07-Aug-2021

ବୀରମହାରାଜପୁର (ବିନୋଦ ପାଣ୍ଡେ ) : ସୁବର୍ଣ୍ଣପୁର ଜିଲ୍ଲା ବୀରମହାରାଜପୁର  ଉପଖଣ୍ଡ ପ୍ରଶାସନ ତରଫରୁ ଉପଖଣ୍ଡ ସଦର ମହକୁମା ଠାରେ ସ୍ୱାଧୀନତା ଦିବସ-୨୦୨୧ପାଳନ ନିମନ୍ତେ  ଉପ ଜିଲ୍ଲାପାଳ ଶ୍ରୀ ଅଶୋକ କୁମାର  ଭୋଇ  ଙ୍କ ଅଧ୍ୟକ୍ଷତାରେ  ପ୍ରସ୍ତୁତି ବୈଠକ ଉପ ଜିଲ୍ଲାପାଳଙ୍କ କାର୍ଯ୍ୟାଳୟରେ ଅନୁଷ୍ଠିତ ହୋଇ ଯାଇଛି।  ପ୍ରାରମ୍ଭରେ ଉପ ଜିଲ୍ଲାପାଳ  ଶ୍ରୀ ଭୋଇ  ସମସ୍ତଙ୍କୁ ସ୍ବାଗତ କରି ପ୍ରାରମ୍ଭିକ ସୂଚନା ଦେଇଥିଲେ | ଭାରପ୍ରାପ୍ତ ଉପଖଣ୍ଡ ସୂଚନା ଓ ଲୋକସମ୍ପର୍କ ଅଧିକାରୀ ଶ୍ରୀ ବିଦ୍ୟାପତି ପଣ୍ଡା ବିବରଣୀ ପାଠ କରିଥିଲେl ସ୍ବାଧୀନତା ଦିବସ ପାଳନ ଅବସରରେ ଭୋର ୦୪-୦୩ମି ରେ ବିଡିଓ ବୀରମହାରାଜପୁର ଙ୍କ ତତ୍ତ୍ଵାବଧାନରେ  ସହରରେ  ରାମଧୂନ ପରିବେଷଣ କରାଯିବ । ସକାଳ ଘଂ ୦୭-୩୦ରେ କୋଭିଡ ନିୟମ ମାନି ସମସ୍ତ ସରକାରୀ ଓ ଘରୋଇ ଅନୁଷ୍ଠାନରେ ଜାତୀୟ ପତାକା ଉତ୍ତୋଳନ ହେବ। ସକାଳ ଘ. ୯ .୧୫ମି ରେ ସ୍ଥାନୀୟ ବିଜୁ ପଟ୍ଟନାୟକ ମିନି ଷ୍ଟାଡିୟମରେ ଆନୁଷ୍ଠାନିକ ଭାବରେ ଉପଜିଲ୍ଲାପାଳ, ଉପଖଣ୍ଡ ଆରକ୍ଷୀ ଅଧିକ୍ଷକଙ୍କ ଉପସ୍ଥିତି ରେ ଜାତୀୟ ପତାକା ଉତ୍ତୋଳନ କରିବେ । ବୀରମହାରାଜପୁର ଉପଖଣ୍ଡର ର ବଛା ବଛା କୋଭିଡ୍  ଯୋଦ୍ଧା ମାନଙ୍କୁ ମଞ୍ଚରେ ସମ୍ମାନିତ କରାଯିବା କାର୍ଯ୍ୟକ୍ରମ ରହିଛି l କୋଭିଡ୍ କଟକଣା ଯୋଗୁଁ ଛାତ୍ରଛାତ୍ରୀ ପରେଡ୍‌ରେ ଅଂଶଗ୍ରହଣ କରିପାରିବେ ନାହିଁ କିମ୍ବା ସାଧାରଣ ଜନତାଙ୍କୁ ଉତ୍ସବସ୍ଥଳ କୁ ଯିବା ଉପରେ କଟକଣା ରହିଛି । କେବଳ ଆରକ୍ଷୀ ବାହିନୀ ଜାତୀୟ ପତାକା ତଥା ମୁଖ୍ୟ ଅତିଥିଙ୍କୁ ସମ୍ମାନ ପ୍ରଦର୍ଶନ କରିବେ । ।ଉକ୍ତ ଦିନ ମୁଖ୍ୟ ଅତିଥି ଙ୍କ ଦ୍ୱାରା ସ୍ଥାନୀୟ ଡାକ୍ତରଖାନା ପରିସରରେ ବୃକ୍ଷରୋପଣ କାର୍ଯ୍ୟକ୍ରମ  କରାଯିବ l   କୋଭିଡ୍ କଟକଣା ଯୋଗୁଁ ଚଳିତବର୍ଷ ସ୍ବାଧୀନତା ଦିବସ ପାଳନ ଉତ୍ସବକୁ  ସୀମିତ ସଂଖ୍ୟକ ବ୍ୟକ୍ତି, ଅନୁଷ୍ଠାନଙ୍କୁ ନିମନ୍ତ୍ରଣ କରାଯିବ l ଉପଖଣ୍ଡ ଆରକ୍ଷୀ ଅଧୀକ୍ଷକ , ତହସିଲଦାର ଉଲୁଣ୍ଡା, ଥାନା ଅଧିକାରୀ, ବୀରମହାରାଜପୁର, NCC ଅଧିକାରୀ ଏବଂ ଖେଳ ଶିକ୍ଷକ, ବୀରମହାରାଜପୁର ମହାବିଦ୍ୟାଳୟ ସମେତ ବିଭିନ୍ନ ବିଭାଗୀୟ ଅଧିକାରୀ, ଏହି ପ୍ରସ୍ତୁତି ବୈଠକରେ ଉପସ୍ଥିତ ଥିଲେ |