31-Oct-2025

ନୂଆପଡା(ପରମେଶ୍ଵର ମେହେର):ନୂଆପଡା ବ୍ଲକ କେରମେଲି ରେ ଆୟୋଜିତ ବିଶାଳ ଯୁବ ସମ୍ମିଳନରେ ବିଜେପି ସରକାର ଙ୍କ ଫମ୍ପା ପ୍ରତିଶ୍ରୁତି ଓ ବିଫଳତା ନେଇ ତୀବ୍ର ଖୋଭ ପ୍ରକାଶ କଲା ବିଜେଡି । ବିଜେଡିର ବରିଷ୍ଠ ନେତାମାନେ କହିଲେ, ଯୁବ, ମହିଳା ଓ ଗରିବ ପରିବାର ବର୍ଗକୁ ଭ୍ରମିତ କରିବା ପାଇଁ ବିଜେପି ସରକାର ଖାଲି  ମିଥ୍ୟା ପ୍ରତିଶୃତି ଦେଇ ଲୋକଙ୍କୁ ଧୋଖା ଦେଇଛି।
ରାଜ୍ୟସଭା ସାଂସଦ ନିରଞ୍ଜନ ବିଶି କହିଲେ “ବିଜେପି ସରକାର ଶାସନ  ମିଛ ପ୍ରତିଶ୍ରୁତିର ଇତିହାସ ହୋଇଯାଇଛି। ବାର୍ଦ୍ଧକ୍ୟ ଭତ୍ତା, ମହିଳା ସଶକ୍ତିକରଣ ଯୋଜନା, ମାସକୁ ୩00 ଇୟୁନିଟ୍ ମାଗଣା ବିଜୁଳି, ଯୁବମାନଙ୍କ ପାଇଁ ଚାକିରି ସବୁ ପ୍ରତିଶ୍ରୁତି ହାୱାରେ ଉଡିଗଲା। ଯୁବକ ମାନେ ଆଜି ବେକାରିର ଦୁଃଖ ଓ ନିରାଶାରେ ପଡ଼ିଛନ୍ତି।”
ବିଜେପି ନିର୍ବାଚନ  ପ୍ରତିଶ୍ରୁତି ଗୁଡ଼ିକ ଯଥା ବାର୍ଦ୍ଧକ୍ୟ ଭତ୍ତା ୩୫୦୦ ଲାଗୁ ହୋଇନି, ପ୍ରତ୍ୟେକ ମହିଳାକୁ ୧ କିସ୍ତି ରେ ୫୦,୦୦୦ ସହାୟତା ଦିଆଯାଇନାହିଁ,ପ୍ରତିବର୍ଷ ୨ କୋଟି ଯୁବଙ୍କୁ ଚାକିରି ପ୍ରଦାନ ସମ୍ପୂର୍ଣ ବିଫଳ, ବେକାରି ଭୟାବହ ଭାବେ ବଢ଼ିଛି। ସୁନା  ଦର ଓ ଦୈନନ୍ଦିନ ଜୀବନ ଜୀବିକା ପାଇଁ ଆବଶ୍ୟକୀୟ ଦରଦାମ ନିୟନ୍ତ୍ରଣ ହେଉନାହିଁ, ଦରଦାମ ବୃଦ୍ଧି ଗରିବ ପରିବାରକୁ  ତଳକୁ ନେଉଛି. ପୂର୍ବତନ ମନ୍ତ୍ରୀ ପ୍ରତାପ ଜେନା କହିଲେ “ମଧ୍ୟବର୍ଗ ଓ ଦୁର୍ବଳ ପରିବାରମାନଙ୍କ ମେରୁଦଣ୍ଡ  ମୂଲ୍ୟବୃଦ୍ଧି ଦ୍ୱାରା  ଭାଙ୍ଗି ଯାଉଛି । ବିଜେପି ସରକାରର ଅର୍ଥନୀତି ନିଷ୍ଠୁର ଓ ଗରିବ ବିରୋଧୀ।”ବିଧାୟକ ରମେଶ ବେହେରା କହିଲେ“ଓଡ଼ିଶାର ଅସ୍ମିତା, ଅଧିକାର ଓ ବିକାଶକୁ ମାର୍ଜିତ ସ୍ଥାନରେ ରଖାଯାଇଛି। ଜନତା ଏହି ଧୋଖା ରେ ଆଉ ଚୁପ ରହିବେ ନାହିଁ।” ବିଜେପିକୁ ଭୋଟ ଦେବେ ନାହିଁ। ବ୍ଲକ୍ ଚେୟାରମ୍ୟାନ ସରୋଜ କମ୍ପ ଓ ତେଜରାଜ ସାବର ଯୁବକ ମାନଙ୍କୁ ସଂଘବଦ୍ଧ ହେବାକୁ ଆହ୍ୱାନ କରିଥିଲେ। ତେଜରାଜ ସାବର ଧନ୍ୟବାଦ ଅର୍ପଣ କରିଥିଲେ ।