25-Jul-2021

ବଲାଙ୍ଗିର (ପ୍ରେରଣା ଖବର) : ଆଜି ସନ୍ଧ୍ୟା ୫ ଟା ସମୟରେ ବଲାଙ୍ଗୀର ୟୁଥ ଅକ୍ସନ କମିଟି କାର୍ଯ୍ୟାଳୟରେ ସଭାପତି ଶ୍ରୀ ବିନୋଦ କୁମାର କାଲସାଏଙ୍କ ନେତୃତ୍ବରେ ସରକାରଙ୍କ ପ୍ରଧାନମନ୍ତ୍ରୀ ଆବାସ ଯୋଜନାରେ ପଶ୍ଚିମ ଓଡ଼ିଶା ପ୍ରତି ହୋଇଥିବା ଅନ୍ୟାୟ ପାଇଁ କୋସଲ ସ୍ବାଭିମାନ ପଦଯାତ୍ରା ପାଇଁ ଏକ ବୈଠକ ଅନୁଷ୍ଠିତ ହୋଇଥିଲା ।

ପ୍ରଧାନମନ୍ତ୍ରୀ ଆବାସ ଯୋଜନାରେ କେନ୍ଦ୍ର ସରକାର ୮ଲକ୍ଷ ୧୭ ହଜାର ଘର ଦେଇଥିବା ବେଳେ ରାଜ୍ୟ ସରକାର ପଶ୍ଚିମ ଓଡ଼ିଶା କୁ ୧୭୦୦ ଘର‌ ପ୍ରଦାନ କରିବା  ଓ ପଶ୍ଚିମ ଓଡ଼ିଶା ର ଅନେକ ଜିଲ୍ଲା କୁ ଆବାସ ଯୋଜନାରେ ବିଲକୁଲ ସାମିଲ ନ‌ କରିବା ଏହା ପଶ୍ଚିମ ଓଡ଼ିଶା ପ୍ରତି ବୈମାତୃକ ମନୋଭାବ ପୋଷଣ କରୁଥିବା ବାରି ହୋଇ ପଡ଼ୁଛି ଓ ଏହାକୁ ଦୃଢ଼ ନିନ୍ଦା କରାଯାଉଛି ଏବଂ କୋସଲ ଯୁବ ସମନ୍ୱୟ ସମିତି ପକ୍ଷରୁ ହେଉଥିବା କୋସଲ ସ୍ବାଭିମାନ ପଦଯାତ୍ରା କୁ ପୂର୍ଣ୍ଣ ସମର୍ଥନ କରିବା ସହ ବଲାଙ୍ଗୀର ରେ ସ୍ବାଗତ କରିବା ପାଇଁ ନିଷ୍ପତ୍ତି କରାଗଲା । ଆଜିର ଏହି ବୈଠକରେ ସଭାପତି ବିନୋଦ କୁମାର କାଲସାଏ,ରିଲୁ ରଥ, ରବି ଖମାରୀ, ପ୍ରଶାନ୍ତ ନାୟକ,ସୁମେସ ଡାଙ୍ଗ,ବଣ୍ଟୁ ବଗର୍ତ୍ତୀ, ରାଜେନ୍ଦ୍ର ସେଠୀ, ଶ୍ୟାମସୁନ୍ଦର ଗହିର,ରାଧୁ ଦିପ, ବିବେକ କୁମାର ପ୍ରମୁଖ ଉପସ୍ଥିତ ଥିଲେ ।