20-Oct-2025

ସୁବର୍ଣ୍ଣପୁର, (ମନୋରଞ୍ଜନ ତ୍ରିପାଠୀ)
ମଙ୍ଗଳବାର ଦୀପାବଳୀ ପରଦିନ ସୋନପୁରର ଇଷ୍ଟଦେବୀ ମା ସୁରେଶ୍ଵରୀ ଙ୍କ କାଳୀ ବେଶ ଅନୁଷ୍ଠିତ ହେବ ଓ ଏହି ଦୁର୍ଲଭ ବେଶକୁ ସମସ୍ତ ଭକ୍ତ ଶ୍ରଦ୍ଧାଳୁ ଦର୍ଶନ କରି ମା ଙ୍କ କୃପା ଲାଭ କରିବାକୁ ଓ ମା ଙ୍କ ଠାରେ ଲାଗି ହେବାକୁ ଥିବା ଖିରି ଭୋଗର ସୁଯୋଗ ନେବାକୁ ଆଜି ମନ୍ଦିର କମିଟି ଓ ଦେବୋତ୍ତର ବିଭାଗ ପକ୍ଷରୁ ମିଡ଼ିଆ ଜରିଆରେ ସୂଚନା ପ୍ରଦାନ କରାଯାଇଛି l ଏହି ପରିପ୍ରେକ୍ଷୀରେ ଦଶହରା ସମୟରେ ବିଶ୍ବର କଲ୍ୟାଣ ତଥା ସୁବର୍ଣ୍ଣପୁର ଜିଲ୍ଲାର ବିକାଶ ପାଇଁ ଅନୁଷ୍ଟିତ ହୋଇଥିବା ନବ ଦିନାତ୍ମକ ଚଣ୍ଡୀ ଯଜ୍ଞ ୨୦୨୫ ମା ସୁରେଶ୍ଵରୀ ଙ୍କ ଅପାର କରୁଣାରୁ ନୀର୍ବିଘ୍ନରେ ସମାପନ ହୋଇଥିବାରୁ ଯଜ୍ଞ କମିଟି ଓ ଦେବୋତ୍ତର ବିଭାଗ ପକ୍ଷରୁ ଯଜ୍ଞରେ ସହଯୋଗ କରିଥିବା ଭକ୍ତ, ସହଯୋଗୀ ଓ କର୍ତ୍ତା ଭାବେ ଦାୟିତ୍ଵ ତୁଲାଇଥିବା ଭକ୍ତଙ୍କୁ ସହଯୋଗ ରଖିଥିବା ସ୍ବେଛାସେବୀ ସଂଗଠନ, ଜିଲ୍ଲା ପ୍ରଶାସନ, ପୌର ପ୍ରଶାସନ, ପୋଲିସ ପ୍ରଶାସନ, ବିଚାର ବିଭାଗୀୟ ଅଧିକାରୀ, ସାମ୍ୱାଦିକ,  ଲାଇଟ୍ ଟେଣ୍ଟ, ଶ୍ରୀ କ୍ଷେତ୍ରରୁ ଆସିଥିବା ନିମନ୍ତ୍ରିତ ପଣ୍ଡିତ ଶିବ ପ୍ରସାଦ ନନ୍ଦ, କିଶୋର ମିଶ୍ର, ତଥା ଚଣ୍ଡୀ ପଠନ କରିଥିବା ତାଙ୍କ ତିନି ଜଣ ଶିଷ୍ୟ, ଯଜ୍ଞ ମଣ୍ଡପ ର ମୁଖ୍ୟ ପୂଜକ କାଳୀ ଚରଣ ମିଶ୍ର ଓ ସହଯୋଗୀ ତଥା ସମସ୍ତ ଶ୍ରାଦ୍ଧକୁ ଭାଇ ଭଉଣୀ ମାନଙ୍କୁ ଯଜ୍ଞ କମିଟି ପକ୍ଷରୁ କୃତଜ୍ଞତା ଜ୍ଞାପନ କରାଯାଇଥିଲା l ଚଳିତ ବର୍ଷ ର ଆୟ ବ୍ୟୟ ମୋଟ ଆୟ ୭ ଲକ୍ଷ ୯ ହଜାର ୩୮୩ ହୋଇଥିବା ବେଳେ ମୋଟ ବ୍ୟୟ ୬ ଲକ୍ଷ ୯୭ ହଜାର ୨୩୪ ଟଙ୍କା ହୋଇଛି ଏବଂ ୧୨ ହଜାର ୧୪୯ ଟଙ୍କା ଯଜ୍ଞ ପାଣ୍ଠିରେ ଗଚ୍ଛିତ ଥିବା ବିବରଣୀ ମଧ୍ଯ କମିଟି ପକ୍ଷରୁ ସୁଚନା ମିଳିଛି l ଆଗାମୀ ଦିନରେ ଆହୁରି ଶ୍ରଦ୍ଧାଳୁ ଭକ୍ତମାନେ ମା ଙ୍କ ଏହି ଯଜ୍ଞରେ ସାମିଲ ହୋଇ ଯଥା ଶକ୍ତି ଅର୍ଥ ରାଶି ସ୍ବତଃ ପ୍ରଦାନ ପୂର୍ବକ ମା ସୁରେଶ୍ଵରୀ ଙ୍କ ଏହି ଯଜ୍ଞ କୁ ଆହୁରି ଦିବ୍ୟ ଓ ଭବ୍ୟ କରିବାକୁ କମିଟି ଆଗ୍ରହ କରିଛନ୍ତି l