25-Aug-2022

ବିନିକା(ହିମାଂଶୁ ଶେଖର ପୁଟେଲ) ପଶ୍ଚିମ ଓଡ଼ିଶାର ମହାନ ଗଣପର୍ବ ନୂଆଁଖାଇ ଭେଟଘାଟ ସାଂସ୍କୃତିକ କାର୍ଯ୍ୟକ୍ରମ ଗତ ଦୁଇ ବର୍ଷ ଧରି ମହାମାରୀ କରୋନା ଯୋଗୁଁ ବନ୍ଦ ରହିଥିଲା ଯାହା ଫଳରେ କି ଲୁକ୍କାଜିତ ପ୍ରତିଭାଙ୍କ ଘୁଙ୍ଗୁର ଶବ୍ଦ ଦେଖିବାକୁ ମିଳି ନଥିଲେ ହେଁ ଚଳିତ ବର୍ଷରେ ନିଖୁଣ କଳାକାରଙ୍କ ପାଦର ଘୁଙ୍ଗୁର ଖୋଲାମଞ୍ଚରେ ଦୂଳକିବାକୁ ଯାଉଥିବାରୁ ସାରା ଫୁଲମୁଠି ଗ୍ରାମବାସୀ ମହଲରେ ଉତ୍ସାହର ବାତାବରଣ ସୃଷ୍ଟି କରିଛି। ଛୋଟ ଠାରୁ ବଡ ପର୍ଯ୍ୟନ୍ତ ସବୁଆଡେ ଚର୍ଚ୍ଚା ପ୍ରତିଭାଙ୍କ ନାଚ ଦେଖିବା ପାଇଁ ।ସେଥିପାଇଁ ଆୟୋଜକ ଆଜାଦ ୟୁଥ କ୍ଳବର ସଦସ୍ୟ ମାନଙ୍କ ଦ୍ଵାରା ପ୍ରସ୍ତୁତି ଜୋରଦାର ଆରମ୍ଭ ହୋଇଛି । କ୍ଲବ ସଭାପତି ଆନନ୍ଦ କୁମାର ହୋତାଙ୍କ ଅଧ୍ୟକ୍ଷତାରେ ଅନୁଷ୍ଟିତ ପ୍ରସ୍ତୁତି ବୈଠକରେ ସମ୍ପାଦକ ନୀଳାମ୍ବର ସାହୁ କାର୍ଯ୍ୟକ୍ରମର ରୂପରେଖ ଉପରେ ସୂଚନା

ପ୍ରଦାନ କରିଥିଲେ। ଖୋଲାମଞ୍ଚ ପେଣ୍ଡାଲରେ ଭେଟଘାଟ ସାଂସ୍କୃତିକ କାର୍ଯ୍ୟକ୍ରମକୁ ଆକର୍ଷଣୀୟ କରିବା ଏବଂ    ଲୋକଙ୍କ ମନକୁ ରାତି ତମାମ ବାନ୍ଧି ରଖିବା ପାଇଁ ଗ୍ରାମର କୁନି କୁନି ଶିଶୁ ମାନଙ୍କ ଦ୍ଵାରା ନାଚ,ଗୀତ ପରିବେଷଣ ସାଙ୍ଗକୁ ଗ୍ରୁବ୍ ଡ୍ୟାନସ ଆୟୋଜିତ ହୋଇ    ପ୍ରତିଭା ମାନଙ୍କୁ ସମ୍ମାନିତ କରାଯିବ । ଉତ୍ସାହ ଉଦ୍ଦୀପନାର ମହୋତ୍ସବ ନୂଆଁଖାଇ ଭେଟଘାଟ ପାଇଁ ସାଂସ୍କୃତିକ କାର୍ଯ୍ୟକ୍ରମର ଝଲକ ଗ୍ରାମକୁ ଉତ୍ସବ ମୁଖର କରିଛି ।