08-Dec-2025

ବଲାଙ୍ଗୀର (ପ୍ରେରଣା ଖବର): ଆଜି ଜିଲ୍ଲା ତୈଲିକ ବୈଶ୍ୟ ସମାଜର କାର୍ଯ୍ୟକାରିଣୀ ବୈଠକ  ବଲାଙ୍ଗୀର ଜିଲ୍ଲାର ୧୪ଟି ବ୍ଲକର ମୁଖ୍ୟ ସଦସ୍ୟମାନଙ୍କ ଉପସ୍ଥିତିରେ ଶାନ୍ତିପଡ଼ା ସ୍ଥିତ ନବନିର୍ମିତ କଲ୍ୟାଣ ମଣ୍ଡପରେ ଜିଲ୍ଲା ସଭାପତି ଉମାକାନ୍ତ ସାହୁଙ୍କ ସଭାପତିତ୍ୱରେ ଅନୁଷ୍ଠିତ ହୋଇଥିଲା । ବୈଠକରେ ଜିଲ୍ଲାର ବିଭିନ୍ନ ସମସ୍ୟାର ସମାଧାନ ସହିତ ନବନିର୍ମିତ କଲ୍ୟାଣ ମଣ୍ଡପର ସୌନ୍ଦର୍ଯ୍ୟକରଣ ବିଷୟରେ ବିଶେଷ ଆଲୋଚନା କରାଯାଇଥିଲା । ଜିଲ୍ଲା ସମ୍ପାଦକ ପ୍ରଦୀପ ସାହୁ ଖୁବ ଶୀଘ୍ର ଏକ ସୁନ୍ଦର ମୁଖ୍ୟ ଦ୍ୱାର ନିର୍ମାଣ କାର୍ଯ୍ୟ ଆରମ୍ଭ କରିବା ସହିତ ଭିତରେ ରହିଯାଇଥିବା ଅନେକ ସୌନ୍ଦର୍ଯ୍ୟକରଣ କାର୍ଯ୍ୟର ସମାପନ କରାଯିବା ପାଇଁ ପ୍ରସ୍ତାବ ରଖିଥିଲେ । ବୈଠକରେ ଉପସ୍ଥିତ ପଦାଧିକାରୀମାନେ ନୂତନ ପ୍ରସ୍ତାବଗୁଡ଼ିକୁ ସମ୍ମତି ପ୍ରକାଶ କରି ସହଯୋଗର ଆଶ୍ୱାସନ ଦେଇଥିଲେ । ସେମାନଙ୍କ ମଧ୍ୟରୁ ପ୍ରମୁଖ ଥିଲେ ମିତ୍ରଭାନୁ ସାହୁ, ମହେଶ୍ୱର ସାହୁ, ରବୀନ୍ଦ୍ର ସାହୁ, ବିକାଶ ସାହୁ, କୃଷ୍ଣ ସାହୁ, ରାମପ୍ରସାଦ ସାହୁ, ଧ୍ରୁବ ସାହୁ, ଦୁର୍ଗା ସାହୁ ଓ ଅନ୍ୟମାନେ ଉପସ୍ଥିତ ଥିଲେ । ବୈଠକକୁ ସୁଚାରୁ ଭାବେ ଚଳାଇବାରେ ଫିରୋଜ ସାହୁ ସମସ୍ତ ବ୍ୟବସ୍ଥା କରିଥିଲେ । ଶେଷରେ ବିକାଶ ସାହୁ ସମାପନୀ ଉଦବୋଧନ ଦେଇ ସମସ୍ତ ଉପସ୍ଥିତ ଅତିଥିଙ୍କୁ ଧନ୍ୟବାଦ ଜଣାଇଥିଲେ ।