22-Dec-2022

ବିନିକା(ହିମାଂଶୁ ଶେଖର ପୁଟେଲ)ବିନିକା ସିଦ୍ଧାର୍ଥ ଡିଗ୍ରୀ କଲେଜ ଜାତୀୟ ସେବା ଯୋଜନା ତରଫରୁ ସ୍ଥାନୀୟ ଜବଦା ଗ୍ରାମ ଠାରେ ସାତଦିନିଆ ଶୀତକାଳୀନ ଶିବିର ଆଜିଠାରୁ ଆରମ୍ଭ  ହୋଇଛି । ସେବା ଯୋଜନା ର ପ୍ରୋଗ୍ରାମ ଅଧିକାରୀ ଅଧ୍ୟାପକ ହରିଶ୍ଚନ୍ଦ୍ର ହୋତାଙ୍କ ପରିଚାଳନାରେ ଅନୁଷ୍ଟିତ ଏହି ଶିବିରକୁ ଅଧ୍ୟକ୍ଷ ଡ. ଧୀରେନ୍ଦ୍ର କୁମାର ନାୟକ ଉଦ୍ଘାଟନ କରିଥିଲେ ।ଏଥିରେ ମୁଖ୍ୟ ଅତିଥି ଭାବେ ଇଂରାଜୀ ଅଧ୍ୟାପକ ବାଣୀ ପ୍ରସାଦ ବିଶ୍ଵାଳ, ମୁଖ୍ୟବକ୍ତା ଇତିହାସ ବିଭାଗ ମୁଖ୍ଯ ପ୍ରଧ୍ୟାପକ ଗୋପାଳ କ୍ରିଷ୍ଣ ଦାସ ଯୋଗଦେଇ ଭାଗନେଇଥିବା ସ୍ବେଚ୍ଛାସେବୀ ମାନଙ୍କୁ ଉତ୍ସାହିତ କରିଥିଲେ ।ଏହି ଅବସରରେ ବରଗଡ଼ ବିକାଶ ଡିଗ୍ରୀ ମହାବିଦ୍ୟାଳୟରେ ଅନୁଷ୍ଠିତ ହେଉଥିବା ଜାତୀୟ ସେବାଟ୍ରେନିଂ ପ୍ରୋଗ୍ରାମରେ 
ପ୍ରତିନିଧିତ୍ଵ କରିଥିବା ୫ଜଣ ଛାତ୍ରଙ୍କୁ ସମ୍ବର୍ଦ୍ଧିତ କରାଯାଇଥିଲା। ଶେଷରେ ସଂସ୍କୃତ ଅଧ୍ୟାପକ ସାଧୁ ଚରଣ ସାହୁ ଧନ୍ୟବାଦ ଦେଇଥିଲେ ।ଅଧ୍ୟାପକ ମାନସ ରଞ୍ଜନ ମିଶ୍ର,ଭଗବାନ ସାହୁ,ବିଶ୍ଵନାଥ ମିଶ୍ର,ଅଧ୍ୟାପିକା ମିତାଳି ପ୍ରଧାନ,ବିଘ୍ନେଶ୍ୱରୀ ପୂଜାରୀ,ଜାନକୀ ସାମନୀ,ଦୀପ୍ତିରାଣୀ ସ୍ୱାଇଁ ପ୍ରମୁଖ କାର୍ଯ୍ୟକ୍ରମରେ ସହଯୋଗ କରିଥିଲେ ।