29-Oct-2021

ପଦ୍ମପୁର(ନିରଞ୍ଜନ ତ୍ରିପାଠୀ) : ବରଗଡ ଜିଲ୍ଲା ଓଡ଼ିଶାର ଭାତ ହାଣ୍ଡି ବୋଲାଉଥିବା ବେଳେ, ଭାତହାଣ୍ଡି ର ଅପରପଟ ର ଦୃଶ୍ୟ ଟି ଅତି କଦାକାର କୁତ୍ସିତ ଓ ଭୟଙ୍କର ଯାହାର ଜ୍ୱଳନ୍ତ ପ୍ରମାଣ ଚଳିତ ବର୍ଷ ୨୦୨୧ ମହିହାର ଖରିଫ ଫସଲ ର ମରୁଡି lରାଜବୋଡାସମ୍ବର ପଦ୍ମପୁର ଅଞ୍ଚଳ ଖାଲି ଚଳିତ ବର୍ଷ ର ମରୁଡି କୁ ସାମ୍ନା କରୁଛି ତାହା ନୁହେଁ ବିଗତ ୧୦ବର୍ଷ ଅର୍ଥାତ୍ ୨୦୧୦-୧୧(ଅମଳ ଧାନ ଅଦିନିଆ ବର୍ଷା ରେ ସମ୍ପୁର୍ଣ୍ଣ ଭାବେ ନଷ୍ଟହେବା)୨୦୧୫,୨୦୧୮ ଏମିତି ୧୦ ବର୍ଷରେ ଚାରି ରୁ ପାଞ୍ଚବର୍ଷ ଏ ଅଞ୍ଚଳରେ ମରୁଡି ହେବାର ଇତିହାସ ତାର ମୁକସାକ୍ଷୀ lଆହୁରି ଏଇ ଅଞ୍ଚଳ ର ୭୫ ଭାଗ ଲୋକ କୃଷିଜିବୀ ଏବଂ ଧାନ ହେଉଛି ଏମାନଙ୍କ ମୁଖ୍ୟ ଫସଲ lତେଣୁ ଧାନ ବିକ୍ରି ପଦ୍ମପୁର ଅଞ୍ଚଳ ପାଇଁ ଏକ ଗୁରୁତ୍ବପୂର୍ଣ୍ଣ ପ୍ରସଙ୍ଗ lଏମିତି ଏକ ସମ୍ବେଦନଶୀଳ ପ୍ରସଂଗ ଯାହାକି  ଏ ଅଞ୍ଚଳର ଚାଷୀମାନଙ୍କ ଅର୍ଥନୀତି  ସହ ଜଡ଼ିତ ସେଇ ପ୍ରସଙ୍ଗ ର ଡି.ଏଲ.ପି.ସି ମିଟିଙ୍ଗ ଏକ ରୁଦ୍ଧଦ୍ୱାର କୋଠରୀ ଭିତରେ ମୁଷ୍ଟିମେୟ ଲୋକଙ୍କୁ ନନେଇ ଏକ ଖୋଲା ପଡ଼ିଆରେ ସିଧାସଳଖ ଚାଷୀମାନଙ୍କ ସହ ଧାନବିକ୍ରି ସମ୍ବନ୍ଧୀତ ସମସ୍ତ ବିଭାଗ ର ମୁଖିଆ ଙ୍କୁ ନେଇ ପଦ୍ମପୁର ଠାରେ ହିଁ ଆଲୋଚନା କରାଯାଉ  ବୋଲି ରାଜବୋଡାସମ୍ବର କୃଷକ ସଂଗଠନ ପକ୍ଷରୁ ଆବାହକ ଅଶୋକ କୁମାର ସାହୁ ଦୃଢ଼ ଦାବୀ କରିଛନ୍ତି lଆଲୋଚନା ରେ ସମ୍ପୁର୍ଣ୍ଣ ଶୃଙ୍ଖଳା ଏବଂ କୋଭିଡ କଟକଣା ର ନିୟମାନୁଯାଇ,

ଜିଲ୍ଲା ପ୍ରଶାସନ କୁ ସମ୍ପୂର୍ଣ୍ଣ ସହଯୋଗ କରିବାକୁ ପ୍ରତିଶ୍ରୁତିବଦ୍ଧ ଅଟନ୍ତି lବରଗଡ ଜିଲ୍ଲା ପ୍ରଶାସନ ଏହି ଦାବୀକୁ ଗମ୍ଭୀରତା ର ସହ ବିଚାର କରି ପଦ୍ମପୁର ସ୍ତରରେ ଏକ ଡି.ଏଲ୍.ପି.ସି ମିଟିଙ୍ଗ ର ଆୟୋଜନ କରିବାକୁ ଅନୁରୋଧ କରିଛନ୍ତି lଧାନ କିଣାବିକା ନିତୀ ନିୟମାନୁସାରେ ଖରିଫ ଧାନ ସଂଗ୍ରହ ନଭେମ୍ବର ୧ ତାରିଖ ରୁ ଆରମ୍ଭ ହେବାକଥା lପଦ୍ମପୁର ଅଞ୍ଚଳ ର ଶତକଡା ୩୦ %ଫସଲ ଅମଳ ହୋଇସାରିଲାଣି lକରୋନା ମହାମାରୀ ଏବଂ ମରୁଡି ଦାଉରୁ ଉପାର୍ଜିତ ଧାନ ଅଣ୍ଡରରେଟ ରେ ବିକ୍ରି ନହେଉ ଏଥିପାଇଁ ନଭେମ୍ବର ୧ ତାରିଖ ରୁ ପଦ୍ମପୁର ଅଞ୍ଚଳ ରେ ଧାନ କିଣା ପ୍ରକ୍ରିୟା ଆରମ୍ଭ କରିବାପାଇଁ ଚାଷୀ ଭାଇମାନେ ଦାବି କରନ୍ତି l