25-Jul-2021

ବଲାଙ୍ଗୀର(ପ୍ରେରଣା ଖବର) : ସ୍ଥାନୀୟ ପୃଥ୍ୱୀରାଜ ଉଚ୍ଚ ବିଦ୍ୟାଳୟ ରେ ଜିଲ୍ଲା ସ୍ତରୀୟ ବିଜ୍ଞାନ, ଗଣିତ, ପରିବେଶ ପ୍ରଦର୍ଶନୀ ତଥା ବିଜ୍ଞାନ ଆଲୋଚନାଚକ୍ର ଭର୍ଚୁଆଲ ମୋଡ଼ ରେ ଅନୁଷ୍ଠିତ ହୋଇଯାଇଛି । ଜିଲ୍ଲା ଶିକ୍ଷା ଅଧିକାରୀ ଧୁବ ଚରଣ ବେହେରା ମୁଖ୍ୟ ଅତିଥି ଭାବେ ଯୋଗଦେଇ ଆନୁଷ୍ଠାନିକ ଭାବେ ଉଦଘାଟନ କରିଥିଲେ । ଜିଲ୍ଲା ବିଜ୍ଞାନ ତତ୍ତ୍ୱାବଧାରକ ଶ୍ରୀଯୁକ୍ତ ସରୋଜ କୁମାର ନାୟକ କାର୍ଯକ୍ରମ କୁ ପରିଚାଳନା କରିବା ସହ ଆଜିର ଯୁଗରେ ବିଜ୍ଞାନ ର ଉପାଦେୟତା ସମ୍ପର୍କରେ ବକ୍ତବ୍ୟ ଉପସ୍ଥାପନ କରିଥିଲେ । ବିଜ୍ଞାନ କମିଟି ର ମୁଖ୍ୟ ଉପଦେଷ୍ଟା ଶ୍ରୀଯୁକ୍ତ ସନାତନ ଠାକୁର , ଅତିରିକ୍ତ ଜିଲ୍ଲା ଶିକ୍ଷା ଅଧିକାରୀ ଶ୍ରୀଯୁକ୍ତ କେଶବ ମେହେର , ପୃଥ୍ୱୀରାଜ ଉଚ୍ଚ ବିଦ୍ୟାଳୟ ର ପ୍ରଧାନ ଶିକ୍ଷକ ଶ୍ରୀମତୀ Santosini Sethi, ବଲାଙ୍ଗୀର ବ୍ଲକ୍ ଶିକ୍ଷା ଅଧିକାରୀ ଶ୍ରୀଯୁକ୍ତ ରାଘବ ପାଣିଗ୍ରାହୀ ଅତିଥି ଭାବେ ଯୋଗଦେଇ ବିଜ୍ଞାନ, ଗଣିତ ଏବଂ ପରିବେଶ ସମ୍ପର୍କରେ ସମ୍ୟକ୍ ଦିଗଦର୍ଶନ ଦେଇଥିଲେ । ବିଚାରକ ଭାବେ ସୋନପୁର ମହାବିଦ୍ୟାଳୟ ର ଅବସରପ୍ରାପ୍ତ ଅଧ୍ୟକ୍ଷ ପ୍ରାଧ୍ୟାପକ ତରୁଣ କୁମାର ମିଶ୍ର , ଡ. ବି.ଏନ. ଶ୍ରୀକାନ୍ତ , ରୋତ୍ ମହାବିଦ୍ୟାଳୟ ର ଅଧ୍ୟାପକ ଗତିକୃଷ୍ଣ ଯୋଶୀ ଓ ଅଧ୍ୟାପକ ରାଧେଶ୍ୟାମ ଯୋଶୀ ଯୋଗଦେଇ ଥିଲେ । ବିଜ୍ଞାନ ମେଳା ର ମୁଖ୍ୟ ବିଷୟ ' ପ୍ରଯୁକ୍ତି ବିଦ୍ୟା ଓ ଖେଳନା ' ତଥା ପାଞ୍ଚୋଟି ଉପ ବିଷୟ କୁ ଭିତ୍ତି କରି ଶିଶୁ ବିଜ୍ଞାନୀ ମାନେ ପ୍ରକଳ୍ପ ପ୍ରସ୍ତୁତି କରିଥିଲେ । ରାଜ୍ୟସ୍ତରୀୟ ବିଜ୍ଞାନ ମେଳା କୁ ସରକାରୀ ଉନ୍ନୀତ ଉଚ୍ଚ ବିଦ୍ୟାଳୟ ଆଇଁଳା ଚୁଆଁ ର ପ୍ରିୟା ନନ୍ଦ, ଉଚ୍ଚ ପ୍ରାଥମିକ ବିଦ୍ୟାଳୟ ଉଦେପୂର୍ ର ସ୍ନେହ କୁମ୍ଭାର , ବିନୋବା ଉଚ୍ଚ ବିଦ୍ୟାଳୟ ,ଛତାମଖନା ର ବିଜୟ ଲକ୍ଷ୍ମୀ ମିଶ୍ର , ଓଡ଼ିଶା ଆଦର୍ଶ ବିଦ୍ୟାଳୟ , ଭାଲୁମୁଣ୍ଡା ର ସଞ୍ଜନା ମେହେର , ପଞ୍ଚାୟତ ଉଚ୍ଚ ବିଦ୍ୟାଳୟ ନ ଗାଁ (ଖ) ର ମୌସୁମୀ ରାଣୀ ପ୍ରଧାନ ମନୋନୀତ ହୋଇଛନ୍ତି । ବିଜ୍ଞାନ ଆଲୋଚନାଚକ୍ର ରେ ଓଡ଼ିଶା ଆଦର୍ଶ ବିଦ୍ୟାଳୟ , ପଥରଚେପା , ବଲାଙ୍ଗୀର ଓମ୍ ଅମୃତ ମହାନ୍ତି ରାଜ୍ୟ ସ୍ତର କୁ ମନୋନୀତ ହୋଇଛନ୍ତି । ଏହି କାର୍ଯକ୍ରମ କୁ ଶିକ୍ଷକ ନୀଳମଣି ପଟେଲ, ଶିବ ପ୍ରସାଦ ତ୍ରିପାଠୀ, ଆନନ୍ଦ ବଡ଼ପଣ୍ଡା, ଅଶ୍ଵିନୀ ଷଡ଼ଙ୍ଗୀ, ଅନିଲ ନନ୍ଦ, ବିଶ୍ୱଜିତ୍ ପ୍ରଧାନ, ସୁନିଲ କୁମାର ବେହେରା ଓ କରୁଣା ଶା ସହଯୋଗ କରିଥିଲେ ।