19-Oct-2025

ବଲାଙ୍ଗୀର(ପ୍ରେରଣା ଖବର): ବଲାଙ୍ଗୀର ଟାଉନ୍ ବାଳିକା ଉଚ୍ଚବିଦ୍ୟାଳୟ ଠାରେ ଶନିବାର ଦିନ ଜିଲ୍ଲାସ୍ତରୀୟ କଳା ଉତ୍ସବ ଉଦ୍‌ଘାଟିତ ହୋଇଯାଇଛି । ଏଥିରେ ମୁଖ୍ୟ ଅତିଥି ଭାବରେ ଜିଲ୍ଲା ଶିକ୍ଷାଧିକାରୀ ପ୍ରଦୀପ କୁମାର ନାଗ ଯୋଗ ଦେଇ କଳା ଜୀବନନର ଏକ ଅଙ୍ଗ ଓ ଏହା ଆମକୁ ଆଗକୁ ବଢ଼ିବା ପାଇଁ ବାଟ ଶିଖାଇଥାଏ ବୋଲି ଛାତ୍ରଛାତ୍ରୀ ମାନଙ୍କୁ ଶିକ୍ଷା ଦେଇଥିଲେ । ସମ୍ମାନିତ ଅତିଥି ଭାବରେ ଅତିରିକ୍ତ ଜିଲ୍ଲା ଶିକ୍ଷାଧିକାରୀ ପ୍ରବୀର ପଣ୍ଡା ଓ ଶ୍ରୀମତୀ ସେବାଶ୍ରୀ ଭୋଇ ମଂଚାସୀନ ରହି ନିଜର ବକ୍ତବ୍ୟ ପ୍ରଦାନ କରିଥିଲେ । ବଲାଙ୍ଗୀର ସଦର ବ୍ଲକ ଶିକ୍ଷାଧିକାରୀ ନୀଳମଣି ପଟେଲ

ସଭାର ଉଦ୍ଦେଶ୍ୟ ଜ୍ଞାପନ କରିଥିବା ବେଳେ ଟାଉନ୍ ବାଳିକା ଉଚ୍ଚବିଦ୍ୟାଳୟର ପ୍ରଧାନଶିକ୍ଷକ ନରେନ୍ଦ୍ରନାଥ ମିଶ୍ର ସ୍ୱାଗତ ଭାଷଣ ଦେଇଥିଲେ । ଉଦ୍‌ଯାପନୀ ଉତ୍ସବରେ ମୁଖ୍ୟ ଅତିଥି ଭାବରେ ପ୍ରିନ୍ସିପାଲ ସେକ୍ରେଟେରି ଟୁ ପିଏମ୍‌ଓ ଡ. ଶ୍ରୀକାନ୍ତ ପାଣିଗ୍ରାହୀ ଯୋଗ ଦେଇଥିଲେ । ଉକ୍ତ କଳା ଉତ୍ସବରେ ପୁାଇଁନ୍ତଳା, ଦେଓଗାଁଁ , ସଇଁନ୍ତଳା, ଗୁଡଭଲୋ ଓ ଆଗଲପୁର ବ୍ଲକର ବ୍ଲକ ଶିକ୍ଷାଧିକାରୀ ମାନେ ମଂଚାସୀନ ଥିଲେ । ଏଥିରେ ମୋଟ୍ ୨ଠ୫ଜଣ ଛାତ୍ରଛାତ୍ରୀ ଓ ୪୩ ଜଣ ଗାଇଡ,

ଶିକ୍ଷକ,ଶିକ୍ଷୟିତ୍ରୀ ଯୋଗ ଦେଇଥିଲେ । ମୋଟ୍ ୧୨ଟି ବିଭାଗରେ ଛାତ୍ରଛାତ୍ରୀ ମାନେ ଅଂଶଗ୍ରହଣ କରି ସେମାନଙ୍କ ମଧ୍ୟରେ କୃତିତ୍ୱ ଲାଭ କରିଥିବା ପ୍ରତିଯୋଗୀ ମାନେ ଆଂଚଳିକସ୍ତରୀୟ କଳାଉତ୍ସବରେ ଭାଗ ନେବା ପାଇଁ ମନୋନୀତ ହୋଇଥିଲେ । ରାମଗୋପାଳ ଖମାରୀ ଶର୍ମା ମଂଚ ପରିଚାଳନା କରିଥିବା ବେଳେ ସରୋଜ କୁମାର ନାୟକ ଧନ୍ୟବାଦ ଅର୍ପଣ କରିଥିଲେ । ଏହି ଉତ୍ସବରେ ବଲାଙ୍ଗୀର ବିଜ୍ଞାନ କମିଟିର ସମସ୍ତ ସଦସ୍ୟ/ସଦସ୍ୟ ଯୋଗ ଦେଇଥିଲେ ।