06-Dec-2025

ଆଗଲପୁର, (ବିନୋଦ ଦୀପ) ଆଜି ଆଗଲପୁର ସାଇନ୍ସ ହାଇୟର ସେକେଣ୍ଡାରୀ ସ୍କୁଲ୍ ଠାରେ ଗୋଷ୍ଠୀ ସ୍ୱାସ୍ଥ୍ୟ କେନ୍ଦ୍ର, ଆଗଲପୁର ତରଫରୁ ଜାତୀୟ ତମ୍ବାଖୁ ନିୟନ୍ତ୍ରଣ କାର୍ଯ୍ୟକ୍ରମ 2025 ଆୟୋଜିତ ହୋଇଥିଲା l ଉକ୍ତ କାର୍ଯ୍ୟକ୍ରମରେ ଡ଼. ଅଭିଷେକ କୁମାର (ଦାନ୍ତରୋଗ ବିଶେଷଜ୍ଞ), ଭଜମନ ସାହୁ (ସ୍ୱାସ୍ଥ୍ୟକର୍ମୀ) ଓ ଗିରିଧାରୀ ମେହେର ଆର. ଡବ୍ଲୁ ଯୋଗ ଦେଇଥିଲେ l ସ୍ୱାସ୍ଥ୍ୟକର୍ମୀ ଭଜମନ ସାହୁ “ତମ୍ବାଖୁ ମୁକ୍ତ ଯୁବ ଅଭିଯାନ 3.0” ବିଷୟରେ ପାୱାର ପଏଣ୍ଟ ପ୍ରଜେଣ୍ଟେସନ୍ ମାଧ୍ୟମରେ ବିସ୍ତୃତ ଶିକ୍ଷାଦାନ କରିଥିଲେ। ତାପରେ Dr. ଅଭିଷେକ କୁମାର ତମ୍ବାଖୁ ସେବନ ର କୁପ୍ରଭାବ ବିଷୟରେ ସଚେତନତା ସୃଷ୍ଟି କରିଥିଲେ। ଗିରିଧାରୀ ମେହେରଙ୍କ ପରିଚାଳନାରେ କ୍ୱିଜ୍ ପ୍ରତିଯୋଗିତା ଆୟୋଜନ କରାଗଲା ଓ ତିନିଜଣ କୃତି ପ୍ରତିଯୋଗୀଙ୍କୁ ପୁରସ୍କୃତ କରାଗଲା l ପୁରସ୍କୃତ ତିନିଜଣ କୃତି ପ୍ରତିଯୋଗୀ ହେଲେ ଉପମା ଭୋଇ, ରୀତି ମେହେର, ବୁଦ୍ଧଦେବ ମେହେର କାର୍ଯ୍ୟକ୍ରମର ଶେଷରେ ଭଜମନ ସାହୁ ସମସ୍ତ ଛାତ୍ରଛାତ୍ରୀଙ୍କୁ ତମ୍ବାଖୁ ବିରୋଧୀ ଶପଥ କରାଇଥିଲେ ଓ ତମ୍ବାଖୁସେବନରୁ ଦୂରେ ରହିବାକୁ ପ୍ରତିଜ୍ଞା ବାନ୍ଧିଥିଲେ l ସଭାକୁ ଶ୍ରୀଯୁକ୍ତ ମନ୍ତ୍ରୀ ମେହେର ଅଧ୍ୟକ୍ଷତା କରିଥିଲେ। ସେ ତମ୍ବାଖୁ ସଚେତନତାର ଗୁରୁତ୍ୱ ବିଷୟରେ ମହତ୍ତ୍ଵପୂର୍ଣ୍ଣ ମତାମତ ରଖିଥିଲେ ଓ ଆଗଲପୁର ବ୍ଲକର ସମସ୍ତ ଶିକ୍ଷାନୁଷ୍ଠାନରେ ଏପରି ସଚେତନତା ମୂଳକ କାର୍ଯ୍ୟକ୍ରମ ଜାରି ରଖିବାକୁ ଆହ୍ୱାନ ଜଣାଇଥିଲେ l କାର୍ଯ୍ୟକ୍ରମର ଧନ୍ୟବାଦ ଜ୍ଞାପନ କରିଥିଲେ ଶ୍ରୀ ତ୍ରିନାଥ ସାହୁ, ଅଧ୍ୟାପକ l ଗୋଷ୍ଠୀ ସ୍ୱାସ୍ଥ୍ୟ କେନ୍ଦ୍ର, ଆଗଲପୁର ପକ୍ଷରୁ ଜଣାଇଯାଇଛି ଯେ ଆଗାମୀଦିନରେ ଆଗଲପୁର ବ୍ଲକର ବିଭିନ୍ନ ଶିକ୍ଷାନୁଷ୍ଠାନରେ ଏହିପରି ସଚେତନତାମୂଳକ କାର୍ଯ୍ୟକ୍ରମ ଜାରି ରହିବ।