06-Dec-2025

ସୁବର୍ଣ୍ଣପୁର (ମନୋରଞ୍ଜନ ତ୍ରିପାଠୀ)
 ଓଡ଼ିଶା ର ଶ୍ରୀ ସତ୍ୟସାଇ ସେବା ସଂଗଠନ ଓଡିଶାରେ ଅଧିକରୁ ଅଧିକ ଲୋକଙ୍କୁ ସିପିଆର୍ ଶିକ୍ଷା ପ୍ରଦାନ କରି ସଚେତନ କରାଇବା  କାମରେ ଚେଷ୍ଟିତ ରହିଛି ଯାହା ଫଳରେ ଆପତ କାଳୀନ ସମୟରେ ସେମାନେ ଜୀବନ ବଞ୍ଚାଇବାରେ ସମର୍ଥ ହୋଇପାରିବେ । ମନୁଷ୍ୟ ର ହୃଦୟବନ୍ଦ ସମୟରେ ସିପିଆର୍ ଦେଇ ପ୍ରାଣରକ୍ଷା କରିବା ଏକ ଅତ୍ୟନ୍ତ ମୁହୂର୍ତ୍ତପୂର୍ଣ୍ଣ ପଦକ୍ଷେପ। ଏହା ରକ୍ତସଞ୍ଚାଳନ ଓ ଶ୍ୱାସକ୍ରିୟାକୁ ଅସ୍ଥାୟୀ ଭାବେ ଚାଲୁ ରଖି ମସ୍ତିଷ୍କକୁ ଆବଶ୍ୟକ ଅକ୍ସିଜେନ୍ ପ୍ରଦାନରେ ସହାୟକ ହୁଏ।ଏହି ଉଦ୍ଦେଶ୍ୟକୁ ସାର୍ଥକ କରିବା ପାଇଁ, ଶ୍ରୀ ସତ୍ୟ ସାଇ ସେବା ସଂଗଠନ, ସୁବର୍ଣ୍ଣପୁର ପ୍ରୟାସରେ ରାଜ୍ୟ ସଂଗଠନର ଅଭିଜ୍ଞ ବିଶେଷଜ୍ଞମାନଙ୍କ ଦ୍ୱାରା ଗତକାଲି ସହରର ତିନୋଟି ଶିକ୍ଷାନୁଷ୍ଠାନ ରେ ସିପିଆର୍ ପ୍ରଶିକ୍ଷଣ ଶିବିର ଆୟୋଜନ କରାଯାଇଥିଲା। ମହିଳା ଉଚ୍ଚ ମାଧ୍ୟମିକ ବିଦ୍ୟାଳୟ, ବୀରମହାରାଜପୁର,ସୁବର୍ଣ୍ଣପୁର ନର୍ସିଂ ସ୍କୁଲ୍ ଓ ବିଜୁ ପଟ୍ଟନାୟକ ମହିଳା ମହାବିଦ୍ୟାଳୟ, ସୋନପୁର ର
ଏହି ତିନିଟି ପ୍ରଶିକ୍ଷଣ ସିବିରରେ ମୋଟ ୩୨୫ ଜଣ ଛାତ୍ରଛାତ୍ରୀ ସିପିଆର୍ ପ୍ରଶିକ୍ଷଣ ଦିଆଯାଇଥିଲା। ଜୀବନର ସୁରକ୍ଷା ପାଇଁ ସିପିଆର୍ ଶିକ୍ଷାର ଗୁରୁତ୍ୱକୁ ଧ୍ୟାନରେ ରଖି, ସୋନପୁର ଜିଲ୍ଲା ସତ୍ୟ ସାଇ ସେବା ସମିତି ଏବଂ ବୀରମହାରାଜପୁର ସମିତି, ଏହାକୁ ଅଗ୍ରସର କରାଇବା ପାଇଁ ସମସ୍ତ ସହଯୋଗ ପ୍ରଦାନ କରିଛନ୍ତି। ଏହି ପବିତ୍ର କାର୍ଯ୍ୟକ୍ରମକୁ ସଫଳ କରିବାରେ ମାଷ୍ଟର୍ ଟ୍ରେନର୍ ଆଶୁତୋଷ ସାହୁ ଓ ମାନସ ରଞ୍ଜନ ପାତ୍ର ଙ୍କ ଗୁରୁତ୍ୱପୂର୍ଣ୍ଣ ଭୂମିକା ଥିଲା।  ସଙ୍ଗଠନ ର ଜିଲ୍ଲା ସଭାପତି ଗୁଣନିଧି ପାତ୍ର, ଜିଲ୍ଲା ଯୁବ ସଂଯୋଜକ ରାଧାଦତ୍ତ ମହାପାତ୍ର,ସମିତି ଯୁବ ସଂଯୋଜକ ସୁଭ୍ରାଂଶୁ ସାହୁ ଓ ବିରଞ୍ଚି ମେହେର,,ବୀରମହାରାଜପୁର ସମିତି ଆବାହକ ସନ୍ତୋଷ କୁମାର ବେହେରା ସୋନପୁର ସମିତି ଆବାହକ: ସୁଶାନ୍ତ କୁମାର ସାହୁଏବଂ ସାଇ ପରିବାର ର ଅନ୍ୟାନ୍ୟ ସଦସ୍ୟମାନେ ସକ୍ରୀୟ ସହଯୋଗ କରିଥିଲେ।