୋଡିଙ୍ଗ ରେ କାନ୍ଥ ବାଡ଼ ସବୁଆଡେ ହକିପୁର ଲେଖି ଦେଇଛି l ଯା ଫଳରେ କି  ଆଜି ଏହା ର ବିରୋଧ ର ଶମ୍ବୁଖୀନ ହୋଇ ପ୍ରଶାସନ ର ହକି ନିଶା ଜୋସ ର ହୋସ ଉଡିଯାଇଛି l ଆଜି ସ୍ଥାନୀୟ ବୁଦ୍ଧିଜୀବୀ ତଥା ଏଡଭୋକେଟ ବଳଦେବ ବେଦବାକ ଙ୍କ ନେତୃତ୍ୱ ରେ ସହର ର ସଚେତନ ନାଗରିକ ଏହା କୁ ବିରୋଧ କରି ଜ଼ିଲ୍ଲାପାଳ ଙ୍କ ଅଫିସ ଆଗରେ ଏହାର ପ୍ରତିବାଦ କରିଛନ୍ତି l ଏବଂ ହକିଖେଳ କୁ ସ୍ୱାଗତ କରୁଛୁ କିନ୍ତୁ ସୁବର୍ଣ୍ଣପୁର କୁ ହକିପୁର ଲେଖିବାକୁ  ଏ ହକ କିଏ ଦେଲା ଜ଼ିଲ୍ଲା ପ୍ରଶାସନ କୁ ବୋଲି  ଶ୍ରୀ ବେଦବାକ ପ୍ରଶ୍ନ କରିଛନ୍ତି l ଏବଂ ଯଦି  ପ୍ରକୃତ ରେ ଜ଼ିଲ୍ଲାବାସୀ ଙ୍କ ପ୍ରତି  ଜ଼ିଲ୍ଲା ପ୍ରଶାସନ ଓ ଜନ ପ୍ରତିନିଧି ଙ୍କ

ଦରଦ ଅଛି ତାହେଲେ ଶିକ୍ଷା ସ୍ୱାସ୍ଥ୍ୟ ଓ କୃଷି  କ୍ଷେତ୍ରରେ ଦ୍ରୁତ ବିକାଶ କର,  ସ୍ପିନିଙ୍ଗ ମିଲ ର ପୁନଃରୁଦ୍ଧାର କର, ଓ ଶହ ଶହ ନୂତନ ଶିଳ୍ପାନୁଷ୍ଠାନ ଗଢ଼ି ତୁରନ୍ତ ସୁବର୍ଣ୍ଣପୁର ଜ଼ିଲ୍ଲା ର ଘରେ ଘରେ ଶିଳ୍ପପୁର ଲେଖ ବୋଲି ଶ୍ରୀ ବେଦବାକଙ୍କ ସମେତ ସଚେତନ ନାଗରିକ ଆହ୍ୱାନ କରିଛନ୍ତି ଏବଂ ଚ୍ୟାଲେଞ୍ଜ  ମଧ୍ୟ କରିଛନ୍ତି l ଏବଂ ଏଭଳି ମହୋତ୍ସବ ର  ପ୍ରସ୍ତୁତି ଓ ଆୟୋଜନ ପୂର୍ବରୁ  ସହର ଓ ଜ଼ିଲ୍ଲା ର ବୁଦ୍ଧିଜୀବୀ ଙ୍କୁ ଅଣଦେଖା କରିବା କୁ ଦୃଢ଼ ନିନ୍ଦା କରିଛନ୍ତି l