22-Mar-2025

ନାକଟିଦେଉଳ(କନ୍ଦର୍ପ ବେହେରା): ଗତକାଲି ଅପରାହ୍ନରେ ରେଢ଼ାଖୋଲ ଥାନା ଡ଼ଇଁଚା ଗ୍ରାମ ପୋଖରୀରେ ଜୈନିକ ବୃଦ୍ଧ ଗାଧୋଇବାକୁ ଯାଇ ମୃତ୍ୟୁବରଣ କରିଥିବା ଜଣା ପଡିଛି l
ପ୍ରକାଶ ଯେ, ରେଢ଼ାଖୋଲ ଥାନା ଡଇଁଚା ଗ୍ରାମ କିସାନ ସାହିର ଚିନାମଣୀ କିସାନ ଅପରାହ୍ନ ୨ ଟା ସମୟରେଡ଼ଇଁଚା ବଡବନ୍ଧ କୁ ଗାଧୋଇବାକୁ ଯାଇ ପାଣିରେ ବୁଡି ଯାଇ ଥିଲେ l ସେ କେମିତି ପାଣିରେ ବୁଡି ମୃତ୍ୟୁବରଣ କଲେ ପରିବାର ଲୋକେ ଜାଣି ପାରି ନ ଥିଲେ l ଗ୍ରାମର କୌଣସି ବ୍ୟକ୍ତି ପୋଖରୀକୁ ଯାଇ ଥିବା ବେଳେ ପାଣିରେ କାହାର ମୃତ ଦେହ ଭାସୁଥିବା  ଦେଖି ଗ୍ରାମବାସୀଙ୍କୁ ଜଣାଇଥିଲେ l ଗ୍ରାମର କିଛି ସ୍ବେଛାସେବୀ ମୃତ ଦେହକୁ ଉଦ୍ଧାର କରିଥିଲେ l ଆମ୍ବୁଲାନ୍ସ ଆସି ମୃତ ଦେହକୁ ରେଢ଼ାଖୋଲ ଡାକ୍ତର ଖାନାକୁ ନେଇଯାଇଥିଲା l ଆସନ୍ତା କାଲି ଶବ ବ୍ୟବଚ୍ଛେଦ ହେଲା ପରେ ପରିବାର ଲୋକଙ୍କୁ ହସ୍ତାନ୍ତର କରାଯିବ l ପୋଲିସ ଏକ ଅପମୃତ୍ୟୁ ମାମଲା ରୁଜୁ କରି ତଦନ୍ତ କରୁଥିବା ଜଣା ପଡିଛି l