30-Oct-2025

ଲୋଇସିଂହା, (ବିନୋଦ ଦୀପ) ଆଜି ଲୋଇସିଂହା ବ୍ଲକ କଳାକାର ସଂଘ ବିଭିନ୍ନ ଦାବିନେଇ ବିଡ଼ିଓ ଙ୍କ ଜରିଆରେ ମୁଖ୍ୟମନ୍ତ୍ରୀ ଙ୍କୁ ଦାବୀପତ୍ର ପ୍ରଦାନ କରିଛନ୍ତି l ବ୍ଲକ କଳାକାର ସଂଘ ସଭାପତି ସରୋଜ ବିଶ୍ୱାଳ ଙ୍କ ସଭାପତିତ୍ୱ ରେ ଶତାଧିକ କଳାକାର ନିଜ କଳା ପ୍ରଦର୍ଶନୀ ଜରିଆରେ ନୃତ୍ୟ, ଗୀତ ଓ ବାଦ୍ୟ ବଜାଇ ଲୋଇସିଂହା କଲ୍ୟାଣ ମଣ୍ଡପ ରୁ ବାହାରି ଲୋଇସିଂହା ବ୍ଲକ କୁ ପହଂଚିଥିଲେ l କିଛି ସମୟ ନାରାବାଜି ପରେ ବିଡ଼ିଓ ଶ୍ରୀ ଅକ୍ଷୟପାଣି ଉଡ୍ଡୁ ଙ୍କୁ ଏକ ଦାବିପତ୍ର ପ୍ରଦାନ କରିଥିଲେ l କଳାକାର ତାଙ୍କ ଦୈନନ୍ଦିନ ଜୀବନରେ ଅନେକ ସମସ୍ୟା ର ସମ୍ମୁଖୀନ ହେଉଛନ୍ତି l କଳା କୁ ବଞ୍ଚାଇ ରଖିବା ପାଇଁ ପ୍ରୟାସରତ କଳାକାର ଓ଼ଡ଼ିଆ ଅସ୍ମିତା ର ଏକ ଅଭିଛେଦ୍ୟ ଅଙ୍ଗ ହେବା ସହ କଳାକାର ବିଭିନ୍ନ ସମସ୍ୟା ଯୋଗୁଁ ହତାଶ ର ସମ୍ମୁଖୀନ ହେଉଛନ୍ତି l ରାଜ୍ୟ ସରକାର ଙ୍କ କୃପାଦୃଷ୍ଟି ହେଲେ କଳାକାର ବଞ୍ଚି ରହିବା ସହ ନିଜର ସ୍ୱତନ୍ତ୍ରତା ବଜାୟ ରଖିପାରିବ ବୋଲି କଳାକାର ସଂଘ ନିଜର ଶୁଚିନ୍ତିତ ମତାମତ ଦେଇଛି l କଳାକାର ଙ୍କ ଦାବୀହେଲା ଦୀର୍ଘ ୨ ବର୍ଷ ହେଲା ବନ୍ଦ ପଡ଼ିଥିବା ନୂତନ କଳାକାର ଭତ୍ତା କୁ ଯଥାଶୀଘ୍ର ତରାନ୍ୱିତ କରାଯାଉ l ଅନ୍ୟାନ୍ୟ ଭତ୍ତା ରାଶି ର ବୃଦ୍ଧି ଦିଗରେ ରାଜ୍ୟ ସରକାର ବିଚାର କରିଥିବା ବେଳେ କଳକାର ଭତ୍ତା କୁ ୫ ହଜାର ଟଙ୍କା ବୃଦ୍ଧି କରାଯାଉ l ଭତ୍ତା ପାଉଥିବା କଳାକାର ର ମୃତ୍ୟୁ ପରେ ଉକ୍ତ ଭତ୍ତା କୁ ତାଙ୍କ ସ୍ତ୍ରୀ କିମ୍ବା ସ୍ୱାମୀ ଙ୍କୁ ପ୍ରଦାନ କରାଯାଉ l

ପ୍ରତ୍ୟେକ ବ୍ଲକ ର ସଦର ମହ କୁମାରେ କଳାକାର ମାନଙ୍କ ପାଇଁ ଏକ ସ୍ୱତ୍ରନ୍ତ୍ର ଗୃହ ନିର୍ମାଣ ପାଇଁ ଅନୁଦାନ ଯୋଗାଇ ଦିଆଯାଉ l ନିର୍ମାଣ ଶ୍ରମିକ ଯୋଜନାରେ ମିଳୁଥିବା ସରକାରୀ ସୁବିଧା ସୁଯୋଗ ଗୁଡିକ କଳାକାର ମାନଙ୍କୁ ମଧ୍ୟ ପ୍ରଦାନ କରାଯାଉ l ବିଭିନ୍ନ ସରକାରୀ କାର୍ଯ୍ୟକ୍ରମ କରାଯିବା ସମୟରେ କଳାକାର ମାନଙ୍କ ପାଇଁ ସ୍ୱତନ୍ତ୍ର ଦୁର୍ଘଟଣା ବୀମା ର ବ୍ୟବସ୍ଥା କରିବା ପାଇଁ ସଂଘ ଦାବୀ କରିଛି l ଅନ୍ୟ ମାନଙ୍କ ମଧ୍ୟରେ ବ୍ଲକ ଉପ ସଭାପତି ଲମ୍ବୋଦର ସାହୁ, ଦେବେନ୍ଦ୍ର କନ୍ଧେର, କାର୍ଯ୍ୟକାରୀ ସଭାପତି ନାରାୟଣ ବାରିକ, ସମ୍ପାଦକ ବ୍ରଜମୋହନ ବିଶୋଇ, ସହ ସମ୍ପାଦକ ମୁନା ପଟେଲ, କୋଷାଧ୍ୟକ୍ଷ ଫିରୋଜ ଦାସ ପ୍ରମୁଖ ଉପସ୍ଥିତ ଥିଲେ l