03-Jul-2021

ବିନିକା (ହିମାଂଶୁ ଶେଖର ପୁଟେଲ) :ବଲାଙ୍ଗୀର ଜିଲ୍ଲା କୋଶଳେଶ୍ୱର ମାଳୀ ସମାଜ ପୂର୍ବତନ ସଭାପତି ତଥା ଉପବିଧି କାର୍ଯ୍ୟନିର୍ବାହୀ ପ୍ରକାଶକ କଣ୍ଟାବାଞ୍ଜିର ହରିହର ପୁଟେଲ(୮୦)ଙ୍କ ଦେହାନ୍ତ ହୋଇଯାଇଛି l ସେ ଜଣେ ଧର୍ମପରାୟଣ ବ୍ୟକ୍ତି ଭାବରେ କାର୍ଯ୍ୟ କରିବା ସହିତ ଜିଲ୍ଲା ସ୍ତରରେ ବିବାହ ପଞ୍ଜିକରଣ,ନାରୀ ସଶକ୍ତକରଣ,ସମଗ୍ର ପଶ୍ଚିମ ଓଡ଼ିଶାର ମlଲିବନ୍ଦୁ ମାନଙ୍କ ଭାବ ଓ ଘନିଷ୍ଠ ପ୍ରବର୍ତ୍ତକ ଥିଲେ l ଏହା ବ୍ୟତୀତ କଣ୍ଟାବାଞ୍ଜି ବିଜ୍ଞାପିତ ପରିଷଦ ର କାଉନସିଲର ଭାବେ ଦାୟିତ୍ଵ ତୁଲାଇ ବହୁ ଉନ୍ନୟମୂଳକ କାର୍ଯ୍ୟ କରି ଲୋକଙ୍କ ପ୍ରୀୟଭାଜନ ହୋଇଥିଲେ l ସେହିପରି କୁହିବାହାଳ ଗ୍ରାମ ପଞ୍ଚାୟତର ନାଏକ ସରପଞ୍ଚ ମଧ୍ୟ ଥିଲେ l ଅନ୍ୟ ପକ୍ଷରେ କଣ୍ଟାବାଞ୍ଜି ବି ଡିସିସି ବ୍ୟାଙ୍କର ବୋର୍ଡ଼ ଡାଇରେକ୍ଟର ରହି ଚାଷ ଓ ଚାଷୀର ଉନ୍ନତି ପାଇଁ ଲଢେଇ କରିଥିଲେ l ସମାଜସେବା କ୍ଷେତ୍ରରେ ଅନେକ ଜନହିତକର କାର୍ଯ୍ୟ ତୁଲାଇବା ସହ ଅନେକ ପଦକ୍ଷେପ ମଧ୍ୟ ନେଇ ସଫଳ ହେଉଥିବାରୁ ଅଞ୍ଚଳର ସବୁ ବର୍ଗର ଲୋକଙ୍କ ଠାରୁ ପ୍ରଶଂସାର ପାତ୍ର ହୋଇଥିଲେ l 

ମାଳୀ ସମାଜକୁ ଏକତ୍ରିତ ଓ ଉନ୍ନତି ପାଇଁ ଜଣେ ଜାଗ୍ରତ ପ୍ରହରୀ ଭାବେ ଦକ୍ଷତାର ସହ କାର୍ଯ୍ୟ ନିର୍ବାହ କରିଆସୁଥିଲେ l ବଲାଙ୍ଗୀର ଜିଲ୍ଲା କୋଶଳେଶ୍ୱର ମାଳୀ ସମାଜର ସଭାପତି ଏବଂ ରାଜ୍ୟସ୍ତରରେ ସଦସ୍ୟ ଭାବେ କାର୍ଯ୍ୟ ନିର୍ବାହ କରିଥିଲେ l ତାଙ୍କର ୨ପୁଅ ଓ ବୋହୂ,ନାତି,ନାତୁଣୀ  ଥିବା ବେଳେ ବଡ଼ପୁଅ ଶେଷଦେବ ପୁଟେଲ ମୂଖାଗ୍ନି ପ୍ରଦାନ କରିଥିଲେ l ତାଙ୍କ ପରଲୋକରେ ଅଞ୍ଚଳ ତଥା ମାଳୀ ସମାଜରେ ଶୋକର ଲହରୀ ଖେଳିଯାଇଛି l