19-Oct-2025

ସୋନପୁର (ମନୋରଞ୍ଜନ ତ୍ରିପାଠୀ) ସୁବର୍ଣ୍ଣପୁର ଜିଲ୍ଲା ସୋନପୁର ବ୍ଲକର ସ୍ଥାନୀୟ କୋଶଳ ଉଚ୍ଚ ବିଦ୍ୟାଳୟ  ପରିସରରେ "ବ୍ଲକ ସ୍ତରୀୟ ଗୀତା ଆବୃତ୍ତି" ପ୍ରତିଯୋଗିତା ଅନୁଷ୍ଠିତ ହୋଇଯାଇଛି ।ପ୍ରଜ୍ଞାନ ମିଶନ ଆନୁକୂଲ୍ୟରେ ସ୍ଥାନୀୟ ବିଦ୍ୟାଳୟର ସଂସ୍ଥାପକ ଶ୍ରୀ ସଞ୍ଜୟ ସାହୁଙ୍କ ତତ୍ତ୍ୱାବଧାନରେ ଅନୁଷ୍ଠିତ ହୋଇଥିବା ପ୍ରତିଯୋଗିତାରେ ସୋନପୁର ବ୍ଲକର ବିଭିନ୍ନ ଶିକ୍ଷା ଅନୁଷ୍ଠାନରୁ ପ୍ରାୟ ୯୫ ଜଣ ପ୍ରତିଯୋଗୀ ଅଂଶଗ୍ରହଣ କରି ଶ୍ରୀମଦ୍ଭଗବତଗୀତାର ପଞ୍ଚମ ଅଧ୍ୟାୟ ଆବୃତ୍ତି କରିଥିଲେ । ପ୍ରତିଯୋଗୀତା ହୋଇଥିବା ଚାରୋଟି ବର୍ଗ ରେ କ' ବିଭାଗରୁ ସିଦ୍ଧି ତ୍ରିପାଠୀ, ଯଶସ୍ୱୀ ମହାପାତ୍ର,ପିଙ୍କି ବଗର୍ତ୍ତି ,ଖ' ବିଭାଗରୁ ଜାଗୃତି ମହାପାତ୍ର,ଲୋରା ପ୍ରିୟଦର୍ଶିନୀ ଦାସ,ଓମ୍ ଶ୍ରୀ ମିର୍ଦ୍ଧା,ଗ' ବିଭାଗରୁ ଆୟୁଷ୍ମାନ ନାୟକ, ଅନିମେଶ ମିଶ୍ର,ଅଂଶୁମାନ ଗରିଆ ଓ ଘ' ବିଭାଗରୁ ଅଙ୍କିତା ପ୍ରଧାନ,ଚମ୍ପେଶ୍ୱରି କର୍ଣ୍ଣ,ସୁମିତ୍ରା ଭୋଇ ପୁରସ୍କୃତ ହୋଇ ଆସନ୍ତା ନଭେମ୍ବର ୨୩ ରେ ସୋନପୁର ଶିଶୁ ବିଦ୍ୟା ମନ୍ଦିରରେ ହେବାକୁ ଥିବା ଜିଲ୍ଲା ସ୍ତରୀୟ ପ୍ରତିଯୋଗୀତାକୁ ଉତ୍ତୀର୍ଣ୍ଣ ହୋଇଛନ୍ତି । ଅବସର ପ୍ରାପ୍ତ ପ୍ରଧାନ ଶିକ୍ଷକ ତଥା ମୁଖ୍ୟ ଅତିଥି ଶ୍ରୀଯୁକ୍ତ କାମପାଳ ମହାପାତ୍ର, ଶ୍ରୀଯୁକ୍ତ ଶତୃଘ୍ନ ହୋତା ଓ ସଂସ୍କୃତ ଅଧ୍ୟାପକ ଶ୍ରୀଯୁକ୍ତ କୈଳାସ ଚନ୍ଦ୍ର ଚାନ୍ଦ ଦୀପ ପ୍ରଜ୍ବଳନ ପୂର୍ବକ କାର୍ଯ୍ୟକ୍ରମର ଶୁଭାରମ୍ଭ କରିଥିଲେ ।ମୁଖ୍ୟବକ୍ତା ତଥା ବୀରମିତ୍ର ସିଂଦେଓ ସଂସ୍କୃତ ବିଦ୍ୟାଳୟର ହେଡ୍ ପଣ୍ଡିତ ଶ୍ରୀଯୁକ୍ତ ଲକ୍ଷ୍ମୀନାରାୟଣ ପୁଝାରୀ ଭଗବତ  ଗୀତାର ମାହାତ୍ମ୍ୟ ଉପରେ ଆଲୋକପାତ କରିଥିଲେ ।ଅନ୍ୟତମ ବକ୍ତା ଶ୍ରୀଯୁକ୍ତ ନିରଞ୍ଜନ କୁମାର ଉପସ୍ଥିତ ପ୍ରତିଯୋଗୀମାନଙ୍କୁ ପ୍ରତ୍ୟହ ଗୀତା ଅଧ୍ୟୟନ କରିବାକୁ ପ୍ରେରଣା ଦେଇଥିଲେ । l ପ୍ରଜ୍ଞାନ ମିଶନର କାର୍ଯ୍ୟକର୍ତ୍ତା ଶ୍ରୀ ବାଳଗୋପାଳ ଚାନ୍ଦ ଓ ସୀତାଂଶୁ ପୁଝାରୀ ପୁରସ୍କାର ବିତରଣରେ ସାହାଯ୍ୟ କରିଥିଲେ । ସୋନପୁର ନଗରର ମାନ୍ୟଗଣ୍ୟ ସଂସ୍କୃତ ବିଦ୍ୱାନ ଡ.ପଦ୍ମନାଭ ମେହେର,କୃଷ୍ଣଚନ୍ଦ୍ର ରଥ,ରୁଦ୍ରାକ୍ଷ ସାହୁ,ବ୍ରତାନନ୍ଦ ଭୋଇ,ଗିରିଶ କୁମାର ତ୍ରିପାଠୀ,ନନ୍ଦକିଶୋର ମିଶ୍ର,ପୁଷ୍ପାଞ୍ଜଳି ନାଏକ,ରୁଦ୍ରାକ୍ଷ ସାହୁ,ଉମାଶଙ୍କର ଗୁରୁ,ଡ୍ର. ଆଶିଷ ପ୍ରଧାନ ପ୍ରମୁଖ ବିଚାରପତି ଦାୟିତ୍ୱ ତୁଲାଇଥିଲେ । ପୁରସ୍କାର ବିତରଣୀ ଉତ୍ସବରେ ପ୍ରଜ୍ଞାନ ମିଶନର ଜିଲ୍ଲା ସଂଯୋଜକ ଶ୍ରୀ ଆକାଶ ବିଶ୍ବାଳ କାର୍ଯ୍ୟକ୍ରମର ଉଦ୍ଦେଶ୍ୟ ଜ୍ଞାପନ କରିଥିଲେ । ଆଲୋକ କୁମାର ପ୍ରଧାନ ଓ ଅଚ୍ୟୁତାନନ୍ଦ ମହାନ୍ତି କାର୍ଯ୍ୟକ୍ରମରେ ସହଯୋଗ କରିଥିଲେ। ଶେଷରେ ସମସ୍ତଙ୍କୁ କୃତଜ୍ଞତା ଜ୍ଞାପନ ପୂର୍ବକ ସଭା ସାଙ୍ଗ କରାଯାଇଥିଲା ।