07-Aug-2021

କଳାହାଣ୍ଡି,(ତ୍ରିନାଥ ବେଶ୍ରା ସହ ସଞ୍ଜୀବ କୁମାର ଦାସ)
କଳାହାଣ୍ଡି ଜିଲ୍ଲା ଭବାନୀପାଟଣା ବ୍ଲକ ଅନ୍ତର୍ଗତ କୁଟ୍ରୁଖମାର ଠାରେ କଳାହାଣ୍ଡି ଜିଲ୍ଲା ଯୁବ ଯାଦବ ମହାସଭା ତରଫରୁ ୩୧ତମ ମଣ୍ଡଳ ଦିବସ ପାଳିତ ହୋଇଯାଇଛି। ଜିଲ୍ଲା ଯୁବ ଯାଦବ ମହାସଭା ସଭାପତି ଗୋବିନ୍ଦ ବନଛୋରଙ୍କ ଅଧ୍ୟକ୍ଷତାରେ ଆୟୋଜିତ ଉକ୍ତ ସମାରୋହରେ ଅତିଥି ଭାବେ ରାଷ୍ଟ୍ରୀୟ ପଛୁଆବର୍ଗ ମୋର୍ଚ୍ଚା ରାଜ୍ୟ ସଭାପତି ତଥା ଜିଲ୍ଲା ଯୁବ ଯାଦବ ମହାସଭାର ଉପଦେଷ୍ଟା ଜଗଦୀଶ ଯାଦବ ଓ ରାଷ୍ଟ୍ରୀୟ ପଛୁଆବର୍ଗ ମୋର୍ଚ୍ଚା କଳାହାଣ୍ଡି ଜିଲ୍ଲା ସମ୍ପାଦକ ତଥା କଳାହାଣ୍ଡି ଜିଲ୍ଲା ଯୁବ ଯାଦବ ମହାସଭା ଉପଦେଷ୍ଟା ଆଦିତ୍ୟ ହଂସ ଯାଦବ ଯୋଗଦେଇ ମଣ୍ଡଳ ଦିବସ ପାଳନର ତାତ୍ପର୍ଯ୍ୟ ଉପରେ ଆଲୋକପାତ କରିଥିଲେ।

ସାମାଜିକ ନ୍ୟାୟ ଏବଂ ସାମାଜିକ ପରିବର୍ତ୍ତନର ମହାନାୟକ ବିନ୍ଦେଶ୍ୱରୀ ପ୍ରସାଦ ମଣ୍ଡଳଙ୍କ କାର୍ଯ୍ୟଧାରା ସହ ଓବିସି ସଂରକ୍ଷଣ ଓ ଜାତି ଆଧାରିତ ଜନଗଣନା, ପଛୁଆ ବର୍ଗକୁ ଅବହେଳା, ମଣ୍ଡଳ କମିଶନକୁ ପୂର୍ଣ୍ଣ ଭାବେ ଲାଗୁ କରିବା ଆଦି ପ୍ରସଙ୍ଗ ଉପରେ ମଧ୍ୟ ଆଲୋଚନା ହୋଇଥିଲା। ଅଗଷ୍ଟ - ୭- ୧୯୯୦ ମସିହାରେ ବି.ପି.ସିଂ ପ୍ରଧାନ ମନ୍ତ୍ରୀ ତାଙ୍କ ମନ୍ତ୍ରୀମଣ୍ଡଳ ରେ ମଣ୍ଡଳ କମିଶନ ଲାଗୁ କରିବା ପାଇଁ ନିଷ୍ପତି ନେଇଥିଲେ।
ମଣ୍ଡଳ କମିଶନ କୁ ୩୧ ବର୍ଷ ବିତିଯାଥିଲେ ମଧ୍ୟ ପୂର୍ଣ୍ଣ ମାତ୍ରାରେ ମଣ୍ଡଳ କମିଶନ ଲାଗୁ ହୋଇ ନ ଥିବା ଆଲୋକପାତ କରିଥିଲେ।

କଳାହାଣ୍ଡି ଜିଲ୍ଲା ଯୁବ ଯାଦବ ମହାସଭା ଉପସଭାପତି ସୁନୀଲ କୁମାର ଧଙ୍ଗଡାମାଝୀ, ଡାକେଶ୍ବର ଲହଜଲ, ଜିଲ୍ଲା ଯୁବ ଯାଦବ ମହାସଭା କୋଷାଧ୍ୟକ୍ଷ ସନ୍ତୋଷ ବାଗ, ଜିଲ୍ଲା ଯୁବ ଯାଦବ ଗଣମାଧ୍ୟମ ସଂଯୋଜକ ସୁରଥ ହେର୍ଣ୍ଣା, ଲାଞ୍ଜିଗଡ଼ ବ୍ଲକ ଯୁବ ଯାଦବ ସଭାପତି ଡିଲେଶ କୁମାର ନାଗ, କେସିଙ୍ଗା ବ୍ଲକ ଯୁବ ଯାଦବ ମହାସଭା ସଭାପତି ଅଶୋକ ପୋଢ, ଧର୍ମଗଡ଼ ବ୍ଲକ ଯୁବ ଯାଦବ ସଭାପତି ଲବଣୀ ରାଉତ, ଜୁନାଗଡ ଏନ୍ଏସି ସଭାପତି କାଶିନାଥ ଘି, କୁଟ୍ରୁଖମାର ଆଞ୍ଚଳିକ ଯାଦବ ସଭାପତି କରୁଣା ଚଣ୍ଡିଙ୍କ ସମେତ ଯୁବ ଯାଦବ ଉତ୍ସବ ଚଲାନ ପ୍ରକାଶ ବନଛୋର ପ୍ରମୁଖ ଉପସ୍ଥିତ ଥିଲେ। ପଶ୍ଚିମ ଓଡ଼ିଶା ଯାଦବ ବିକାଶ ପରିଷଦ କଳାହାଣ୍ଡି ଜିଲ୍ଲା ସଭାପତି ତୁଳମଣି ନାଗ କାର୍ଯ୍ୟକ୍ରମ ସଂଯୋଜନା କରିଥିବାବେଳେ କଳାହାଣ୍ଡି ଜିଲ୍ଲା ଯୁବ ଯାଦବ ମହାସଭା ସାଧାରଣ ସମ୍ପାଦକ ଲିଙ୍ଗରାଜ ବେହେରା ଧନ୍ୟବାଦ ଅର୍ପଣ କରିଥିଲେ।