08-Aug-2021

ସୋନପୁର(ମନୋରଞ୍ଜନ ତ୍ରିପାଠୀ): ଗତ କାଲି ବଲାଙ୍ଗୀର ରାଜେନ୍ଦ୍ର ବିଶ୍ୱ ବିଦ୍ୟାଳୟର ଏକ  ଉଚ୍ଚସ୍ତରୀୟ କମିଟି ସୋନପୁର କଲେଜର  ଭିତ୍ତିଭୂମି, ଅଧ୍ୟାପନା ଓ ଶିକ୍ଷାଦାନର ପ୍ରଣାଳୀ, ପାଠ୍ୟ ଖସଡ଼ା, ପରୀକ୍ଷା ପରିଚାଳନା, ଲାଇବ୍ରେରୀ, ପରୀକ୍ଷାଗାର ପରିଚାଳନା, ଆକାଉଣ୍ଟସ କାର୍ଯ୍ୟର ଶୁଦ୍ଧତା,ଏନ. ଏସ- ଏସ,  ଏନ.ସି. ସି  ସମେତ କଲେଜର ବହୁବିଧ କାର୍ଯ୍ୟକ୍ରମ ସବୁ ନିରୀକ୍ଷଣ ଓ ଅନୁଧ୍ୟାନ କରିବାକୁ ସୋନପୁର କଲେଜ ପରିଦର୍ଶନ କରି ଥିଲେ l ଏହି ନବ ଗଠିତ କମିଟିରେ ବିଶ୍ୱ ବିଦ୍ୟାଳୟ ଅଧ୍ୟକ୍ଷ ତଥା ପ୍ରଫେସର ଅକ୍ଷୟ କୁମାର ମିଶ୍ର, ଲୋକାଲ ଏକଜାମ କଣ୍ଟ୍ରୋଲର ସୁବ୍ରତ କୁମାର ପଣ୍ଡା, ବରିଷ୍ଠ କିରାଣୀ ରଥ ଭୋଇ, ସୋନପୁର କଲେଜ ପରିସରର ଶୈକ୍ଷିକ ବାତାବରଣ ଓ ବିଭିନ୍ନ ଦିଗ ଉପରେ ପୁଙ୍ଖlନୁପୁଙ୍ଖ ଆଲୋଚନା କରି ପ୍ରଶଂସା କରିଥିଲେ l କଲେଜ ସହ ଚୁକ୍ତି, ସ୍ୱୀକୃତି ତଥା ଅନ୍ୟାନ୍ୟ ନଥି ପତ୍ରକୁ ଯାଞ୍ଚ କରିବା ସହିତ ଏଠାରେ ରାଜେନ୍ଦ୍ର ବିଶ୍ୱ ବିଦ୍ୟାଳୟର ଏକ ପରୀକ୍ଷା ଭେଲୁଏସନ ସେଣ୍ଟର କରାଯିବାକୁ ପ୍ରସ୍ତୁତି ଓ ପ୍ରତିଶୁତି ଦେଇଥିବା ସୂଚନା ମିଳିଛି l ଏହି ଗସ୍ତ ସମୟରେ ସୋନପୁର କଲେଜ ଅଧ୍ୟକ୍ଷ ରାଜୀବ ଲୋଚନ ଆଚାର୍ଯ୍ୟ, ପ୍ରଧ୍ୟାପକ ସ୍ୱରୂପ କୁମାର ପାଣିଗ୍ରାହୀ , ଡେମୋନଷ୍ଟ୍ରେଟର ଦୁର୍ଯ୍ୟନି ସାହୁ, ପ୍ରଫୁଲ୍ଲ ନାଏକଙ୍କ ସମେତ ସମସ୍ତ ଅଧ୍ୟାପକ ଅଧ୍ୟାପିକା  ଓ କର୍ମଚାରୀ ଉପସ୍ଥିତ ରହି ଖୁବ ଉତ୍ସାହର ସହିତ  ଏହି ବିଶ୍ୱ ବିଦ୍ୟାଳୟ  କମିଟିକୁ ଭବ୍ୟ ସମ୍ବର୍ଦ୍ଧନା ଜ୍ଞାପନ କରିଥିଲେ l