21-Mar-2025

ବରଗଡ଼:(ନିରଞ୍ଜନ ତ୍ରିପାଠୀ)-ବରଗଡ ଜିଲ୍ଲା ଅମ୍ବାଭୋନା ବ୍ଲକ ଅଧିନସ୍ଥ ଅମ୍ବାଭୋନା ସହରା ପଡ଼ା ଠାରେ ବୀର ସୁରେନ୍ଦ୍ର ସାଏ ଆଦିବାସୀ ଯୁବକ ସଂଘ ଆନୁକୂଲ୍ୟରେ ବୀର ସୁରେନ୍ଦ୍ର ସଂକୀର୍ତ୍ତନ୍ୟ ମଣ୍ଡଳୀ ର ୩୪ ତମ ଭବ୍ୟ ୨୪ ପ୍ରହରୀ ଅଖଣ୍ଡ ନାମଯଜ୍ଞ ଉଦଯାପିତ ହୋଇଯାଇଛି।ଏହି ଉପଲକ୍ଷେ ୧୭ ତାରିଖ ସୋମବାର ଚୈତ୍ର ମାସ କୃଷ୍ଣ ପକ୍ଷ ତୃତୀୟା ତିଥିରେ ମହା କଳସ ଯାତ୍ରା ଓ ଦେବା ଦେବୀ ଙ୍କ ବରଣ ଶୁଭ ଅଧିବାସ କରାଯାଇଥିଲା। ଏହି କଳସ ଯାତ୍ରା ରେ ନୂଆଁ କୁରୁମକେଲ  ସମ୍ପ୍ରଦା ଓ ବିଭିନ୍ନ ସଂକୀର୍ତନ୍ୟ ଦଳ ଯୋଗ ଦେଇ ହଜାର ସଂଖ୍ୟା ରେ ମହିଳା ଓ ଶ୍ରଦ୍ଧାଳୁକଳସ ଯାତ୍ରା ରେ ସାମିଲ ହୋଇଥିଲେ। ଏହା କୃଷ୍ଣ ପକ୍ଷ ତୃତୀୟା ତିଥି ରୁ ଆରମ୍ଭ ହୋଇ ଷଷ୍ଠୀ ତିଥିରେ ପୂର୍ଣ୍ଣାହୁତି ହୋଇଛି। ଏହି ପରିପ୍ରେକ୍ଷୀରେ ଶ୍ରୀ ରାଧାକୃଷ୍ଣ ମହାପ୍ରଭୁ ଙ୍କ ୨୪ ପ୍ରହରୀ ଅଖଣ୍ଡ ନମଯଜ୍ଞ ରେ ଦର୍ଶନ କରିବା ପାଇଁ ମହିଳା ଓ ପୁରୁଷ ଶ୍ରଦ୍ଧାଳୁ ମାନେ ହଜାର ହଜାର ସଂଖ୍ୟା ରେ ଯୋଗ ଦେଇଥିବା ବେଳେ ସଂକୀର୍ତ୍ତନ୍ୟ ମଣ୍ଡଳୀ ମାନେ ବହୁ ଦୂର ଦୁରାନ୍ତ ରୁ ଆସି ଭଗବାନ ଙ୍କ ମହାମନ୍ତ୍ର ନାମ ଧାରଣ କରି ଗାଁ କୁ ଚୈତନ୍ୟ ମୟ କରିଥିଲେ। ଏହି ନମଯଜ୍ଞ ରେ ମୁଖ୍ୟ ପଣ୍ଡିତ ସୁଦାଂଶୁ ଶେଖର ରଥ, ସହଯୋଗୀ ପଣ୍ଡିତ ପ୍ରକାଶ ରଥ, ବିଦ୍ୟାଧର ଦାଶ, ବିଜୟ ପୂଝାରୀ, କ୍ଷମାନିଧି ପୁଝାରୀ ଓ ମୁକୁନ୍ଦ ଦାଶ ପୂଜା କାର୍ଯ୍ୟ ତୁଲାଇ ଥୁବା ବେଳେ ମୁଖ୍ୟ କର୍ତ୍ତା ପବିତ୍ରମୋହନ ପଧାନ ଓ ତାଙ୍କର ଧର୍ମ ପତ୍ନୀ ତପସ୍ୱିନୀ ପଧାନ ପୂଜା କାର୍ଯ୍ୟ ନିର୍ବାହ କରିଥିଲେ। ଶେଷ ଦିବସ ର ସନ୍ଧ୍ୟା ରେ ପାରିଷଦ ବର୍ଗ ଙ୍କ ସହ ନିତ୍ୟାନନ୍ଦ ମହାପ୍ରଭୁ ଙ୍କୁ ଅସଂଖ୍ୟ ମହିଳା କୃଷ୍ଣ ଗୁରୁ ଦଳ ସହ ନଗର ଭ୍ରମଣ ଓ ଦଧି ହାଣ୍ଡି ଭଂଜନ କରିଥିଲେ। ଏଥିରେ ଛତିଶଗଡ଼ ରାଜ୍ୟ ର ଲରା ଓ ସରିଆ ଗ୍ରାମ ର, ସଂକୀର୍ତ୍ତନ୍ୟ ମଣ୍ଡଳୀ ଅର୍ଦ୍ଧ ରାତ୍ର ପର୍ଯ୍ୟନ୍ତ ବୈଠକୀ କୀର୍ତ୍ତନ କରିଥିଲେ। ଗୁରୁ ସନ୍ତୋଷ ପ୍ରଧାନ ଏବଂ ବୀର ସୁରେନ୍ଦ୍ର ସାଏ ଯୁବକ ସଂଘ ର ସମସ୍ତ କର୍ମ କର୍ତ୍ତା ସହଯୋଗ କରିଥିଲେ।