07-Dec-2025

ବଲାଙ୍ଗୀର, ପ୍ରତିବର୍ଷ ପରି ଆସନ୍ତା ଡିସେମ୍ବର ୨୧ତାରିଖ ରବିବାର ଦିନ ସ୍ଥାନୀୟ କଦଳୀ ମୁଣ୍ଡା ଫରେଷ୍ଟ ନର୍ସରୀ ଠାରେ ୧୯୮୯ ପିପି ଏକାଡେମୀ ମେଟ୍ରିକ ବ୍ୟାଚ୍  ର ଏକ ବାର୍ଷିକ ବନ୍ଧୁମିଳନ ଆୟୋଜନ ହେବାକୁ ଯାଉଛି । ଏଥିପାଇଁ ପ୍ରସ୍ତୁତି ଜୋରସୋରରେ ଚାଲିଛି l ଖାଇବା ମେନ୍ୟୁ ସହିତ  ଏକ ରଙ୍ଗାରଙ୍ଗ ପରିବେଶ ମଧ୍ୟରେ ଗୀତ ସଙ୍ଗୀତ ଆସର ଆୟୋଜନ କରି ଏହା କିପରି ଭାବରେ ପୂର୍ବବର୍ଷ ତୁଳନାରେ ଆହୁରି ଅଧିକ ଉପଭୋଗ୍ୟ ହୋଇ ପାରିବ ସେଥିପାଇଁ ଆୟୋଜକ କମିଟି କାମ କରୁଛନ୍ତି l ବଣଭୋଜିର ସୁପରିଚାଳନା ନିମନ୍ତେ  ନିର୍ଦ୍ଧାରିତ ଦେୟ ତୁରନ୍ତ ପ୍ରଦାନ କରିବାକୁ ନିବେଦନ କରାଯାଇଛି l ଏ ନେଇ ଗତକାଲି ସନ୍ଧ୍ୟାରେ ସ୍ଥାନୀୟ ଗାନ୍ଧୀ ପାଠାଗାର ଠାରେ ୧୯୮୯ ପିପି ଏକାଡେମୀ ମେଟ୍ରିକ ବ୍ୟାଚ୍ ର ବନ୍ଧୁ ମାନଙ୍କୁ ନେଇ ଏକ ପ୍ରସ୍ତୁତି ବୈଠକ ଅନୁଷ୍ଠିତ ହୋଇଥିଲା । ୧୯୮୯ ପିପି ଏକାଡେମୀ ମେଟ୍ରିକ ବ୍ୟାଚ୍ ର ଅଧିକରୁ ଅଧିକ ସଂଖ୍ୟକ ସହପାଠୀ ମାନେ କିପରି ଏହି କାର୍ଯ୍ୟକ୍ରମରେ ସାମିଲ ହୋଇ ପାରିବେ ସେ ନେଇ

ସମସ୍ତେ କାମ କରିବାକୁ ନିଷ୍ପତ୍ତି ଗ୍ରହଣ କରାଯାଇଥିଲା।  ଆନୁଆଲ  ମିଟ୍-୨୦୨୫ କୁ ଆହୁରି ସ୍ମରଣୀୟ କରିବା ପାଇଁ  ମ୍ୟୁଜିକ୍ ପ୍ରୋଗ୍ରାମ  ଓ କେମ୍ପ ଫେୟାର୍ ଆୟୋଜନ ହେବ l ଏଥିସହ କଦଳୀ ମୁଣ୍ଡା ନର୍ସରୀ ପରିସରରେ ଅନୁଷ୍ଠିତ ହେବାକୁ ଥିବା ଚକ୍ଷୁ ପରୀକ୍ଷା ଶିବିରରେ  ସମସ୍ତ ବନ୍ଧୁମାନେ ନିଜର ଆଖି ପରୀକ୍ଷା କରାଇ ନେବା ପାଇଁ ସତ୍ୟରଞ୍ଜନ ମିଶ୍ର ଅନୁରୋଧ କରିଛନ୍ତି l  ଆଜିର ପ୍ରସ୍ତୁତି ବୈଠକରେ ସନ୍ତକ ବହିଦାର, ସତ୍ୟରଂଜନ ମିଶ୍ର, ଅଜିତ ପଣ୍ଡା, ରୂପେଶ, ଦିବ୍ୟ ବହିଦାର୍ , କମ୍ବୁପାଣି ପୁଝାରୀ, ରଘୁ ନନ୍ଦନ ସିଂହ,  ଶଙ୍କର ଅଗ୍ରୱାଲ କିଶନ ଅଗ୍ରୱାଲ, ରିୟାଜ ଖାନ୍, ବାବୁ ପୂଝାରୀ, ସୁରେଶ ସାହୁ, ଅତୁଳ ଅଗ୍ରୱାଲ, ଜଗଦୀଶ ସାହୁ, ଗୌରାଙ୍ଗ ସାହୁ ପ୍ରମୁଖ ଉପସ୍ଥିତ ରହି ନିଜର ମତାମତ ଉପସ୍ଥାପନ କରିଥିଲେ