19-Aug-2021

ବୀରମହାରାଜପୁର,ମୁର୍ଷୁଣ୍ଢି(ଆର୍ତ୍ତତ୍ରାଣ ଖୁର୍ଡିଆ): ସୋନପୁର ଜିଲ୍ଲା ବୀରମହାରାଜପୁର ବ୍ଳକ କେନଝିରିଆପାଲି ପଞ୍ଚାୟତର କେନଝିରିଆପାଲି ଗ୍ରାମର ଘୁଙ୍ଗି ନାଳ(ଜୋର) ଖଣିରେ ସନ୍ଥ ଘୁଙ୍ଗାନନ୍ଦ ପୂରିଜୀ ମହାରାଜଙ୍କ ଦ୍ୱାରା ପ୍ରାୟ ୧୯୯୨-୯୪ ମସିହାରେ ଅବସ୍ଥାପିତ ହୋଇଛି ହରେକୃଷ୍ଣ ପ୍ରେମାନନ୍ଦ ଯୋଗାଶ୍ରମ।ଦିନ ଥିଲା ଏ ପବିତ୍ର ସ୍ଥାନ ମଶାଣି ଭୂଇଁ ହୋଇ ନିଘଞ୍ଚ ଜଙ୍ଗଲରେ ପରିପୂର୍ଣ୍ଣ ଥିଲା।ହେଲେ ବର୍ତ୍ତମାନ ଏହା ସୋନପୁର ଜିଲ୍ଲାର ଏକ ଆକର୍ଷଣୀୟ ଦର୍ଶନୀୟ ସ୍ଥାନରୁ କମ୍ ନୁହେଁ।କାରଣ ଏ ସ୍ଥାନଟି ବର୍ତ୍ତମାନ ପାଲଟିଛି ଏକ ସ୍ଥାନ ହେଲେ ଚର୍ତୁଃ ଦେବ ଦର୍ଶନ  ଅର୍ଥାତ ଚାରି ପ୍ରଭୂଙ୍କ ଦର୍ଶନ ସଙ୍ଗେ ଦେବୀ ଭୈରବୀଙ୍କ ମଧ୍ୟ ଦର୍ଶନ କରିପାରିବେ।ଜ୍ଞାନେଶ୍ୱର ମନ୍ଦିର,ରାଧାକୃଷ୍ଣ ମନ୍ଦିର,ହନୁମାନ ମନ୍ଦିର,ଭୈରବୀ ମନ୍ଦିରଓ ଦ୍ୱାଦଶ ଜ୍ଯୋତିର୍ଲିଙ୍ଗ ଏମିତି ପଞ୍ଚ ଦେବ,ଦେବୀଙ୍କ ମନ୍ଦିରର ସମାହାର ଏଇ ହରେକୃଷ୍ଣ ପ୍ରେମାନନ୍ଦ ଯୋଗାଶ୍ରମ।ସୁଦୂର ଅମରପାଲିରୁ ବହି ଆସିଥିବା ଘୁଙ୍ଗି ନାଳ ରୂପକ ତଟିନୀ ଜ୍ଞାନେଶ୍ୱର ମହାଦେବଙ୍କ ପୟୋଧୌତ କରୁଥିବା ବେଳେ ଏଠାରେ ଲାଗିଥିବା ଆମ୍ବବଣ ଦର୍ଶକଙ୍କୁ ଆକର୍ଷିତ କରେ।ପ୍ରତିବର୍ଷ ଏହଠାରେ ମହାଆଡମ୍ବରରେ  ବୋଲବମ ପର୍ବ ପାଳିତ ହୁଏ,ରାକ୍ଷୀ ପୂର୍ଣ୍ଣିମାରେ ଜ୍ଞାନେଶ୍ୱର ବୋଲବମ ସଂଘ ଦ୍ୱାରା ମହାଉତ୍ସବ ପାଳନ କରାଯାଏ।ଶିବରାତ୍ରୀ ବା ମହାଜାଗର ଯାତ୍ରାର ରାତ୍ରୀ ଆଲୁଅରେ ଏ ଅଞ୍ଚଳ ଝଲସି ଉଠେ ପାଖାପାଖୀ ତିନ,ଚାରି ହଜାର ଭକ୍ତଙ୍କର ସମାଗମ ହୁଏ।ଦୁଃଖର ବିଷୟ ଏହା ଯେ ବର୍ତ୍ତମାନ ପର୍ଯ୍ଯନ୍ତ କୌଣସି ସରକାରୀ ସହାୟତା ବିନା ଏହା ସ୍ଥାନୀୟ ଗ୍ରାମବାସୀ ଓ ଲୋକଙ୍କ ସହାୟତାରେ ଅଗ୍ରଗତି କରିଥିବା ମହାରାଜ ଘୁଙ୍ଗାନନ୍ଦ ପ୍ରକାଶ କରିବା ସ୍ଥାନୀୟ ଜନତାଙ୍କୁ ପ୍ରଶଂସାରେ ପୋତି ଦେଇଛନ୍ତି।