23-Oct-2025

ସୋନପୁର( ମନୋରଞ୍ଜନ ତ୍ରିପାଠୀ)
 ସୁବର୍ଣ୍ଣପୁର ଜିଲ୍ଲା ସୋନପୁର ବ୍ଲକ ଅନ୍ତର୍ଗତ ସାଗର ପାଲି ଗାଁ ର ବିଶିଷ୍ଟ ବ୍ୟକ୍ତି ତଥା ବୁଣାକାର ଦଶରଥ ମେହେର (୭୪ ) ଙ୍କ ଭୁବନେଶ୍ୱର ସମ୍ ହସପିଟାଲ ରେ ଚିକିତ୍ସାଧିନ ଅବସ୍ଥାରେ ଗତ ୨୧ ତାରିଖ ପୂର୍ବାହ୍ନ ରେ ପରଲୋକ ଘଟିଛି l ଶ୍ରୀ ମେହେର ଜଣେ ଶାନ୍ତ, ସରଳ, ଅମାୟିକ ବ୍ୟକ୍ତିତ୍ଵ ଥିବା ବେଳେ ସେ ଜଣେ ସଫଳ ଚାଷୀ, ରାମାୟଣ ପାଠକ, ଓ ବାନ୍ଧ କଳାରେ ନିପୂଣ  ଥିଲେ l ଏ ଖବର ପହଁଚିବା ପରେ ସାଗର ପାଲି ଗାଁ ସମେତ ସୋନପୁର ର ମାଣିକେଶ୍ଵରୀ ପ୍ଲଟ, ଉଦୟ ନଗର ଅଞ୍ଚଳ ରେ ଓ ଫରେଷ୍ଟ ପାର୍କ ର ଦିବ୍ୟ ଉର୍ଯ୍ୟା ଯୋଗ ସେବା ସମିତି ଓ ବିଭିନ୍ନ ସ୍ବେଛାସେବୀ ସଂଗଠନ ରେ ଶୋକ ଖେଳି ଯାଇଛି l  ଭୁବନେଶ୍ୱର  ହସ୍ପିଟାଲ୍ ରୁ ଫେରିବା ବେଳେ ୨୧ ତାରିଖ ରାତି ୧୦ ଟା ବେଳେ ସୋନପୁର ବ୍ଲକ ଛକ ଠାରେ ଯୋଗ ସେବା ସମିତି, ରକ୍ତ ଦାତା ସଂଘ, ସ୍ଵଚ୍ଛ ଭାରତ ସଙ୍ଗଠନ କର୍ମକର୍ତା ଓ ଉପସ୍ଥିତ ବହୁ ବୁଦ୍ଧିଜୀବୀ ସ୍ବର୍ଗତ ମେହେର ଙ୍କୁ ଅନ୍ତିମ ଦର୍ଶନ ଓ ଭକ୍ତିପୂତ ଶ୍ରଦ୍ଧାଞ୍ଜଳୀ ଜ୍ଞାପନ କରିଥିଲେ l ଓ ଯୋଗ ସେବା ସମିତି ର ସକ୍ରିୟ ସଦସ୍ୟ ତଥା ପଞ୍ଚାୟତ ନିର୍ବାହୀ ଅଧିକାରୀ ଦୁର୍ଯୋଧନ ମେହେର ଙ୍କ ଧାରଣା ପତ୍ନୀ ରୁକ୍ମିଣୀ ମେହେର ଙ୍କୁ ଅନୁଷ୍ଠାନ ପକ୍ଷରୁ ସମବେଦନା ଜଣାଇଥିଲେ l ଶ୍ରୀମତୀ ମେହେର ନିଜ ସଙ୍ଗଠନ ର ଆତ୍ମୀୟ ସ୍ୱଜନ ଙ୍କୁ ଦେଖି ପିତା ଙ୍କୁ ହରାଇଥିବା ଦୁଃଖ ରେ ରାସ୍ତା ଉପରେ ଜୋର୍ ରେ କାନ୍ଦି ପକାଇଥିଲେ ଓ ବାପା ଙ୍କୁ ଶେଷ ସମ୍ମାନ ଦେଇ ଥିବାରୁ ସଂଗଠନ ପାଖରେ ମୁଁ ଋଣି ହୋଇ ରହିବି ବୋଲି କହିଥିଲେ l ଅନୁଷ୍ଠାନ ର କର୍ମକର୍ତା ମଧ୍ୟ ଏ ଦୁଃଖରେ ଭାଙ୍ଗି ପଡ଼ି ଶ୍ରୀମତୀ ମେହେର ଙ୍କୁ ସାନ୍ତ୍ଵନା ଜଣାଇ ସଂଘ ପକ୍ଷରୁ ସାହସ ଯୋଗାଇଥିଲେ l ସାଗର ପାଲି ଗାଁ ରେ ସ୍ୱର୍ଗତ ମେହେର ଙ୍କ ମରଶରୀର ପହଁଚିବା ପରେ ଏକ ଶୋକାକୁଳ ପରିବେଶ ରେ ଶହ ଶହ ଲୋକେ ଶ୍ରୀ ମେହେର ଙ୍କୁ ଅନ୍ତିମ ଦର୍ଶନ କରିଥିଲେ l ବାଗଦୁଲି ନିକଟସ୍ଥ କୁକୁଡ଼ା ଜୋର ଶ୍ମଶାନ ଘାଟରେ ସ୍ୱର୍ଗୀୟ ମେହେର ଙ୍କ ଅନ୍ତିମ ସଂସ୍କାର କରା ଯାଇଥିଲା l  ଅନ୍ତିମ ସଂସ୍କାର ରେ ବଡ଼ ପୁଅ ଆନନ୍ଦ ମେହେର ପିତା ଙ୍କୁ ମୁଖାଗ୍ନୀ ଦେଇଥିଲେ l