22-Oct-2025

ବଲାଙ୍ଗୀର: ସ୍ଥାନୀୟ ପତିତପାବନ ଏକାଡେମୀ ଠାରେ କ୍ଳଷ୍ଟର ସ୍ତରୀୟ ସୁରଭି କାର୍ଯ୍ୟକ୍ରମ ଅନୁଷ୍ଠିତ ହୋଇଯାଇଛି l ଏଥିରେ ମୁଖ୍ୟ ଅତିଥିଭାବେ ବଲାଙ୍ଗୀର ସଦର୍ ବିଇଓ  ଶ୍ରୀ ନୀଳମଣି ପଟେଲ ଓ ସମ୍ମାନିତ ଅତିଥି ରୂପେ  ବଲାଙ୍ଗୀର ଏବିଇଓ ସନ୍ଧ୍ୟାରାଣୀ ଧରୁଆ ମଞ୍ଚାସୀନ ଥିଲେ l ପିପି ଏକାଡେମୀ ପ୍ରଧାନ ଶିକ୍ଷକ ଦ୍ଵିତି ରଞ୍ଜନ ମହାଲିଙ୍ଗ  ଓ ସିଆରସିସି ଶ୍ରୀମତୀ ରଶ୍ମିତା ମହାନ୍ତିଙ୍କ ମିଳିତ ତତ୍ତ୍ଵାବଧାନରେ ଆୟୋଜିତ ଏହି ଉତ୍ସବରେ ସିଆରସିସି ଶ୍ରୀମତୀ ବିଜୟିନୀ ଦାନୀ ଯୋଗ ଦେଇଥିଲେ l ଏହି ଅବସରରେ ଛାତ୍ରଛାତ୍ରୀ ମାନଙ୍କ ସୃଜନଶୀଳତାର ବିକାଶ ପାଇଁ   ବିଭିନ୍ନ ପ୍ରତିଯୋଗିତା ଅନୁଷ୍ଠିତ ହୋଇଥିଲା l ଚଳିତ ବର୍ଷ ସୁରଭିର ବିଷୟବସ୍ତୁ  ଥିଲା 'ମୋ ସ୍ୱପ୍ନର ଓଡ଼ିଶା ୨୦୩୬' । ଏଥିରେ ଭିନ୍ନକ୍ଷମ ପ୍ରତିଯୋଗୀ ମାନେ ମଧ୍ୟ ଅଂଶଗ୍ରହଣ କରି ନିଜର ପ୍ରତିଭାର ପଦର୍ଶନ କରି ଥିଲେ l ପ୍ରତିଯୋଗିତାର କୃତୀ ପ୍ରତିଯୋଗୀ ମାନେ ବ୍ଲକସ୍ତରୀୟ କାର୍ଯ୍ୟକ୍ରମକୁ ମନୋନୀତ ହୋଇଛନ୍ତି l ଏହି ସମସ୍ତ କାର୍ଯ୍ୟକ୍ରମକୁ ସୁନୀତା ବିଶ୍ଵାଳ ଓ ଅନିଲ ସରଭଙ୍ଗ ପରିଚାଳନା କରିଥିଲେ l ଏଥିରେ ସ୍କୁଲର ସମସ୍ତ ଶିକ୍ଷକ ଶିକ୍ଷୟିତ୍ରୀ, କର୍ମଚାରୀଙ୍କ ସମେତ ଲର୍ଣ୍ଣିଙ୍ଗ ଲିଙ୍କସ୍ ଫାଉଣ୍ଡେସନ(ରୋଡ଼ ଟୁ ସ୍କୁଲ)ର   ରିସୋର୍ସ ପର୍ସନ ମାନେ ଯୋଗ ଦେଇ ଥିଲେ l