25-Jul-2021

ବଲାଙ୍ଗିର-(ପ୍ରେରଣା ଖବର)-ନାରୀ ସଂଗଠନ ସଂପୂର୍ଣ୍ଣ ପକ୍ଷରୁ ବଲାଙ୍ଗୀର ସନ୍ନିକଟ ଚନ୍ଦନଭାଟି ଗ୍ରାମରେ  ଥିବା ବୁଣାକାର ପରିବାର ମାନଙ୍କ ମଧ୍ୟରେ କରୋନା ସଚେତନତା କାର୍ଯ୍ୟକ୍ରମ କରାଯିବା ସହ ଗାଁ ର ମହିଳା ମାନଙ୍କୁ ଉତ୍ତମ ସ୍ୱାସ୍ଥ୍ୟ ଓ ପରିଛନ୍ନତା ଉପରେ ଅନୁଷ୍ଠାନର କର୍ମକର୍ତ୍ତା ମାନେ ବୁଝାଇଥିଲେ । ବୁଣାକାର ଭାଇ ମାନଙ୍କୁ କିପରି ସରକାରୀ ସହାୟତା ପ୍ରଦାନ କରାଯାଇପାରିବ ଓ ସେମାନଙ୍କର ଉତ୍ପାଦିତ ବସ୍ତ୍ର ବଜାରରେ ବିକ୍ରି ହୋଇପାରିବ, ସେ ନେଇ ଆଲୋଚନା କରାଯାଇଥିଲା । କରୋନାର ଦ୍ୱିତୀୟ ଲହରରେ ଚନ୍ଦନଭାଟି ଗ୍ରାମରେ ଆକ୍ରାନ୍ତଙ୍କ ସଂଖ୍ୟ ଶୁନ୍ ରହିଥିବା ଜଣାପଡିଥିଲା । ସଂପୂର୍ଣ୍ଣର ସଭାନେତ୍ରୀ ସନ୍ତୋଷୀ ମେହେର, ସଂପାଦିକା ରଶ୍ମୀ ପାତ୍ର, ଯୁଗ୍ମ ସଂପାଦିକ ନଳିନୀପ୍ରଭା ଶତପଥୀ, କୋଷାଧ୍ୟକ୍ଷ ସଂଜଳୀ ଶତପଥୀ, ମମତା ବେହେରା, ସବିତା ମେହେର ପ୍ରମୁଖ ଏହି ସଚେତନତା କାର୍ଯ୍ୟକ୍ରମରେ ଅଂଶଗ୍ରହଣ କରିଥିଲେ । ବୁଣାକାରା ମାନଙ୍କ ବିଭିନ୍ନ ବୃତ୍ତିଗତ ସମସ୍ୟା ଓ ଏହାର ସମାଧନ ଦିଗରେ ସଂପୂର୍ଣ୍ଣା ସଂଗଠନ ସବୁବେଳେ କାର୍ଯ୍ୟ କରିବ ବୋଲି ଅନୁଷ୍ଠାନ ତରଫରୁ କୁହାଯାଇଛି ।