22-Feb-2021

ବଲାଙ୍ଗୀର,(ପ୍ରେରଣା ଖବର)- ଆଜି ବଲାଙ୍ଗୀର ଜିଲ୍ଲା ଓକିଲ ସଂଘର ସାଧାରଣ ପରିଷଦ ବୈଠକ ସ୍ଥାନୀୟ ସିଭିଲ କୋର୍ଟ ବାର୍ ହଲ୍ ଠାରେ ଅନୁଷ୍ଠିତ ହୋଇଥିଲା । ଆସନ୍ତା ମାର୍ଚ୍ଚ 27 ତାରିଖ ଜିଲ୍ଲା ଓକିଲ ସଂଘର କର୍ମକର୍ତ୍ତା ନିର୍ବାଚନକୁ ସୁଚାରୁ ରୂପେ ପରିଚାଳନା କରିବା ପାଇଁ ସର୍ବସମ୍ମତିକ୍ରମେ ଏଡଭୋକେଟ ଅରବିନ୍ଦାକ୍ଷ ପୂଜାରୀଙ୍କୁ ନିର୍ବାଚନ ଅଫିସର ଭାବେ ମନୋନୀତ କରାଯାଇଥିଲା । ରାଜ୍ୟ ବାର୍ କାଉନସିଲର ଗାଇଡ୍‌ଲାଇନ୍ କୁ ପାଳନ ପୂର୍ବକ ଆସନ୍ତା ନିର୍ବାଚନ ଅନୁଷ୍ଠିତ ହେବ ବୋଲି ଜଣାପଡିଛି । ତେବେ କରୋନା ମହମାରୀର ଦ୍ୱିତୀୟ ଲହରୀର ଆଶଙ୍କାକୁ ଦୃଷ୍ଟିରେ ରଖି ଆସନ୍ତା ମାର୍ଚ୍ଚ ୧୫ ତାରିଖ ପର୍ଯ୍ୟନ୍ତ କାର୍ଯ୍ୟବନ୍ଦ ଜାରି ରହିବ ବୋଲି ସ୍ଥିର ହୋଇଛି । 
  ଗତ କିଛି ଦିନ ତଳେ ରାଜେନ୍ଦ୍ର ବିଶ୍ୱବିଦ୍ୟାଳୟର ପ୍ଲାଟିନମ ଜୁବଲି ଗେଟ୍‌କୁ କିଛି ଦୃବୃର୍ତ୍ତ ଭାଙ୍ଗି ଦେଇଥିବା ଘଟଣାକୁ ବୈଠକରେ ଦୃଢ଼ ନିନ୍ଦା କରାଯାଇଥିଲା । ଜିଲ୍ଲା ଓକିଲ ସଂଘର ସଭାପତି ପ୍ରବୀଣ ମିଶ୍ରଙ୍କ ସଭାପତିତ୍ୱରେ ଅନୁଷ୍ଠିତ ଏହି ବୈଠକରେ ଅନ୍ୟ ମାନଙ୍କ ମଧ୍ୟରେ ଏଡ୍‌ଭୋକେଟ ରାଜେ କୁମାର ଗୁପ୍ତା,  ରାଜେନ୍ଦ୍ର ମିଶ୍ର , ରତନ ମହାରଣା, ଚନ୍ଦ୍ରଶେଖର ମିଶ୍ର, ଶଙ୍କର ମିଶ୍ର ପ୍ରମୁଖ ନିଜ ନିଜ ମତାମତ ପ୍ରଦାନ କରିଥିଲେ । ଶେଷରେ ଜିଲ୍ଲା ଓକିଲ ସଂଘର ସଂପାଦକ ବାସୁଦେବ ରଥ ଧନ୍ୟବାଦ ଅର୍ପଣ କରିଥିଲେ